Аркудохор

Од Википедија — слободната енциклопедија
Прејди на прегледникот Прејди на пребарувањето
Аркудохор
Αρκοχώρι
Аркудохор is located in Грција
Аркудохор
Аркудохор
Местоположба во областа
Аркудохор is located in Негуш (општина)
Аркудохор
Местоположба на Аркудохор во општината Негуш и областа Централна Македонија
Координати: 40°35′N 22°05′E / 40.583° СГШ; 22.083° ИГД / 40.583; 22.083Координати: 40°35′N 22°05′E / 40.583° СГШ; 22.083° ИГД / 40.583; 22.083
ЗемјаГрција
ОбластЦентрална Македонија
ОкругИматија
ОпштинаНегуш
Општ. единицаНегуш
Надм. вис.&10000000000000600000000600 м
Население (2011)[1]
 • Вкупно256
Часовен појасEET (UTC+2)
 • Лете (DST)EEST (UTC+3)

Аркудохор (грчки: Αρκοχώρι, Аркохори; книжевно: Αρκοχώριον, Аркохорион; до 1934 година: Αρκουδοχώρι, Аркудохори[2]) — село во Берско, Егејска Македонија, дел од денешната Општина Негуш, во Централна Македонија, Грција.

Географија и местоположба[уреди | уреди извор]

Селото се наоѓа на 5 километри јужно од градот Негуш, на надморска височина од 600 метри.[3] Вкупниот селски атар зафаќа површина од 17 квадратни километри.

Сместено е на источните падини на планината Каракамен.

Историја[уреди | уреди извор]

Населението во минатото имало грчко и македонско потекло, но македонското било одамна асимилирано од грчкото. К’нчов и Бранкоф погрешно го споменуваат како македонска населба.[3]

Во 1934 година, името на селото било преименувано во Аркохори (Αρκοχώρι).[4]

Стопанство[уреди | уреди извор]

Селото Аркудохор е доста пасивно, а населението главно се занимава со овоштарство, со експлоатација на шумите и со сточарство.[3]

Население[уреди | уреди извор]

Александар Синве („Les Grecs de l’Empire Ottoman. Etude Statistique et Ethnographique“) во 1878 година напишал дека во Аркидохори (Arkidokhori), Берска епархија, живееле 200 Грци.[5] Во 1900 година според Васил К’нчов („Македонија. Етнографија и статистика“) во селото живееле 240 Македонци христијани.[3][6] По податоци на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Аркудохор имало 320 Македонци.[7]

Селото во пописот од 1913 година било забележано со 447 (од кои 266 мажи и 181 жена[8]), во 1920 година со 446, во 1928 година со 512, во 1940 година со 670, во 1951 година со 715 и во 1961 година со 675 жители. Во 1971 година, поради иселувањето на поголем број семејства во поголемите градови во земјата и во странство, бројот на населението се намалил на 375, а во 1981 година на 206 жители. Во пописот од 1991 година се покажало зголемување, бидејќи биле забележани 312 жители.[3]

Во пописот спроведен во 2001 година, селото било попишано со 332 жители. Во најновиот спроведен попис од 2011 година во Грција, селото било забележано со 256 жители.

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 670 715 675 375 206 312 332 256
Извор за 1940-1991 г.: Т. Симовски, Населените места во Егејска Македонија

Самоуправа и политика[уреди | уреди извор]

Селото припаѓа на општинската единица Негуш со седиште во истоимениот град, која припаѓа на поголемата општина Негуш, во округот Иматија. Воедно, селото е дел од општинскиот оддел Аркудохор, во кој е единствено село.

Наводи[уреди | уреди извор]

Белешки[уреди | уреди извор]