Золинг (слободна област)
Золинг (германски: Solling (Landkreis Northeim)) — слободна област во округот Нортхајм, во сојузната покраина Долна Саксонија, Германија. Името на областа потекнува од планинската област Золинг.
Областа има површина од 177,49 км2[1] и со тоа е четврта најголема слободна област во Долна Саксонија и петта најголема во цела Германија.
Се протега во шумската област Золинг во округот Нортхајм и кон неа не припаѓа ниедна општина. Се граничи на исток со градовите Дасел и Моринген, на југ со градот Услар и општината Боденфелде во истоимениот округ. На југ се граничи и со округот Касел во Хесен, а на запад со округот Холцминден.
Слободната област е ненаселена. Од статистички причини се води под бројот 03 1 55 501.[1]