20 февруари

20 февруари е 51-иот ден во годината според григоријанскиот календар. Остануваат 314 денови до крајот на годината (315 во престапна).

Настани:

1938	Британскиот министер за надворешни работи Ентони Идн, поднесе оставка во знак на протест поради политиката на попуштање на премиерот Невил Чемберлен кон Хитлер. Кога Черчил го презеде раководењето со британскиот кабинет, Идн како министер беше еден од најактивните државници на антихитлеровската коалиција.
1962	САД го лансираа вселенскиот брод „Меркјури атлас МА-6“ со првиот американски космонаут Џон Глен. Бродот трипати ја обиколи Земјата и се спушти во Атлантикот.
1970	Почнала изградбата на големиот мост преку Босфорската теснина, кој денес е прва директна копнена врска меѓу Балканот и Мала Азија.

Починале:

1626	Џон Доуленд, англиски композитор.
1943	Раде Јовчевски - Корчагин, народен херој на Македонија, загинал во Скопје, во судир со бугарската полиција.
1983	Танкреди Пазеро, еден од најголемите италијански оперски бас пејачи.