Беласица
| Беласица Μπέλες |
|
| планина | |
 Поглед кон врв Радомир (Калабак)
|
|
| Регион | Балкан |
|---|---|
| Се граничи со |  Македонија Бугарија Грција |
| Највисока точка | Радомир |
| - височина | 2.029 m (6.657 ft) |
За други значења видете Беласица (појаснување)
Беласица е планина во југо-источниот дел од Македонија во близина на Струмица. Има напореднички правец на протегање исток - запад и должина од над 70 км2. Спаѓа во групата најстари планини не само во РМ, туку и на Балканскиот полуостров. Настанала за време на создавањето на Родопските Планини. Подоцна е разорена а повторно е издигната за време на најмладото алпско набирање. Според морфолошката структура планината е изразит хорст со мошне стрмни падини кои се спуштаат на северната и јужната страна.[1]
Од соседните планини Беласица е одделена со долините на реката Вардар на запад. Струма на исток, Струмичка котлина на север и Дојранската и Серската котлина на југ. Според висичината спаѓа во групата високи планини. Наjвисок врв е Радомир (Калабак) - 2029 м. На врв Тумба се наоѓа тромеѓата меѓу Македонија, Бугарија и Грција. Тука е поставен граничен камен во вид на пирамида, што ја означува тромеѓата помеѓу овие три држави. Беласица е богата со шуми и на неа се среќаваат дабот, буката, борот, елата, јасенот и др.[2]
Но таа е уште побогата со планински пасишта на кои во летниот период доаѓааат бројни стада на пасење. Само највисоките врвови на Беласица се голи и каменити. Во подножјето на Беласица извираат многубројни термални и минерални извори. Меѓу нив најпознат е изворот во с. Банско. Водата од овој извор е лековита, минерална и сулфурна со температура од 75 С. Според температурата на водата овој извор е најтоплиот во РМ. Денес изворот е уреден и спаѓа меѓу најпознатите лекувалишта - бањи во нашата земја. Беласица е богата со рудни богатства но сѐ уште ништо не се експлоатира.
На падините на Беласица се наоѓа еден од најубавите водопади во Македонија - Смоларскиот водопад.
Од 2001 година секоја година во месец август се организира меѓународен планинарски поход за искачување на врв Тумба (Тромеѓа) под наслов "Балкан без граници".
[уреди] Наводи
[уреди] Надворешни врски
 |
Заедничката Ризница има податотеки поврзани со: „Беласица“ |
