Потеклото на племето Мизос е мистерија. Се претпоставува дека било дел од монголскиот бран, кој најпрвин дошол во Кина, а подоцна и во Индија. Мизорам станал дел од Британска Индија во 1895 година. Кога Индија станала независна, Мизорам бил дел од Асам, сè до 1972 година, кога станала сојузна територија. Во текот на 1959 година, Мизорам го зафатила голема немаштија и глад. Цветањето на бамбусот ги зголемило бројот на глувците. Откако ги изеле бамбусовите семиња, се свртеле кон житариците. Глувците ја изеле речиси цела жетва, така што населението на Мизорам се хранело со корени и лисја. Многу луѓе умрело од глад. Една организација, која барала на Мизорам да му се пружи помош, после големата глад, барала Мизорам да стане независен. Други пак се бореле Мизорам да стане држава во рамките на Индија, така што дошло до немири. Делегацијата на Мизорам во 1971 побарала од Индира Ганди да стане индиска држава. Индира Ганди го одобрила статусот на сојузната територије во 1972 година, додека индиска држава станала во 1987 година.
.svg)
