Петерско Езеро
| Петерско Езеро Λίμνη Πετρών | |
|---|---|
 Карта на Петерско и Островско Езеро | |
 | |
| Координати | 40°43′N 21°42′E / 40.72° СГШ; 21.70° ИГД |
| Сливни земји | Грција |
| Најг. должина | 5,2 км |
| Најг. ширина | 4,2 км |
| Површина | 12,3 км2 |
| Најг. длабочина | 3-4 м |
| Надм. височина | 543 м |
| Населени места | Петерско |
Петерско Езеро (грчки: Λίμνη Πετρών, Лимни Петрон; старо Πετέρσκο[1]) — езеро во Леринско, Егејска Македонија, дел од групата на Егејските Езера.
Езерото се наоѓа на териториите на Леринско, Општина Суровичево, во северниот дел на котлината Острово меѓу два крака на планината Ниџе. Надморската висина му изнесува 570-572 метри[1], а површината околу 12 км2. Поврзано е со соседното Рудничко Езеро, од каде што добива вода. Неговите води пак се влеваат во Островското Езеро. На западниот брег се наоѓа селото Петерско, а во југозападниот Суровичево.
Заедно со Островското Езеро сочинуваат екосистем, во кој живеат повеќе од 130 видови птици, цицачи, риби. Овој простор е живеалиште на ретки и загрозени видови птици, од кои само во Петерското Езеро повеќе од 90 видови, како големиот корморан (Phalacrocorax carbo) и малиот корморан (Phalacrocorax pygmaeus). Се гнездат и ноќната чапја (Nycticorax nycticorax), жолтата чапја (Ardeola ralloides) и малата бела чапја (Egretta garzetta)[1]
Во 1977 г. Петерското Езеро е прогласено за место со посебна природна убавина.[2] Заедно со соседното Островско Езеро е вклучено во мрежата на заштитени подрачја Натура 2000 (1340004) и двете езера се прогласени за места од орнитолошка важнот (045).[1]
Наводи[уреди | уреди извор]
- ↑ 1,0 1,1 1,2 Νέζης, Νίκος (2010). Τα ελληνικά βουνά : γεωγραφική εγκυκλοπαίδεια. Τόμος 2. Ηπειρωτική Ελλάδα. Πελοπόννησος - Στερεά Ελλάδα - Θεσσαλία - Ήπειρος - Μακεδονία - Θράκη. Αθήνα: Ελληνική Ομοσπονδία Ορειβασίας Αναρρίχησης : Κληροδότημα Αθ. Λευκαδίτη. стр. 387. ISBN 978-960-86676-6-2.
- ↑ „ΥΑ Α/Φ31/23211/1747/1975/27-1-1977 - ΦΕΚ 86/Β/10-2-1977“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 2021-03-04. Посетено на 24 март 2018.
Надворешни врски[уреди | уреди извор]
Петерско Езеро на Ризницата ?- Петерското Езеро на NaturaGraeca (грчки)
| ||||||||||||||