Андриј Лисенко

Од Википедија — слободната енциклопедија
Прејди на: содржини, барај
Роден Андриј Евменович Лисенко
30 ноември 1915
Днепропетровск, Украина
Починал 14 ноември 1984
Киев, Украина
Националност Украинец
Познат преведувач и писател
Занимање преведувач, писател и предавач.


Андриј Евменович Лисенко (украински: Андрій Євменович Лисенко; 30 ноември 1915, Днепропетровск, Украина - 14 ноември 1984, Киев, Украина) бил украински писател и преведувач на словенски јазици.

Биографија[уреди | уреди извор]

Лисенко бил роден во семејство на сиромашни селани во Катеринослав (денес Днепропетровск). Тој дипломирал на Днепропетроскиот институт за народно образование во 1933 година, а подоцна и во Киев во 1938. За време на неговата младост тој се обидел да ги напише своите први поеми и приказни.

Андриј Лисенко бил учесник и во Втората светска војна, каде бил тешко ранет. По војната, тој бил предавач на Универзитетот во Лавов, а подоцна работел и во Унијата на украински писатели.

Кариера[уреди | уреди извор]

Неговата работа од областа на литературата започнала во неговите педесети години. Тој превел голем број на литературни дела од различни словенски јазици на украински. Од бугарски, српско-хрватски, белоруски и руски тој превел романи, приказни и драми, но негов најголем успех е серија преводи од македонски јазик.

Така, Лисенко превел:

43 приказни од 27 македонски автори преведени од Лисенко ја сочинуваат книгата „Македонски новела“ ( „Македонська новела“) испечатена во Киев во 1972. За оваа книга тој ја добил наградата „Златно перо“. Сè до неговата смрт тој преведувал и давал литературна критика на македонски писатели и дела.

Извори[уреди | уреди извор]

  • П. М. Рудяков. Лисенко Андрій Євменович // Українська літературна енциклопедія. Київ: Українська енциклопедія імені М. П. Бажана, 1995, т. 3, с. 174.
  • Л. Проценко. Київський некрополь. Київ: Український письменник, 1994, с. 293.