ФК Њукасл Јунајтед

ФК Њукасл Јунајтед
Newcastle United F.C.

Целосно име	Newcastle United Football Club
Прекари	Страчки, Тун Армијата
Основан	9 септември 1892
Стадион	Спортс Дајрект Арина Њукасл, Англија (Капацитет: 52,404)
Претседател	Мајк Ешли
Менаџер	Алан Пардју
Лига	Премиер лига
2011–12	Премиер лига, 5. место
Мреж. место	Службено мрежно место
Домашни бои Гостински бои Резервни бои
Тековна сезона

Њукасл Јунајтед Фудбал Клуб (на англиски Newcastle United Football Club) или ФК Њукасл Јунајтед е англиски фудбалски клуб од градот Њукасл Апон Тајн. Клубот е основан во 1892 со спојување на два локални клуба Њукасл Ист Енд и Њукасл Вест Енд и откако постои ги игра своите домашни натпревари на стадионот Сент Џејмс Парк. Клубот е член на Премиер лигата во сите, освен две сезони од историјата на натпреварувањето, и исто така никогаш не испаднал под второто ниво на англискиот фудбал, откако се приклучил на Фудбалската Лига во 1893 година. Во 2007 година, долгорочниот претседател и сопственик на клубот Сер Џон Хол го продаде својот удел во клубот на Мајк Ешли.

Њукасл има освоено четири лигашки наслови како и 6 ФА Купа, додека нивен најголем успех во евро-турнирите е освојувањето на купот на велесаемските градови во 1969 година како и Интертото Купот во 2006 година. Тие се на 8-мо место по бројот на освоени трофеи меѓу англиските екипи. Најголем ривал на Њукасл му е тимот на Сандерленд со кого го игра популарното Tyne–Wear derby уште од 1898 година. Тимот игра во за нив препознатливата црно-бела комбинација, а главен прекар на клубот е Страчките.

Бои на клубот

Главни бои на Њукасл Јунајтед се црната и белата, кој се нормално распоредени од горе надолу. Во почетокот играчите на Њукасл носеле црвени дресови, но како со текот на времето кога се повеќе тимови во Англија почнуваат да носат црвени дресови како на пр. Ливерпул и Арсенал, ги менуваат своите дресови во црно-бела комбинација. Од тогаш па се до денес боите на клубот се тие и во оваа комбинација Њукасл ги игра своите домашни натпреврари. Што се однесува до дресовите за гостинските натпревари тие се менувале со текот на времето, во почетокот биле сини, подоцна жолти, па сиви, црни, зелени, а моменталните гостински дресови на клубот се со бордо-црна боја.

Стадион

Низ историјата на Њукасл Јунајтед, нивниот дом секогаш бил Сент Џејмс Парк-најстариот и најголемиот фудбалски стадион во Севернo-Источна Англија, а шести по големина фудбалски стадион во Обединетото Кралство. Тој бил домаќин на 10 меѓународни фудбалски натпревари на сениорско ниво, од кој првиот во 1901 година, а последниот во 2005 година. Сент Џејмс Парк беше употребен како место на кое се играше фудбал и на Летните олимписки игри 2012 и истотака ќе се користи за претстојното Светско првенство во рагби во 2015 година. Капацитетот на стадионот е 52 404 места за седење. Во ноември 2011 година сопственикот на Њукасл Мајк Ешли ги продал правата на стадионот на спонзорите, па името на стадионот е променето во Спортс Дајрект Арина.

Навивачи

Панорама на Спортс Дајрект Арина

Навивачите на Њукасл, сите заедно, се познати под едно име Toon Army (превод на мак. Тун армија), но истотака познати се и некој прекари на навивачките групи како Geordies (жордицата) и the Magpies (страчките). Geordies ги нарекуваат заради тоа што така се нарекуваат луѓето кој живеат во градот Њукасл, додека the Magpies или страчки заради боите на клубот, којшто се исти со боите на пердувите на оваа птица (црно бела боја). Многу англиски медиуми велат дека Тун Армијата е една од најдобрите навивачки групи во Англија и на Островот, а најдобар доказ за тоа е посетеноста на Сент Џејмс Парк кој е еден од најисполнетите стадиони во Англија за време на натпреварите. Освен во Англија Њукасл Јунајтед има навивачки групи и во други делови на светот како на пр.: во Скандинавија, Исланд, Австралија, САД, Италија итн. Од познатите личности навивачи на Њукасл Јунајтед се и: поранешниот премиер на Велика Британија Тони Блер, потоа гитаристот на Ајрон Мејден Џеник Герс, и фронтменот на AC/DC Брајан Џонсон.

Ривали

Покрај Сандерленд со кого го игра Tyne–Wear дербито друг најлут ривал за Њукасл Јунајтед е Мидлсборо со кој се среќава во Tyne-Tees дербито.

Играчи

Моментален Состав

Бр. Позиција Играч 1 ГМ Тим Крул 2 ОД Фабрицио Колочини (К) 3 ОД Давиде Сантон 4 СР Јоан Кабај 5 ОД Дани Симпсон 6 ОД Мајк Вилијамсон 8 СР Вурнон Анита 9 НП Папис Демба Сисе 10 НП Хатем Бен Арфа 14 ОД Џејмс Прч 15 СР Дан Гослинг 16 ОД Рајан Тејлор 17 СР Ромен Алмафитано 18 СР Хонас Гутиерез 19 НП Демба Ба 20 СР Гаел Бигиримана

Бр. Позиција Играч 21 ГМ Роб Елиот 22 СР Силвајн Марво 23 НП Шола Амеоби 24 СР Шеик Тиоте 25 СР Габриел Обертан 27 ОД Стивен Тејлор 28 НП Сами Амеоби 29 СР Харис Вучкиќ 31 СР Шејн Фергусон 32 НП Сиско 33 ОД Картис Гуд 34 ОД Џејмс Таверниер 37 ГМ Стивен Харпер 39 СР Мехди Абеид 42 ГМ Џак Алнвик 49 НП Адам Кембел

Тренерска историја на Њукасл Јунајтед

Моменталниот менаџер на клубот, Алан Пардју

Име и презиме	Националност	Од	До
непознато	(n/a)	1892.	1929.
Енди Канингем		1930.	1935.
Том Матер		1935.	1939.
Стан Сејмур		1939.	1958.
Џорџ Мартин		1947.	1950.
Даг Ливингстон		1954.	1956.
Чарли Мајтен		1958.	1961.
Норман Смит		1961.	1962.
Џо Харви		1962.	1975.
Гордон Ли		1975.	1977.
Ричард Динс		1977.	1977.
Бил МекГари		1977.	1980.
Артур Кокс		1980.	1984.
Џек Чарлтон		1984.	1985.
Вили МекФол		1985.	1988.
Џим Смит		1988.	1991.
Освалдо Ардилес		1991.	1992.
Кевин Киген		1992.	1997.
Кени Далглиш		1997.	1998.
Руд Гулит		1998.	1999.
Сер Боби Робсон		1999.	2004.
Грејм Сунес		2004.	2006.
Глен Редер		2006.	2007.
Сем Алардајс		2007.	2008.
Кевин Киген		2008.	2008.
Џо Кинар		2008.	2009.
Алан Ширер		2009.	2009.
Крис Хјутон		2009.	2010.
Алан Пардју		2010.

Титули

Прва дивизија Шампиони (4) : 1904–05, 1906–07, 1908–09, 1926–27

Чемпионшип лига Шампиони (3) : 1964–65, 1992–93, 2009–10

ФА Куп Шампиони (6) : 1910, 1924, 1932, 1951, 1952, 1955

ФА Комјунити Шилд Шампиони (1) : 1909

ФА Youth Cup Шампиони (2) : 1962, 1985

Куп на велесаемските градови Шампиони (1) : 1969

Интертото куп Шампиони (1) : 2006

Надворешни врски

• Официјална Фејсбук страна
• Официјална Твитер страна
• Newcastle United News – Sky Sports