Карадере (Драмско)

Од Википедија — слободната енциклопедија
Карадере
Ελατιάς
Карадере is located in Грција
Карадере
Карадере
Местоположба во областа
Карадере is located in Драма (општина)
Карадере
Местоположба на Градобор во општината Драма и областа Источна Македонија и Тракија
Координати: 41°28.50′N 24°19.30′E / 41.47500° СГШ; 24.32167° ИГД / 41.47500; 24.32167Координати: 41°28.50′N 24°19.30′E / 41.47500° СГШ; 24.32167° ИГД / 41.47500; 24.32167
ЗемјаГрција
ОбластИсточна Македонија и Тракија
ОкругДрамски
ОпштинаДрама
Надм. вис.&100000000000015500000001.550 м
Заедница
 • Население0
Часовен појасEET (UTC+2)
 • Лете (ЛСВ)EEST (UTC+3)
Пошт. бр.66035
Повик. бр.25240

Карадере или Кара Дере (грчки: Ελατιάς, Елатијас; до 1927 г. Καρά Ντερέ, Кара Дере[1][2]) — напуштено село во Драмско, Егејска Македонија, на територијата на денешната општина Драма во областа Источна Македонија и Тракија, Грција.

Географија[уреди | уреди извор]

Карадере се наоѓа на југозападните падини на Родопите и влегува во историско-географската област Рупча (Рупчос), а управно се граничи со општината Бук. Соседни села се Каинчен, Дереќој, Пулово, Черњагово (Чернак) и Горно и Долно Алиќој, кои исто така се запустени. Селото било сместено на планината Карадере во која се одвива. Местото на кое се наоѓало селото денес се нарекува Кутра и претставуа центар за шумарска дејност. Оддалечено е на 72 км од градот Драма и 22 км до Љубан.

Историја[уреди | уреди извор]

Во Отоманското Царство[уреди | уреди извор]

Според Стојо Шишков, кон крајот на XIX век селото Карадере било село во Рупчанската каза и населението се состоело од Македонци-муслимани (помаци).[3][4]

Во Грција[уреди | уреди извор]

Во Првата балканска војна во 1912 г. селото е окупирано од бугарска војска. По Втората балканска војна во 1913 г. истото е припоено кон Грција. Според грчката статистика, во 1913 г. во Карадере (Καρά Ντερέ) живееле 274 лица.[5]

Во 1922 г. селото имало 153 жители, но во 1923 г. е напуштено. Грчките власти вршеле репресии врз населението во регионот со убивање и прогонување. Жителите на Карадере се преселиле во Турција или во селата од пиринската страна на областа Чеч (тогаш во Бугарија). Во 1927 г. селото е преименувано во Елатија (Ελατιά).[2] Во селото не се доведени грчки доселеници од Турција поради малиот број куќи, оддалеченоста и тешкиот терен. Во 1928 г. на ова место се попишани 32 мажи, поради тоа што тука бил сместен пограничен вод.[5]

Сепак, денес местото е центар на шумарското подрачје Карадере кое се простира крај границата со Бугарија. Во селото има стопански објекти и колиби кои ги користат туристи. Летно време толку многу посетители што нема доволно легла, па затоа се поставува шаторски логор.

Поврзано[уреди | уреди извор]

Наводи[уреди | уреди извор]

  1. „Μετονομασίες των Οικισμών της Ελλάδας“. Πανδέκτης: Name Changes of Settlements in Greece. Посетено на 12 април 2021.
  2. 2,0 2,1 Μετονομασίες των οικισμών της Μακεδονίας 1919 - 1971, Архивирано од изворникот на 30 јуни 2012, Посетено на 2012-06-30
  3. Како што е општопознато, Македонците во бугарските извори се присвојуваат и водат како Бугари, и покрај признанието дека самите отсекогаш се изјаснувале како Македонци.
  4. Мехмед, Хюсеин. Помаците и торбешите в Мизия, Тракия и Македония. София. стр. 57. Архивирано од изворникот 2011-02-02. Посетено на 2021-09-09. „архивска копија“. Архивирано од изворникот на 2011-02-02. Посетено на 2021-09-09.
  5. 5,0 5,1 Симовски, Тодор (1998). Населените места во Егејска Македонија : географски, етнички и стопански карактеристики. I дел. Скопје: Институт за национална историја. стр. 168.

Надворешни врски[уреди | уреди извор]