Премиер на Јапонија
| Премиер на Јапонија | |
|---|---|
 Службен амблем на премиерот | |
| Звање | Нејзината Екселенција |
| Седиште | Кантеј |
| Назначувач | Царот |
| Мандат | Највеќе 4 години (без ограничување на бројот на последователни мандати) |
| Прв функционер | Ито Хиробуми |
| Создадена | 22 декември 1885 |
| Мреж. место | www.kantei.go.jp |
.jpg)
Премиерот на Јапонија (јап. 内閣総理大臣, трскр. најкаку-сори-дајџин) е шеф на владата на Јапонија. На функцијата го изгласува Собранието на Јапонија, избирајќи од своите пратениците, а на функцијата го назначува царот. За да остане на функцијата треба да ја ужива довербата на Претставничкиот дом. Премиерот е шеф на кабинетот и ги назначува или разрешува министрите. Буквален превод на јапонскиот назив на функцијата е Министер за сеопфатна управа со кабинетот или Министер што претседава со кабинетот.
Функцијата е создадена во 1885, четири години пред донесувањето на уставот на Јапонското царство. Денешниот облик на функцијата се должи на уставот од 1947.
Назначување
[уреди | уреди извор]Премиерот го избираат двата дома на Собранието со гласање од два круга. Доколку домовите изберат различни лица, тогаш се формира заедничка комисија што има за задача да постигне согласност за едно лице. Доколку не се договорат во рок од десет дена, тогаш функцијата му припаѓа на лицето што го предложил Претставничкиот дом. Затоа, во теорија, Претставничкиот дом може да избере кого сака.[1] Потоа кандидатот формално стапува на функција со негово назначување од страна на царот.[2]
Лицето мора да ја отстапи функцијата доколку Претставничкиот дом му изгласа недоверба или ја надгласа довербата, под услов домот да не се растури во следните десет дена.[3]
Должности
[уреди | уреди извор]Уставни улоги
[уреди | уреди извор]- Врши „контрола и надзор“ врз сета извршна власт.[4]
- Поднесува нацрт-закони во Собранието во име на кабинетот.[5]
- Потпишува закони и налози на кабинетот (заедно со други членови на кабинетот).[6]
- Ги назначува сите министри на кабинетот, со можност да ги разреши во секое време.[7]
- Може да одобри правна постапка против членови на кабинетот.[8]
- Мора да пишува отчети за и домашните и надворешните односи и да му ги доставува на Собранието.[5]
- Мора да дава отчет на барање на Собранието, одговарајќи на прашања или давајќи образложенија.[9]
Статутарни улоги
[уреди | уреди извор]- Претседава со седниците на кабинетот.[10]
- Врховен командант на Самоодбранбените сили на Јапонија (војската).[11]
- Може да отфртли судски налог против управен акт, образложувајќи ја причината.[12]
Обележја
[уреди | уреди извор]
Знаме на премиерот
Амблем на премиерот
Челенка на премиерот
Список на премиери од 1982 до 2012
[уреди | уреди извор]| Име | Мандат |
|---|---|
| Тошики Кајфу | 1989–1991 |
| Киичи Мијазава | 1991–1993 |
| Морихиро Хосокава | 1993–1994 |
| Цутому Хата | 1994 |
| Томиичи Мурајама | 1994–1996 |
| Рјутаро Хашимото | 1996–1998 |
| Кејзо Обучи | 1998–2000 |
| Јоширо Мори | 2000–2001 |
| Џуничиро Коизуми | 2001–2006 |
| Шинзо Абе | 2006–2007 |
| Јасуо Фукуда | 2007–2008 |
| Таро Асо | 2008–2009 |
| Јукио Хатојама | 2009–2010 |
| Наото Кан | 2010–2011 |
| Јошихико Нода | 2011–2012 |
| Шинзо Абе | 2012–2020 |
| Јошихиде Суга | 2020–2021 |
| Фумио Кишида | 2021-2024 |
| Шигеру Ишиба | 2024-2025 |
| Санае Такаичи | 2025- |
Поврзано
[уреди | уреди извор]Наводи
[уреди | уреди извор]- ↑ Член 67 од Уставот на Јапонија
- ↑ Член 6 од Уставот на Јапонија
- ↑ Член 69 од Уставот на Јапонија
- ↑ Член 5 од Уставот на Јапонија
- 1 2 Член 72 од Уставот на Јапонија
- ↑ Член 74 од Уставот на Јапонија
- ↑ Член 68 од Уставот на Јапонија
- ↑ Член 75 од Уставот на Јапонија
- ↑ Член 63 од Уставот на Јапонија
- ↑ Закон за кабинетот, чл. 4
- ↑ Закон за Самоодбранбените сили од 1954
- ↑ Закон за судски спорови во управата, Член 27
Надворешни врски
[уреди | уреди извор] |
„Премиер на Јапонија“ на Ризницата ? |
- Премиерот на Јапонија и неговиот Кабинет - службен портал (англиски)
- Список на јапонски кабинети од 1885 до 1989 г. (јапонски)
|