Стратони

Од Википедија — слободната енциклопедија
Прејди на прегледникот Прејди на пребарувањето
Стратони
Στρατώνι
Стратони is located in Грција
Стратони
Стратони
Местоположба во областа
Стратони is located in Аристотел (општина)
Стратони
Местоположба на Стратони во Аристотел и областа Централна Македонија
Координати: 40°31′N 23°49′E / 40.517° СГШ; 23.817° ИГД / 40.517; 23.817Координати: 40°31′N 23°49′E / 40.517° СГШ; 23.817° ИГД / 40.517; 23.817
ЗемјаГрција
ОбластЦентрална Македонија
ОкругХалкидик
ОпштинаАристотел
Општ. единицаСтагира-Акант
Население (2001)[1]
 • Вкупно1.057
Часовен појасEET (UTC+2)
 • Лете (DST)EEST (UTC+3)

Стратони (грчки: Στρατώνι) — село во Општина Аристотел во округот Халкидик, Егејска Македонија, денес во областа Централна Македонија, Грција[2]. Пред реформата на локалната власт во 2011 година Стратони бил дел од општина Стагира-Акант [2].

Географиja и местоположба[уреди | уреди извор]

Стратони се наоѓа на 16 километри северно од градот Јерисос и на 111 километри источно од Солун, во југоисточниот дел на Халкидики, на северниот дел од полуостровот Света Гора, во подножјето на планината Пијавица (Стратонико).

Историја[уреди | уреди извор]

Антички период[уреди | уреди извор]

Човековата активност во регионот започнала околу 600 година п.н.е. Во близина на селото биле откриени наоди од римската епоха, од кои најважна е гробницата која датира од крајот на 1 век п.н.е., две статуи на маж и на жена, познатата „Госпоѓа од Стратони“, кои денеска се изложени во музејот во Полигеро. Археолошките ископувања од 1962 година покажале дека населбата била изградена на местото на античкиот Стратоники, град споменат од Клавдиј Птоломеј[3].

Северно од населбата во месноста Зепко која има одлична плажа, има откриено ранохристијанска базилика[4].

Отоманско Царство[уреди | уреди извор]

Местото каде денеска се наоѓа селото во текот на 19 век се наоѓало во казата Касандар во составот на Отоманското Царство. Појавата на населбата Стратони датира од крајот на 19 век и е тесно поврзана со рударството. Богатите рудни наоѓалишта, познати уште од антиката и византискиот период, се главен извор на богатството на селото. Стратони ја игра улогата на пристаниште на соседното село Извор (денес Стратоники).

Грција[уреди | уреди извор]

По крајот на Балканските војни, селото било вклучено во составот на Грција. По потпишувањето на Лозанскиот договор во 1923 година помеѓу Република Турција и Република Грција, во селото се населиле грчки бегалци од Анадолија.

Во 1932 година селото претрпило големи штети од земјотресот во Јерисос[5][6], но во следните неколку години било речиси целосно обновено.

Демографија[уреди | уреди извор]

За прв пат селото се споменува на пописот од 1920 година, каде биле евидентирани 331 жители. Во 1928 година селото броело 756 жители, додека во 1940 година селото броело 778 жители.

Селото според пописот од 1951 година броело 1127 жители, на пописот од 1961 година во селото живееле 1156 жители, во 1971 година имало 1257 жители, во 1981 година имало 1294 жители, додека во 1991 година имало 1421 жители[7]. Денеска, населението на селото е 1057 жители според пописот од 2011 година.

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 778 1127 1156 1257 1294 1421 1174 1057
Извор за 1940-1991 г.: Т. Симовски, Населените места во Егејска Македонија

Наводи[уреди | уреди извор]

  1. (PDF 39 Мб) Фактична состојба на населението и домовите во Грција според пописот од 18 март 2001 г.. Државен завод за статистика на Грција. 2003. http://dlib.statistics.gr/Book/GRESYE_02_0101_00095.pdf. 
  2. 2,0 2,1 Kallikratis law Greece Ministry of Interior (грчки)
  3. Δήμος Αριστοτέλη
  4. // Ιερά Μητρόπολη Ιερισσού, Αγίου Όρους και Αρδαμερίου
  5. „Stratoni“. dimosaristoteli.gr. конс. 15 July 2014. 
  6. „Ιστορία Στρατωνίου“. stratoni.net. конс. 15 July 2014. 
  7. Симовски, Тодор (1998). Населените места во Егејска Македонија : географски, етнички и стопански карактеристики. II. Скопје: Институт за национална историја. стр. 173. 

Надворешни врски[уреди | уреди извор]