Градска болница (Скопје)

Од Википедија — слободната енциклопедија
Прејди на прегледникот Прејди на пребарувањето
Градска болница
Skopje, razglednica so Gradska bolnica, 1930.jpg
Историска разгледница од Градската болница во 1930 година
Градска болница (Скопје) is located in Општина Центар
Градска болница (Скопје)
Местоположба на болницата во средиштето на Скопје
Поранешни називиЗавод за социјално осигурување на работниците
Други називиЈЗУ Универзитетска клиника по хируршки болести „Св. Наум Охридски“
Општи податоци
МестоСкопје, Македонија Македонија
Адресаагол на бул. 11 Октомври и ул. Филип Втори Македонски
Координати41°59′33″N 21°26′3″E / 41.99250° СГШ; 21.43417° ИГД / 41.99250; 21.43417Координати: 41°59′33″N 21°26′3″E / 41.99250° СГШ; 21.43417° ИГД / 41.99250; 21.43417
Почната1933
Завршена1934
Проектирање и изградба
АрхитектДраго Иблер

Градска болница (Скопје) (првично име: Завод за социјално осигурување на работници; денешно име: ЈЗУ Универзитетска клиника по хируршки болести „Св. Наум Охридски“) — градба во средиштето на Скопје, во непосредна близина на Собранието на Македонија.

Изградбата на објектот започнала во 1931 година дело на хрватскиот архитект Драго Иблер.[1]

Проектирање[уреди | уреди извор]

Објектот бил предвиден со Генералниот урбанистички план од 1929 година, во времето на градскиот татко Јосиф Михајловиќ - Јурукоски. Сместен на новопроектираниот плоштад „Слобода“, на кој биле планирани да бидат сите поважни републички институции, организирани со средишното парковско зеленило, паркот Парк „Жена-борец“.

Градба[уреди | уреди извор]

Делото на Иблер е третиот и последен јавно изведен објект од неговото творештво. Се карактеризира со основна геометриска форма, ослободена од непотребни детали. Освен чистата архитектура, на објектот се применети современи конструктивни материјали и се применети функционалните и рационалните размислувања за неговото организирање.

Објектот има ортогонална основа добиена од еден правоаголен дел 56,5/40 метри и еден квадратен од 17,5 метри. Кон западната страна ослобен е дел од приземјето во улога на трем.

По вертикала објектот има подрум, приземје и три ката. Обликувањето на фасадата е со хоризонтални потези, создадени од прозорите, без декоративен пристап и исчистена мисла. Во средиштето на објектот е формиран атриум, кој го подобрува осветлувањето проветрувањето.

Заштита[уреди | уреди извор]

Објектот на Градската болница долго време бил под заштита на Конзерваторскиот центар од Скопје како градителско наследство (со акт од 1996 година).

Меѓутоа, веќе во 2009 година се намалува нивото на заштита со цел доградување и менување на објектот.

Наводи[уреди | уреди извор]

  1. „„Градска болница” Скопје / Драго Иблер и Драго Галич 1934“. МАРХ. 19 септември 2015. конс. 24 мај 2017.