Мохамед Диаме

Мохамед Диаме
Лични податоци
Роден на	14 јуни 1987 (38 г.)
Роден во	Кретил, Франција
Висина	1,85 м
Позиција	дефанзивен среден ред
Клупски податоци
Сегашен клуб	Њукасл Јунајтед
Број	15
Младинска кариера
	Ланс
Кариера*
Репрезентација

Мохамед Диаме исто така познат како Момо Диаме (роден на 14 јуни 1987) — сенегалски фудбалер, играч од средниот ред на англискиот клуб Њукасл Јунајтед и на сенегалската репрезентација.

Иако е роден во Франција, Диаме избрал на репрезентативно ниво да ја претставува сенегалската репрезентација.

Клупска кариера

Почетоци

Роден во Кретил, Диаме ја започнал својата професионална кариера во 2003 година со екипата на Ланс, но тој го напуштил клубот четири години подоцна, откако се соочувал со здравствени проблеми. По целосното закрепнување, тој потпишал за шпанскиот нисколигаш Линарес во 2007 година, а следната година се преселил во Рајо Валјекано, помагајќи му на клубот од Мадрид да стигне до средината на табелата во Сегунда дивисион, откако избориле промоција сезона пред тоа. Во текот на неговото време во Рајо било објавено дека екипите од Примера Дивисион, гигантите Реал Мадрид и Барселона биле заинтересирани за ангажирање на Диаме во својте редови, како и англискиот клуб Арсенал.

Виган Атлетик

Во август 2009 година, Диаме го комплетирал својот трансфер во Премиер лигата откако потпишал за екипата на Виган Атлетик, за кого клубот исплатил 3.800.000 евра на екипата на Рајо, во договор во кој исто така, бил вклучен одбранбениот играч на Латикс Антонио Амаја, кој заминал во спротивен правец од Диаме. Трансферот претходно привремено бил ставен на чекање, по наводните проблеми со срцето кој му биле пронајдени. Диаме го направил своето деби на истиот ден кога го завршил неговиот трансфер, во поразот со 5-0 на неговиот нов тим од Манчестер Јунајтед. Тој го постигна својот прв гол за Виган против Сандерленд на 6 февруари 2010 година. По крајот на сезоната 2011-2012 тој беше ослободен од Виган и станал слободен играч во летото.

Вест Хем Јунајтед

На 20 јуни 2012 тој потпишал три-годишен договор со Вест Хем Јунајтед. По доаѓањето во клубот одбрал да го носи дресот со број 21., кој претходно го носел неговиот сонародник Папа Буба Диоп. Диаме го направил своето деби за Вест Хем на 18 август 2012 година во победата со 1-0 над Астон Вила. Својот прв гол за чеканите го постигнал во поразот со 3-1 од Арсенал на 6 октомври 2012 година. Вкупно за клубот одиграл 79 натпревари и постигнал 7 гола.

Хал Сити

На 1 септември 2014, Диаме потпишал три-годишен договор со Хал Сити. Две недели подоцна, го направил своето деби за клубот на Кеј-Си стадионот, постигнувајќи еден од головитепротив својот поранешен клуб Вест Хем Јунајтед во ремито 2-2.

На 28 мај 2016, Диаме го постигнал единствениот гол со кој Хал го совладал Шефилд Венздеј со 1-0 во финалето на плејофот на Чемпионшип лигата и успеал да избори промоција во Премиер лигата веднаш откако испаднале во претходната сезона.

Њукасл Јунајтед

На 3 август 2016, потпишал три-годишен договор со Њукасл Јунајтед.

Репрезентативна кариера

На 22 март 2011 година, Диаме бил повикан да игра за селекцијата на Сенегал, за која имал квалификации бидејќи неговиот татко е роден во Дакар Диаме го направил своето репрезентативно деби подоцна во месецот.

Во јули 2012 година, Диаме беше најавен како еден од трите играчи кој ја надминуваат старосната границата за настап на ЛОИ 2012 во Сенегалскиот тим. Диаме играше во сите четири натпревари (три во групната фаза и во четвртфиналето) на својата репрезентација, но Сенегал испадна во четвртфиналето каде беа поразени од Мексико со 4-2 по продолженија.

Клупска статистика

Статистиката е ажурирана на 24 октомври 2016.


Сезона	Клуб	Првенство			Национален куп			Континентален куп			Останати купови			Вкупно
Сезона	Клуб	Лига	Наст	Гол	Лига	Наст	Гол	Лига	Наст	Гол	Лига	Наст	Гол	Наст	Гол
2005-2006	Ланс Б	АШФ	28	1	-	-	-	-	-	-	-	-	-	28	1
2006-2007	Ланс Б	АШФ	-	-	-	-	-	-	-	-	-	-	-	0	0
Вкупно Ланс Б			28	1		-	-		-	-		-	-	28	1
2007-2008	Линарес	2ªБ	31+1	1+0	КШ	1	1	-	-	-	-	-	-	33	2
2008-2009	Рајо Валјекано	2ª	35	1	КШ	2	0	-	-	-	-	-	-	37	1
2009-2010	Виган Атлетика	ПЛ	34	1	ФАКуп+ЛК	2+1	0	-	-	-	-	-	-	37	1
2010-2011		ПЛ	36	1	ФАКуп+ЛК	3+1	2+0	-	-	-	-	-	-	40	3
2011-2012		ПЛ	26	3	ФАКуп+ЛК	-	-	-	-	-	-	-	-	26	3
Вкупно Виган Атлетик			96	5		7	2		-	-		-	-	103	7
2012-2013	Вест Хем Јунајтед	ПЛ	33	3	ФАКуп+ЛК	1+0	0	-	-	-	-	-	-	34	3
2013-2014		ПЛ	35	4	ФАКуп+ЛК	0+6	0	-	-	-	-	-	-	41	4
авг. 2014		ПЛ	3	0	ФАКуп+ЛК	0+1	0	-	-	-	-	-	-	4	0
Вкупно Вест Хем Јунајтед			71	7		8	0		-	-		-	-	79	7
авг. 2014-2015	Хал Сити	ПЛ	12	4	ФАКуп+ЛК	-	-	-	-	-	-	-	-	12	4
2015-2016		ЧЛ	38+3	9+1	ФАКуп+ЛК	1+3	0	-	-	-	-	-	-	45	10
Вкупно Хал Сити			50	13		4	0		-	-		-	-	54	13
2016-2017		Њукасл Јунајтед	ЧЛ	22	2	ФАКуп+ЛК	0+4	0+3	-	-	-	-	-	-	26	5
Вкупно во кариерата			333	30		26	6		-	-		-	-	359	36

Надворешни врски

	Портал „Биографија“
	Портал „Фудбал“
	Портал „Сенегал“

Мохамед Диаме на soccerway