Роман (бугарски цар)

Од Википедија — слободната енциклопедија
Прејди на: содржини, барај

Роман (околу 929 - 997) бил цар на Бугарија од 977 до 997 г. (де факто до 991 г.). Тој е син на цар Петар I и брат на цар Борис II.

Во 963 год. византискиот император Роман II е симнат од власт и роднинските врски на бугарското царско семејство со византискиот императорски двор се прекинати. Новиот император Никифор II Фока одбил да го потпише повторно мировниот договор, освен ако Борис и Роман не бидат испратени во Константинопол како заложници.

Во 970 год., комитопулите, синовите на комит Никола, ја искористиле смртта на бугарскиот цар Петар I, па кренале востание. Византија исплашена од успехот на комитопулите и нивните големи освоени територии од Бугарија, во 970 г. ги ослободува бугарските престолонаследници Роман и Борис II од заточеништво и ги праќа да го бранат бугарскиот престол.[1] Борис и Роман се враќаат во Бугарија и поголемиот од нив ја презел власта под името цар Борис II.

Но, веќе во 971 год. бугарската престолнина Преслав и североисточниот дел од Бугарија се окупирани од Јован Цимиски, а синовите на цар Петар повторно се одведени во Константинопол.

Бидејки Борис II немал деца од машки пол, тој не претставувал опасност за ромејската власт во Бугарија, но Роман уште бил ерген. Затоа императорот наредил тој да биде скопен. Во 977 год. Роман со брат му избегале од византиско заробеништво и се упатиле кон Бугарија. Легендата раскажува дека на бугарската граница Борис II бил убиен по грешка од бугарски граничар. По смртта на брат му, Роман бил признаен од комитопулите за цар и отседнал во Скопје, кое било прогласено за престолнина.[2] Во 991 год. царот Роман повторно бил земен во заробеништво во Византија и таму тој умрел во 997 год.

Роман бил последниот владетел од Крумовата династија. Тој, како и неговиот татко, бил посветен на црковна и книжевна дејност. Роман го основал манастирот „Св. Георги Барзоходни“ и му дал статус на бугарски царски манастир.

Извори[уреди | уреди извор]

  1. Skylitzes. 255.73-80
  2. Fine, Jr., John V.A. (1987). The Late Medieval Balkans: A Critical Survey from the Late Twelfth Century to the Ottoman Conquest. Ann Arbor: University of Michigan Press. ISBN 978-0-472-10079-8.

Наводи[уреди | уреди извор]


Борис II >>> Роман, цар на Бугарија (977997) >>> Самоил[1]


  1. Поголемиот дел од бугарските и еден дел од светските историчари го сметат Самоил за наследник на Роман.