Напад (фудбал)

Во фудбалот, напаѓач е играч кој игра најблиску до противничкиот гол, и е најмногу задолжен за постигнување на голови. Оваа позиција е најпозната во фудбалот, поради фактот што напаѓачите стануваат славни фудбалер побрзо од оние кој играат на останатите позиции заради постигнатите голови. Најпознатите напаѓачи (Пеле, Марадона) постигнуваат најмногу голови, и поради тоа тие се најскапи и најмногу барани на трансфер пазарот.

Модерните фудбалски формации обично вклучуваат три, или најчесто два напаѓачи. Тренерите обично поставуваат средишен напаѓач кој е поставен најнапред (средишен напаѓач или единствен централен напаѓач),и уште еден напаѓач кој е поставен помеѓу единствениот шпиц и средниот ред (“втор“ напаѓач).