Дакар

Од Википедија — слободната енциклопедија
Прејди на: содржини, барај
За релито Дакар, видете Рели Дакар. За израелската подморница, видете INS Дакар.

Дакар е главен град на Сенегал, лоциран на Капвертскиот Полуостров, на брегот на Атлантскиот Океан. Неговата позиција на западниот раб на Африка (тој е најзападен африкански град) е погодна точка за трансатлантската и европската трговија. Овој факт го потпомогна развивањето на градот во главно регионално пристаниште.

Во 2005, населението на метрополитенската област било проценето на 2,4 милиони луѓе, од кои околу 1 милион се постојани жители на Дакар. Овој град е главен административен центар, дом на Народното собрание на Сенегал и Сенегалската претседателска палата.