Договор од Севр

Севрски договор

Поделбата на Анадолија и Тракија според договорот
Потпишан	10 август 1920
Место	Севр, Франција
Услов	Ратификација на договорот меѓу Отоманското Царство и три земји од Антантата.
Потписници	Централни сили Османлиско Царство Антанта France Италија Јапонија Обединето Кралство Other Allied Powers Armenia Белгија Czechoslovakia Грција Хиџаз Poland Португалија Romania Југославија
Чувар	Француска влада
Јазици	француски, англиски, италијански
Целосен текст
Treaty of Sèvres на Викиизвор

Севрскиот договор (10 август 1920) бил мировен договор помеѓу Отоманското Царство и сојузниците на крајот на Првата светска војна. Договорот бил потпишан во францускиот град Севр. Овој договор следувал по потпишувањето на Версајскиот договор од страна на Германија. За разлика од Версајскиот, Севрскиот договор бил крајно неповолен за Османлиското Царство. Османлиското Царство била поделена меѓу Франција, Италија и Велика Британија. Овој договор бил поништен по започнувањето на Турската војна за независност и потпишувањето на Лозанскиот договор од 1923 година на чело со Мустафа Кемал Ататурк.

Со овој договор Османлиското Царство се одрекла од сите нетурски реони кои претходно и припаѓале. Империјата изгубила 4/5 од својата територија, а во Европа останал само Цариград и околината на Дарданелите и Босфорот.

Според договорот:

• Североисточните региони на Турција биле дадени на Ерменија.
• Во југоисточните делови на Отоманското Царство се предвидило формирање на независни држави Курдистан и Хеџаз (дел од денешна Саудиска Арабија).
• Месопотамија (Ирак), Палестина и Трансјордан биле дадени на битанската сфера на влијание под протекторат на Лигата на народите.
• Сирија и Либан кон Франција под протекторат на Лигата на народите.
• Северен Епир бил даден на новоформираната држава Албанија, под протекторат на Италија.
• Додеканези биле дадени на Италија.
• Источна Тракија со исклучок на Цариград (Истанбул), Босфорот и Дарданелите (над кои се утврдува меѓународна контрола) како и островите Имброс и Тенедос, се дале на Грција.
• Администрирањето и ексклузивните права врз областа Смирна (Измир) во Мала Азија, се доделила на Грција. По 5 години областа би можела конечно да биде присоединета кон нејзината територија.

Договорот ја обврзил Турција да ги намали своите вооружени сили на 50 000 луѓе.