5 (скопска автобуска линија)

Линија 5
Преглед
Превозник	ЈСП Скопје
Тип на линија	градска
Возила	Јутунг (двок.)
Состојба	сообраќа
Бр. на постојки	34
Ноќна	иста
Траса
Град	Скопје
Минува низ населбите Ново Лисиче, Реонски Центар, Јане Сандански, Аеродром, 11 Октомври, Острово, Маџир Маало, Центар, Капиштец, Тафталиџе, Козле, Влае, Ѓорче Петров, Дексион
Минува по улиците бул. Февруарски поход, бул. В. С. Бато, бул. Јане Сандански, бул Кузман Јосифовски Питу, бул. Кочо Рацин, ул. 11-ти октомври, ул. Димитрие Чуповски, бул. Митрополит Теодосиј Гологанов, ул. Војвода Васил Чакаларов, бул. Ѓорче Петров, ул. Кузман Шапкарев
Почеток	Ново Лисиче, Општина Аеродром
Крај	Дексион, Општина Ѓорче Петров
Времетраење на кругот	60-90 мин.
Сообраќање
Честота	10-20 мин.
Честота (викенди)	исто
Дневни часови	05:00 - 24:00
Ноќни часови	0:15 - 04:00
Билет	25/30 ден.
Возен ред и податоци
Возен ред на линијата 5 со календар
Шема на линијата Легенда 30 Н. Лисиче (крајна) 28 Н. Лисиче: Згради 26 Н. Лисиче 1 24 Н. Лисиче: Пошта 22 Рударски институт 20 ТЦ Капитол 18 Мајчин дом 16 ТЦ Три бисери 14 Аеродром: Палма 12 ТЦ Скопјанка 10 Железничка станица 8 Банка на РМ 5 Југодрво 3 Градска болница 1 Центар: Рекорд 247 АМСМ 249 Католичка црква 251 Ф-ка Треска 253 бул. Т. Гологанов: Веро 255 Ф-ка Алумина 680 Гранд Престиж 257 Тафталиџе 259 Ст. дом „Гоце Делчев“ 262 Порта Козле 264 Ф-ка Реплек Железен мост 267 Хром: Тинекс 269 Хром: Влае 303 Ѓ. Петров: Стар пазар 305 Ѓ. Петров: Кино 307 Југохромски згради 309 Општина Ѓ. Петров 311 Јурија 314 Ѓ. Петров: Адинг 315 Дексион (крајна)

Линија 5 — редовна дневна и ноќна автобуска линија во Скопје, управувана од претпријатието ЈСП Скопје. Оваа автобуска линија сообраќа од населбата Ново Лисиче во Аеродром до населбата Дексион во Ѓорче Петров и обратно, минува низ 34 автобуски постојки, должината е 14,2 километри и е во времетраење од околу 90 минути.

Траса

Линијата почнува во близина на паркот Лисиче во Ново Лисиче. Продолжува по булеварите „Февруарски поход“ и „В. С. Бато“, го заобиколува Ново Лисиче и продолжува кон населбите Јане Сандански и Аеродром по булеварот „Јане Сандански“. Застанува кај трговските центри Бисер и Капитол и продолжува кон населбата Острово каде застанува кај трговскиот центар Скопјанка.

Линијата продолжува по булеварот „Кузман Јосифовски Питу“, проаѓа под Железничката станица и Народна банка на Македонија и продолжува кон булеварот „Кочо Рацин“. Од таму врти кон градската болница и низ ул. „Димитрие Чуповски“ минува низ Рекорд. Од таму се приклучува на бул. „Митрополит Теодосиј Гологанов“ и минува низ населбите Капиштец, Тафталиџе 1 и 2 и Козле. По улицата „Војвода Васил Чакаларов“ го проаѓа Железниот мост и преминува на другата страна на реката Вардар и поминува низ населбата Влае.

На кружниот тек кај Порта Влае се приклучува на улицата „Ѓорче Петров“ и продолжува по истата сè до улицата „Кузман Шапкарев“ во Дексион каде се наоѓа нејзиниот терминус.