Триполи

Од Википедија, слободната енциклопедија
Прејди на: содржини, барај
За истоимениот град во Либан, видете Триполи (Либан).
Триполи

Триполи (население: 1,68 милиони; на арапски: طرابلس Тарāбулус) е главниот град на Либија. Се наоѓа во северозападниот дел на земјата, на работ на пустината Сахара, на брегот на Средоземното Море. Триполи бил основан во 7 век п.н.е. од фениќаните, кои го крстиле Оеа.

Триполи е најголемиот град, главно пристаниште и најголемиот комерцијален и производствен центар во Либија. Тој е и седиште на народната влада и дом на Ал-Фатех универзитетот. Како резултат на долгата историја на овој град, има многу локалитети од археолошка важност. Климата е типично средоземноморска, со топли и суви лета, ладни зими и скромни врнежи од дожд.

Градот бил подложен на воздушен напад од страна на САД во 1986, како резултат на либиската поддршка на тероризмот. Санкциите на Обединетите нации против Либија беа подигнати во 2003, со што се очекуваше тоа да го зголеми сообраќајот на пристаништето во Триполи и да има позитивен ефект врз економијата на самиот град.