ФК Манчестер Сити

Од Википедија — слободната енциклопедија
Прејди на: содржини, барај
ФК Манчестер Сити
200px
Целосно име Фудбалски Клуб Манчестер Сити
Прекар(и) Сити, Граѓаните, Сините
Основан 1880 како St Mark's (West Gorton)
Терен Стадион на градот Манчестер
(Капацитет: 47,726[1])
Сопственик Шеик Мансур бин Заед Ал Нахјан
Претседател Калдун Ал Мубарак
Менаџер Мануел Пелегрини
Лига Премиер Лига
2012–13 Премиер Лига, 2-ро место
Веб страна Официјално мрежно место
Kit left arm mancityh2011.png
Team colours
Kit body mancityh2011.png
Team colours
Kit right arm mancityh2011.png
Team colours
Kit shorts mcfc home 11-12.png
Team colours
Kit socks fourwhitehoops.png
Team colours
Домашни бои
Kit left arm mancitya2011.png
Team colours
Kit body mancitya2011.png
Team colours
Kit right arm mancitya2011.png
Team colours
Team colours
Kit socks long 2 hoops.png
Team colours
Гостински бои
Team colours
Kit body mancitya2010.png
Team colours
Team colours
Team colours
Kit socks mancitya2010.png
Team colours
Резервни бои

Фудбалскиот клуб Манчестер Сити е англиски Премиер лигашки фудбалски клуб лоциран во Манчестер. Основан во 1880 година во близина на Св.Марк ( Западен Гортон ) тие најпрвин биле Ф.К. Асоцијација Ардвик во 1887 година , а потоа се нарекле Манчестер Сити во 1984 година. Клубот игра на стадионот Градот на Манчестер од 2003 година , а претходно играле на Марин Роуд од 1923 година. Најуспешниот период на клубот бил во доцните 60-ти и раните 70-ти кога тие го освоија лигашкиот шампионат , ФА купот , лигашкиот куп и Европскиот куп на победниците по водство на Џо Мерсер и Малколм Алисон. По поразот во финалето на ФА купот од 1981 година , клубот пројде низ период на опаѓање со тоа што кулминацијата беше пад во третата англиска дивизиjа во 1998 година за прв пат во нивната историја. Оттогаш клубот си го врати статусот на прволигашки тим каде што го поминале поголемиот дел од својата историја. Во 2011 година , Манчестер Сити се квалификуваа за Лигата на шампионите и го освоија ФА купот.

Историја[уреди]

Општо е прифатено дека Ф.К. Манчестер Сити е основан во Св. Маркс ( Западен Гортон ) во 1880 година од страна на Ана Конел и два црковни службеници од црквата Св.Марк во Гортон , област во источен Манчестер. Пред ова , во Св.Маркс се играло крикет од 1875 година и клубот еволуирал од тој крикет тим - главниот организатор на сево ова бил црковниот службеник Вилијам Бистоу. Во 1887 година тие се преселиле на нов стадион на Хајд Роуд во Ардвик источно од центарот на градот , тие биле преименувани Ф.К. Ардвика Асоцијација за да биде одраз на нивната нова локација. Ардвик се приклучиле на Фудбалската лига како членови основачи на Втората дивизија во 1892 година. Финансиски проблеми во сезоната 1893 - 1894 допринело за реорганизација во внатрешноста на клубот и Ардвик биле реформирани како Ф.К. Манчестер Сити.

1880 - 1928[уреди]

Сити се здобија со својата прва титула со освојувањето на Втората дивизија во 1899 година , а со тоа се здобија и со промоција во највисокото ниво на англискиот фудбал односно Првата дивизија. Тие ја освоија својата прва поголема титула на 23 април 1904 година победувајќи ги Болтон со 1 - 0 во Кристал Палас за да го освојат ФА купот. Сити за малку не успеваат да освојат двојна титула односно да ги освојат и ФА купот и лигата завршувајќи како втори , но Сити станаа првиот клуб од Манчестер што освоил голема титула. Во текот на наредните сезони по освоениот ФА куп , клубот бил мета на обвиненија за наводни финансиски нерегуларности , кулминирајќи со суспензијата на 17 играчи во 1906 година , вклучувајќи го и капитенот Били Мередит кој како резултат на тоа се префрли во Манчестер Јунајтед. Пожар на Хајд Роуд ја уништи главната трибина во 1920 година и во 1923 година клубот се пресели на својот нов стадион на Мејн Роуд во Мос Сајд. Стадионот со капацитет од 100 000 гледачи ке има исклучителна историја и поради својот висок капацитет тој ке го добие прекарот Вембли на северот.

1928 - 1965[уреди]

Во 30 - тите години , Манчестер Сити стигна до две последователни финалиња во ФА купот , губејќи од Евертон во 1933 година пред да го освои купот победувајќи го Портсмут во 1934 година. За време на натпреварувањето во ФА купот во 1934 година Манчестер Сити го скршија рекордот за најголема домашна посетеност од било кој клуб во историјата на англискиот фудбал кога 84 569 фанови го преплавија Мејн Роуд за шестата рунда од ФА купот против Стоук во 1934 година - рекорд кој е сеуште несоборен дури до денес. Клубот ја освои својата прва титула во Првата дивизија во 1937 година , но испаднаа од лигата веќе наредната сезона без оглед на тоа што постигнале повеќе голови од било кој друг тим во дивизијата. Дваесет години подоцна тимот на Сити инспириран од тактичкиот систем наречен планот на Реви повторно стигна до две последователни финалиња во ФА купот , во 1955 и 1956 година , исто како и во 30 - тите тие го изгубија првото финале против Њукасл Јунајтед , но победија во второто финале. Во финалето од 1956 година каде што Манчестер Сити ги победија Бирмингем Сити со 3 - 1 , е едно од најпознатите финалиња и ќе биде запомнето по голманот на Сити, Берт Траутман кој продолжил да игра иако на натпреварот го скршил неговиот врат.

1965 - 2001[уреди]

По падот во Втората дивизија во 1963 година , иднината на Манчестер Сити изгледаше бледа со рекордно најслабата домашна посетеност од 8 015 навивачи против Свиндон Таун во јануари 1965 година. Во текот на летото 1965 година беше назначен менаџерскиот тим составен од Џо Мерсер и Малколм Алисон. Во првата сезона под водство на Мерсер , Сити ја освоија Втората дивизија и потпишаа важни играчи како Мајк Самерби и Колин Бел. Две сезони подоцна во сезоната 1967 - 1968 година Сити го освои домашниот шампионат по втор пат , освојувајќи ја титулата на последниот ден од сезоната со победа од 4 - 3 против Њукасл Јунајтед оставајќи ги зад себе на второ место своите блиски соседи Манчестер Јунајтед. Потоа следеа и други трофеи : Сити го освои ФА купот во 1969 година , пред да постигне Европски успех со тоа што го освои Европскиот куп на победниците во 1970 година , победувајќи ги Горник Забже 2 - 1 во Виена. Сити исто така го освоија и Лигашкиот куп истата сезона и со тоа станаа вториот англиски тим што освоил Европски и домашен трофеј во иста сезона. Клубот продолжи да се бори за понатамошни титули во текот на 70 - тите финиширајќи како втори со разлика од само еден поен позади шампионите на два наврати и исто така стигнаа до финалето на Лигашкиот куп во од 1974 година. Еден од натпреварите кој ќе остане во драго сеќавање на навивачите на Манчестер Сити е финалниот меч против вечните ривали Манчестер Јунајтед од сезоната 1973 - 1974 кои мораа да победат за да имаат било каква надеж да избегнат пад во втората лига. Бившиот играч на Јунајтед Денис Ло постигна гол со пета за да им даде предност на Сити од 1 - 0 на Олд Трафорд и со тоа да го запечати падот на своите ривали. Последниот трофеј од најуспешниот период на клубот беше освоен во 1976 година кога Њукасл Јуанјтед беа победени 2 - 1 во финалето на Лигашкиот куп. Потоа следеше долг период на опаѓање по успехот од 60 - тите и 70 - тите години . Малколм Алисон повторно се придружи на клубот по втор пат во 1979 година , но потроши многу пари на неуспешни играчи како Стив Далеј. Потоа следеше долга низа на менаџери , дури седум во 80 - тите , од кои прв беше Џон Бонд кој го наследи Алисон во октомври 1980 година . Под водство на Бонд, Сити стигнаа до финалето на ФА купот од 1981 година , но изгубија во реваншот против Тотенхем. Следната сезона започна добро и тие беа на врвот на лигата после Божиќ , но завршија на средина на табелата на крајот од сезоната. По една година тие испаднаа во понизок ранг, и се вратија во првата лига две години , за после две години повторно да се вратат во понизок ранг. Тие повторно се вратија во првата лига во 1989 и завршија петти во 1991 и 1992 година под водство на Питер Рид. Меѓутоа тоа ќе биде само привремено бидејќи по напуштањето на Рид иднината на Сити повторно продолжи да бледее. Сити беа едни од основачите на Премиер лигата во нејзината креација во 1992 година , но откако завршија како деветти тие изджаа три мачни сезони пред да бидат уназадени во понизок ранг во 1996 година. Две години подоцна тие беа уназадени во таканаречената Дивизија два и со тоа станаа првиот освојувач на Европски трофеј кој бил уназаден во третата лига на своето домашно првенство.

Од 2001 година до денес[уреди]

По испадот од втората лига во третата , клубот претрпе вон-теренски промени , со тоа што новиот раководител Дејвид Бернстин воведе поголема фискална дисциплина. Сити се вратија во повисок ранг при првиот обид , постигнат на драматичен начин во плеј-оф против Гилингам. Втор последвателен успех ги однесе Сити во првата лига , но ова ќе биде еден чекор премногу за клубот кој повторно ќе биде исфрлен во понизок ранг во 2001 година. Кевин Киган пристигна како нов менаџер , носејќи ги Сити повторно во првата лига со тоа што Сити ја освоија титулата од Првата дивизија односно втората англиска лига , рушејќи ги клупските рекорди за освоени поени и постигнати голови во една сезона. Сезоната 2002 - 2003 беше последна на Мејн Роуд , вклучувајќи и победа од 3 - 1 против ривалите Манчестер Јунајтед , прекинувајќи период од 13 години без дерби победа над Манчестер. Сити исто така се квалификуваа за Европско натпреварување за прв пат по 25 години пропуштајќи ја шансата за тоа во 90 - тите поради забраната за Европски фудбал за англиските клубови. Во 2003 година клубот се пресели на новиот Сити Стадиум . Првите сезони на овој стадион резултираа со завршници на средината на табелата. Поранешниот тренер на репрезентацијата на Англија Свен Јеран Ериксон стана првиот странски тренер на Сити кога тој беше назначен во 2007 година. По успешниот старт , перформансите почнаа да опаѓаат во вториот дел од сезоната и Ериксон беше отпуштен во јуни 2008 година . Ериксон беше заменет од страна на Марк Хјуз два дена подоцна на 4 јуни 2008 година. Сонот за враќањето во славните денови на Сити поставен од страна на Ташкин Шинаватра само пред една година, сега изгледаше осуден на пропаст но тоа што следеше беше нешто што тренерот Хјуз и навивачите на Манчестер Сити не можеа ни да го замислат ниту да го предвидат - со тоа што Марк Хјуз во текот на следните неколку месеци се најде во завидна финансиска позиција , позиција која надежно ќе го смени текот на историјата на Манчестер Сити на подобро. Во текот на август 2008 година , клубот беше купен од страна на групата Абу Даби. Преземањето беше веднаш проследено со фурија од наддавања за високо профилни играчи , клубот го скрши британскиот трансфер рекорд со потпишувањето на бразилскиот интернационалец Робињо од Реал Мадрид за 32,5 милиони фунти. Сити завршија како десетти , исто така тие стигнаа до четврт - финалето на тогашниот УЕФА - Куп. За време на летото 2009 година , клубот постигна трошок за трансфер на досега невидено ниво со потпишувањето на Герет Бери , Роке Санта Круз , Коло Туре , Емануел Адебајор , Карлос Тевез и Џолеон Лескот со потрошени преку 100 милиони фунти. На 19 декември беше објавено дека Марк Хјуз ќе биде заменет со Роберто Манчини. Сити ја завршија сезоната на петто место за малку не стигнувајќи до Лигата на шампионите , наместо тоа натпреварувајќи се во новата УЕФА Европа Лига во сезоната 2010 - 2011. Пред стартот на сезоната 2010 - 2011 Манчестер Сити ги комплетираа трансферите на Џером Боатенг , Јаја Туре , Давид Силва , Александар Коларов , Марио Балотели и Џејмс Милнер кој потпиша во првата недела од сезоната. Един Џеко се придружи на клубот во јануарскиот преоден рок. На 16 април 2011 година, Сити стигнаа до финалето на ФА купот победувајќи ги лутите ривали Манчестер Јунајтед во полуфиналето обезбедувајќи си финале со Стоук Сити. Тие победија во финалето со 1 - 0 освојувајќи го својот петти ФА куп и својот прв поголем трофеј по освојувањето на Лигашкиот куп од 1976 година. На 10 мај 2011 година клубот се квалификуваше за Лигата на шампионите за прв пат со победа од 1 - 0 против Тотенхем. На последниот ден од сезоната Сити ги надминаа Арсенал и стигнаа до третото место кое носи директна квалификација во Лигата на шампионите. За сезоната 2011 - 2012 Сити потпишаа доста високо профилни играчи вклучувајќи ги Гаел Клиши , Стефан Савич , Серхио Агуеро , Самир Насри и Овен Харгривс. Сити ја започнаа сезоната одлично со голема победа од 6 - 1 против своите ривали Манчестер Јунајтед во октомври. Сити имаа предност од пет поени на врвот на премиер лигата.

Резерви и Академија[уреди]

Резерви[уреди]

Се до 2011 година резервите играа во Северната резервна Баркли Премиер лига и во Сениорскиот куп на Манчестер . Клубот има резервен тим од 1982 година , кога резервите играа во Ланкширска комбинација . Резервите беа шампиони во Ланкширската комбинација во сезоната 1901 - 1902. Тие ја напуштија Ланкширкста комбинација во 1911 година за да се придружат на Централната лига при нејзиното формирање. Резервите играа во Централната лига се до 2000 година , освојуваќи ја на 3 наврати во сезоните 1977 - 1978 , 1986 - 1987 и 1999 - 2000.

Академијата[уреди]

Академијата на Манчестер Сити е задолжена за развојот на младинците при клубот , со цел да се развијат младите играчи за понатамошната иднина. Првиот младински тим во клубот беше основан од Алберт Александар во 20 - тите години познат како “А“ тимот . Од 1951 година “А“тимот се натпреваруваше во Ланкширската лига против резервните и младинските тимови на другите клубови од северо - западот на Англија. Од 1955 година се креираше вториот младински тим или “Б“ тимот типично составен од помлади играчи од тие на “А“тимот кој се натпреваруваше во Дивизијата два од Ланкширската лига. Академијата е една од најпочитуваните во земјата и од својата нова инкарнација во 1998 година таа има произведено повеќе професионални фудбалери од било кој друг клуб во Премиер лигата , севкупно 35 играчи. 14 од тие играчи се сеуште во клубот , а во последните 2 години произлегоа уште осум играчи. Од сезоната 2011 - 2012 резервите ќе се натпреваруваат во ново формираната НекстГен фудбалска серија , тоа ќе биде натпреварување од европски карактер во стилот на Лигата на шампионите или Европа лига со главна цел да им се даде шанса на младите европски фудбалери да играат еден против друг. Манчестер Сити одиграа клучна улога во создавањето на Премиер лигата и покрај се поголемите критики од страна на англиските медиуми дека англискиот фудбал не произведува доволно млади таленти. Покрај академијата , клубот се обидува да стапи во контакт со млади луѓе од околината на Манчестер преку нивната општинската хуманитарна програма во градот која обезбедува фудбалски школи и програми за бесплатно тренирање на одредени места во Манчестер.

Клупскиот амблем и боите[уреди]

Домашните бои на Манчестер Сити се небесно сини и бели. Традиционалниот дрес за натпревари на гости е или во костенлива боја ( од 60 - тите години ) или црвено црно , но во последните неколку години се употребени неколку различни бои. Потеклото на домашните бои се нејасни , но постојат докази дека клубот носи сина боја уште од 1892 година или порано. Брошура со наслов Познати фудбалски клубови - Манчестер Сити објавена во 40 - тите покажува дека Западен Гортон ( Св.Марк ) оригинално играле со светло црвена и црна боја на дресовите , а има и докази од 1884 година кои го опишуваат тимот како игра со црни дресови на кои има бел крст кои го покажуваат потеклото на клубот како црковен тим. Црвено црните бои доаѓаат од поранешниот асистент менаџер Малколм Алисон кој верувал дека со посвојувањето на боите на Милан може да ги инспирира Сити кон слава. Теоријата на Алисон успеала со тоа што Сити го освои финалето од ФА купот од 1969 година , Лига купот од 1970 година и Европскиот куп на победниците од 1970 година носејќи црвено црни бои наспроти небесно сините бои . Сегашниот клупски амблем беше усвоен во 1997 година како резултат на тоа што претходниот клупски амблем бил непогоден за регистрација за заштитен знак. Амблемот е базиран на грбот на градот Манчестер и се состои од штит поставен пред златен орел . На штитот може да се види брод поставен на горната половина кој го претставува Бродскиот канал на Манчестер , и три дијагонални линии во долната половина ги симболизира трите реки на градот - Ирвел , Ирк и Медлок. На дното на амблемот може да се забележи мотото Superbia in Proelio кое преведено од латински значи Гордост во борба . Над штитот и орелот се три ѕвезди кои се само декоративни. Претходно Сити носеле два други амблеми на нивните дресови. Првиот , претставен во 1970 година , бил базиран на дизајни кои биле користени во официјални клупски документи од средината на 60 - тите. Првиот амблем се состоел од круг во кој бил истиот штит кој се наоѓа во сегашниот амблем на клубот , во внатрешноста се наоѓал уште еден круг во кој било името на клубот. Во 1972 година овој беџ бил заменет со варијација која ја заменила долната половина на штитот со црвената роза на областа Ленкшајр. На одредени настани кога Манчестер Сити играле во некое големо финале , вообичаениот беџ не бил користен , наместо тоа на дресовите се користи беџ кој ги има грбот на градот Манчестер како симбол на гордоста во претставувањето на Манчестер во некој голем настан. Оваа практика има потекло од времето кога дресовите на играчите немале воопшто никаков амблем , но сепак продолжило да се практикува низ текот на историјата на клубот. За финалето во ФА купот од 2011 година , Сити го користеа вообичаениот амблем со специјална назнака , но грбот на градот Манчестер бил вклучен во еднобојно лого на броевите на дресовите на играчите.

Играчи[уреди]

Моментална екипа[уреди]

Бр. Нац. Позиција Играч
1 Англија ГМ Џо Харт
 ?? Франција ОД Бакари Сања
2 Англија ОД Мика Ричардс
4 Белгија ОД Венсан Компани (captain)[2]
5 Аргентина ОД Пабло Сабалета
6 Англија ОД Џолеон Лескот
7 Англија СР Џејмс Милнер
8 Чиле ОД Давид Писаро
10 Босна и Херцеговина НП Един Џеко
11 Англија СР Адам Џонсон
12 Англија ГМ Стјуарт Тејлор
13 Србија ОД Александар Коларов
15 Црна Гора ОД Стефан Савиќ
16 Аргентина НП Серхио Агуеро
18 Англија СР Герет Бери
19 Франција СР Самир Насри
20 Англија СР Овен Харгривс
Бр. Нац. Позиција Играч
21 Шпанија СР Давид Силва
22 Франција ОД Гаел Клиши
25 Англија ГМ Џо Харт
26 Колумбија ГМ Давид Гонсалес
28 Брег на Слоновата Коска ОД Коло Туре
30 Романија ГМ Костел Пантилимон (на позајмица од Политехника Темишвара)
32 Аргентина НП Карлос Тевес
34 Холандија СР Најџел Де Јонг
37 Фарски Острови ГМ Гунар Нилсен
42 Брег на Слоновата Коска СР Јаја Туре
45 Италија НП Марио Балотели
62 Англија СР Абдул Разак

Играчи на позајмица[уреди]

Бр. Нац. Позиција Играч
14 Парагвај НП Роке Санта Круз (на позајмица во Реал Бетис до крајот на сезоната 2011 - 2012)
33 Ирска ОД Грег Канингем (на позајмица во Нотингем Форест до крајот на сезоната 2011 - 2012)[3]
38 Белгија ОД Дедрик Бојата (на позајмица во Болтон до крајот на сезоната 2011 - 2012)
Бр. Нац. Позиција Играч
40 Словачка СР Владимир Вајс (на позајмица во Еспањол до крајот на сезоната 2011 - 2012)
50 Норвешка СР Абдисалам Ибрахим (на позајмица во НЕЦ до крајот на сезоната 2011 - 2012)
Англија СР Мајкл Џонсон (на позајмица во Лестер Сити до крајот на сезоната 2011 - 2012)
43 Англија НП Алекс Нимлеј
9 Того НП Емануел Адебајор (во Тотенхем до крајот на сезоната 2011 - 2012)

Повлечени броеви[уреди]

Crystal Clear app xmag.svg Главна статија: „Повлечени фудбалски броеви.
Бр. Нац. Позиција Играч
23 Камерун СР Марк Вивиен Фо (posthumous honour)

Од 2003 година , Манчестер Сити го немаат употребено бројот 23. Тој беше повлечен во сеќавање на Марк Вивиен Фо кој беше на позајмица во клубот од Лион за време на неговата смрт на теренот за време на натпревар со неговата репрезентација Камерун до купот на конфедерациите од 2003 година.

Алеа на славните[уреди]

Алеа на славните на Манчестер Сити[уреди]

Следните бивши играчи и менаџери се членови на алеата на славните на Манчестер Сити и се подредени според годината на нивното членство во алеата на славните.

„Past Players“. „mcfc.co.uk“. (Manchester City Football Club). http://www.mcfc.co.uk/The-Club/Club-History/Past-Players. конс. 23 март 2011. </ref> and are listed according to the year of their induction:

Менаџерски тим[уреди]

Позначајни менаџери[уреди]

Следните менаџери имаат освоено најмалку еден поголем трофеј (со исклучок на Комјунити Шилд-от) со Манчестер Сити (вкупната бројка вклучува само натпреварувачки мечеви).

Table correct as of 3 January 2012
Име Од До Натпревари Победи Нерешени Изгубени  % на победи Титули
Шкотска Том Малеј 1902 1906 &10000000000000150000000150 &1000000000000008900000089 &1000000000000002200000022 &1000000000000003900000039 &1000000000000593300000059,33 1904 ФА Куп
Англија Вилф Вајлд 1932 1946 &10000000000000352000000352 &10000000000000158000000158 &1000000000000007100000071 &10000000000000123000000123 &1000000000000448900000044,89 1934 ФА Куп
1936–37 Прва дивизија
1937 Charity Shield
Англија Лес Мекдовал 1950 1963 &10000000000000592000000592 &10000000000000220000000220 &10000000000000127000000127 &10000000000000245000000245 &1000000000000371600000037,16 1956 финале на ФА Куп
Англија Џо Мерсер 1965 1971 &10000000000000340000000340 &10000000000000149000000149 &1000000000000009400000094 &1000000000000009700000097 &1000000000000438200000043,82 1965–66 Second Division
1967–68 First Division
1968 Charity Shield
1969 FA Cup
1970 European Cup Winners' Cup
1970 League Cup
Англија Тони Бук 1974 1979 &10000000000000269000000269 &10000000000000114000000114 &1000000000000007500000075 &1000000000000008000000080 &1000000000000423800000042,38 1976 Лига куп
Италија Роберто Манчини 2009 2013 &10000000000000116000000116 &1000000000000006900000069 &1000000000000002300000023 &1000000000000002400000024 &1000000000000594800000059,48 2011 ФА куп

Навивачи[уреди]

Манчестер Сити има голема навивачка група во однос на неговиот компаративен недостиг на успех на теренот. Од преместувањето на Сити стадиум , просечната посетеност на Манчестер Сити е во првите шест во Англија , вообичено има по 40 000 посетители . Дури во касните 90 - ти кога клубот беше два пати пратен во понизок ранг во период од три сезони и играјќи во третата лига на англискиот фудбал ( тогашна Дивизија два , а сега Фудбалска Лига еден ) домашната посетеност беше негде околу 30 000 споредена со помалку 8 000 , бројка вообичаена за таа лига. Истражување спроведено од Манчестер Сити во 2005 година пресметува дека клубот има навивачка база од околу 886 000 во Велика Британија , а вкупно околу 2 милиони навивачи низ цел свет. Манчестер Сити има неколку навивачки организации од кои две се официјални признати : Навивачкиот Клуб на ФК Манчестер Сити ( 1949 година ) ( формиран од спојувањето на Официјалниот навивачки клуб и Стогодишната навивачка асоцијација во јули 2010 година ) и Интернационалниот Навивачки Клуб. Постојат неколку магазини издадени од страна на навивачите , со најдолг тираж е Кралот на Кипакс и тоа е единствениот магазин кој сеуште се издава. Песната по избор на Навивачите на Сити е изведба на ,,Сина месечина’’ , која иако има меланхолична тема сепак таа e изведена со ентузијазам како да е херојска химна. Навивачите на Сити имаат тенденција да веруваат во непредвидлвиост и дека тоа е наследна карактеристика на нивниот тим , и ги означуваат неочекуваните резултати како ,,Типично за Сити“ . Настани кои се означени како ,,Типично за Сити“ се тоа што Сити се единствените англиски шампиони кои биле пратени во понизок ранг ( 1938 година ) , единствениот тим кој дал и примил преку 100 гола во една сезона ( 1957 – 1958 ) или поскорешниот пример во кој Сити беа единствениот тим кој ги победи Челзи во сезоната 2004 - 2005 во Премиер lигата , а сепак во истата сезона Сити беа елиминирани од Олдам Атлетик во ФА kупот , тим кој беше дури две дивизии пониско од Сити. Најголемото ривалство на Манчестер Сити е со соседите Манчестер Јунајтед против кои го имаат Манчестерското дерби. Пред Втората светска војна , кога патувањето за натпревари во гости било ретко , многу навивачи од Манчестер ги гледале двата тима иако се сметале за навивачи на само еден тим. Оваа пракса продолжува во раните 60 - ти и како што патувањето станува полесно , а цените на билетите се зголемиле , гледањето на обата тима станало необично и ривалството само се зголемило . Многу чест стереотип е тоа што навивачите на Сити доаѓаат од вистинскиот Манчестер , а навивачите на Јунајтед доагаат од друго место. Истражување од 2002 година од страна на еден истражувач од Метрополитен Универзитетот од Манчестер забележал дека иако поголема пропорција од сопствениците на сезонски билети на Сити се од области со поштенски број од Манчестер ( 40 % споредено со 29% на Јунајтед ) , сепак имало повеќе навивачи на Јунајтед со повеќе сезонски билети , помалиот процент бил резултат на поголемиот просечен број на сопственици на сезонски билети на Јунајтед ( 27 667 во споредба со Сити кои имале 16 481 ), но во извештајот не е нагласено дека во градот самиот Манчестер има повеќе сопственици на сезонски билети кои навиват за Сити ( отприлика 4 навивачи на Сити за секои 3 на Јунајтед ) . Извештајот предупредува дека бидејќи истражувањето на податоците било спроведено во 2001 година , бројот на сопственици на сезонски билети за Сити и за Јунајтед е пораснат , проширувањето на стадинот на Јунајтед и преселувањето на Сити на Сити Стадиум уште повеќе ги зголемило продажбите на сезонски билети . Во доцните 80 - ти навивачите на Сити започнаа тренд на носење објекти на дување на натпревари , воглавно големи банани. Едно оспорено објаснување за овој тренд е дека на натпреварот против Вест Бромвич Албион навивачите почнале да скандираат Имре Банана кога Имре Варади бил претставен како замена. Трибините преполни со навивачи кои мавтаат со објекти на дување станало честа глетка во сезоната 1988 - 1989 кога овој тренд се префрлил и кај други клубови ( риби на дување биле видени во Гримзби Таун ) со тоа што овој феномен го достигнал својот врв на натпреварот на Сити против Стоук на 26 Декември 1988 година , натпревар кој бил опишан од магазините како елегантна забава. Во август 2006 година клубот стана прв кој бил прогласен за клуб кој вработува хомосексуалци од страна на кампањската група Стоунвол . Во 2010 година навивачите на Сити присвоија исклучителен танц познат како Познан од навивачите на полскиот kлуб Лек Познан.

Сопствеништво и финансии[уреди]

Холдинг групата на Манчестер Сити - Манчестер Сити Лимитед е приватна лимитирана компанија со отприлика 54 милиони акции. Клубот е во приватни раце од 2007 година кога поголемиот број на акционери се согласија да ги продаат своите акции на УК Спортс Инвестменет Лимитед , компанија контролирана од поранешниот премиер на Тајланд Таксин Шинаватра. УКСИЛ тогаш даде формална понуда за купување на акциите под сопствеништво на неколку илјади мали акциониери. Пред преземањето на клубот од страна на Таксин, клубот беше вброен во специјалистичкиот независен капиталистички пазар ПЛУС ( поранешен OFEX ) каде што бил дел од 1995 година. На 6 јули 2007 година со здобивањето на 75 % од акциите, Таксин го оттргна клубот од таа листа и го регистрираше како приватна компанија. До август УКСИЛ се здоби со 90 % од акциите и ги искористи своите права од актот за Компании за да ги притисне останатите акционери и да се здобие со целосна контрола на шерхолдингот. Таксин Шинаватра стана претседавач на клубот и двете негови деца Пинтонгта и Пантонгтае исто така станаа директори. Поранешниот претседавач Џон Вардл остана во одборот уште една година , но даде отказ во јули 2008 година по назначувањето на Гери Кук како извршен претседавач во мај. Клубот имаше пред даночен губиток од 11 милиони фунти на 31 мај 2007 година , последната година кога сметките беа објавени како јавна компанија. Купувањето на Таксин го проследи период на трансфер транскации во клубот трошејќи околу 30 милиони фунти додека во претходните неколку сезони трошоците биле меѓу најниските во целата лига. Една година подоцна самата инвестиција беше узурпирана од поголеми суми . На 1 септември 2008 година Абу Даби Јунајтед Ивестмент Груп од Абу Даби и Девелопмент Лимитед го комплетираше преземањето на клубот. Зделката која наводно вредела 200 милиони фунти беше објавена утрото на 1 септември.

Надворешни врски[уреди]

Шаблон:BBC Football Info

Шаблон:Manchester City F.C.

  1. http://www.uefa.com/MultimediaFiles/Download/StatDoc/competitions/UCL/01/67/63/79/1676379_DOWNLOAD.pdf
  2. Clayton, David. „Kompany confirmed as City skipper“, Manchester City F.C, 10 септември 2011 (конс. 11 септември 2011).
  3. „Nottingham Forest to keep Greg Cunningham for season“. BBC Sport. 29 декември 2011. http://newsimg.bbc.co.uk/sport1/hi/football/16359859.stm. конс. 30 декември 2011. 
  4. Starting line-up inducted into City Hall of Fame“, „menmedia.co.uk“, Manchester Evening News, 23 јануари 2004 (конс. 30 март 2011).