Гросрешен и Клајнрешен се спомнати за првпат во официјален документ во 1370. Обликот на населбата и името наметнуваат дека Клајнрешен е постара населба од Гросрешен. Селата се развивале бавно; вендското население скоро целосно зависело од земјоделството. Од средината на 19 век започнала да се развива тешката индустрија и селата нагло се развиле. Во 1965 им бил доделен статус на град, откако во 1925 биле припоени како една општина. Во 1980 следело уништувањето на Бикген, чии жители (вкупно 4.000) морале да ги напуштат своите домови и да се преселат во станбени блокови. По падот на Берлинскиот ѕид, падот на индустриите предизвикал огромна невработеност.