Хајлигенграбе

Хајлигенграбе
Црква во Грабов Црква во Грабов
Хајлигенграбе
Управа
Земја	Германија
Покраина	Бранденбург
Округ	Источен пригниц-Рупин
Месни единици	14
Градоначалник	Егмонт Хамелов (Wählergruppe Heiligengraber Land)
Основни податоци
Површина	232,30 км2
Надм. височина	75 м
Население	4.379 (31 декември 2020)
- Густина	19 жит/км2
Други информации
Часовен појас	CET/CEST (UTC+1/+2)
Рег. табл.	OPR
Пошт. бр.	16909
Повик. бр.	033962
Портал	www.heiligengrabe.de
Местоположба на Хајлигенграбе во рамките на округот Источен пригниц-Рупин
Карта
Координати	53°09′N 12°21′E

Хајлигенграбе (германски: Heiligengrabe) — општина во округот Источен Пригниц-Рупин, во Бранденбург, Германија.

Географија

Општината се состои од 13 единици: Бладиков, Блезендорф, Блументал, Грабов кај Блументал, Херцшпрунг, Јабел, Кенигсберг, Либентал, Маулбервалде, Папенбрух, Розенвинкел, Верников и Цацке.

Архитектура

Градина со ароматични треви, зградата на манастирот и капелата

Опатија

Опатијата „Хајлигенграбе“ (Светиот Гроб; порано наречена „Техов“) била основана како цистецијански манастир во 1289 од Хајнрих, бискуп на Хафелберг и маркгрофот Отон, првично за 12 калуѓерки.

Опатијата се здобила со значително богатство и имот во областа, делумно преку приходот од поклонението и делумно преку парични прилози од благородничките семејства од областа, особено кога една од нивните ќерки ќе влегла во опатијата. Помеѓу калуѓерките биле членови и на семејствата Ганс цу Путлиц, Фон Квицов, Фон Рор, Фон Винтерфелд и Фон Блументал. Опатицата Хенриета фон Винтерфелт имала караница со војводата на Мекленбург, кој одбил да го плати долгот кон опатијата. Така, таа позајмила артилерија и му објавила војна на Мекленбург, напаѓајќи го преку блиската граница. Во време на Реформација, опатицата Ана фон Квицов не ја прифатила новата деноминација и одбила да плаќа данок.

По реформацијата, претходната функција на опатијата, обезбедување засолниште за немажените жени од локалните благороднички семејства, не прекинала со неговата секуларизација. Така, поранешната римокатоличка опатија станала лутерански женски манастир.

• Опатија
• 
  Опатиска зграда
• 
  Капела на крвта
• 
  Манастир

Друга инфраструктура

Во Хајлигенграбе е кулата за набљудување Блументал, потполно изградена од дрво и отворена за јавноста во 2004.

Галерија

• 
  Црква во Блументал
• 
  Кула за набљудување во Блументал
• 
  Парк на дворецот Блументал-Хорст
• 
  Глинике
• 
  Црква во Глинике
• 
  Јабел
• 
  Црква во Јабел
• 
  Црква во Јабел
• 
  Црква во Кенигсберг

Надворешни врски

• Хајлигенграбе на Ризницата ^?
• Официјална страница