Витивјанско Езеро

Од Википедија — слободната енциклопедија
Прејди на прегледникот Прејди на пребарувањето
Витивјанско Езеро
Λίμνη Πολυφύτου
Servia bridge over Polyfytos lake, Kozani, Greece.jpg
Витивјанското Езеро со Серфичкиот мост
ПодрачјеКожанско, Егејска Македонија
Координати40°12′47″N 21°56′49″E / 40.21306° СГШ; 21.94694° ИГД / 40.21306; 21.94694Координати: 40°12′47″N 21°56′49″E / 40.21306° СГШ; 21.94694° ИГД / 40.21306; 21.94694
Етимологијас. Витивјани (денес Полифито)
Главни приливиБистрица
Главни истециБистрица
Слив{{Пб/Грешка во изразот: Неочекуван број
 |1=Грешка во изразот: Неочекуван број
}}
5 630 км2
Сливни земјиГрција
Изградено1973
Најг. должина29,5 км
Најг. ширина4 км
Површина&1000000000000007300000073 км2
Најг. длабочина46 м
Надм. височина293 м

Витивјанско Езеро (грчки: Λίμνη Πολυφύτου, Лимни Полифиту) — вештачко езеро на реката Бистрица во Кожанско, Егејска Македонија. Создадено е во 1973 г. со изградбата на истоимената брана и зафаќа површина 73 км2, од кои 70 отсто отпаѓаат на општината Серфиџе-Велвендо. Езерото е во сопственост на Јавното електростопанско претпријатие (ДЕН), истото е отстапено на користење на мештаните за цели на риболов и екотуризам. Преку него поминуваат два моста — поголемиот Серфички мост (Υψηλή Γέφυρα Σερβίων) во средишниот дел, и помалиот Рамненски мост (Γέφυρα Ρυμνίου) на југозападниот крај.

Природа и активности[уреди | уреди извор]

Во езерските води се забележани 17 видови слатководни риби, од кои покрупните се во делтата на Бистрица. Витивјанското Езеро претставува важно станиште за грабливи птици бидејќи им овозможува храна, гнездилишта и засолништа. На неговите брегови презимуваат и разни преселни птици. Присутни се неколку видови влекачи и 10 видови цицачи.[1]

Водата ја добива од реката Бистрица и неколку поројници, на вкупна сливна површина од 5 630 км. Водостојот се движи во опсег од 15 м, што значи дека е среднопроточно. Брзата обнова на водата го држи езерото прилично чисто и овозможува разни дејности — стопански како рибарството и рибникарството, спортски активности како веслањето, разонода и тн. Акумулацијата воедно ги задоволува потребите за наводнување на околното обработливо земјиште.

Во последно време е забележано прекумерно присуство на олово во водата, опишано како „умерено“.[2]

Знаменитости[уреди | уреди извор]

На езерскиот брег во селото Хаџиомурлу (Родитис) се наоѓа црквичката „Блажен Варадат“, изграден од грчки дојденци од Мала Азија, кои претходно имале истоимена црква во с. Кувуклија кај Бурса. Има и споменик на настраданите во Грчко-турската војна од 1919 - 1922 г.

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]