Пер Лашез

Гробишта Пер Лашез
Cimetière du Père-Lachaise
	Пер Лашез, патека Ерази
Податоци
Основани	1804
Место	Париз
Земја	Франција
Координати	48°51′36″N 2°23′46″E / 48.860° СГШ; 2.396° ИГД
Тип	Јавни, граѓански
Големина	44 ха
Погребани	Преку милион

Пјер Лашез (француски: Cimetière du Père-Lachaise) (се нарекуваат и Источни гробишта) - најголемите гробишта во Париз и се сметаат за едни од најпознатите во светот, каде што се закопани голем број познати личности. Денес е и една од туристичките одредниви во Париз.

Почетоци

Овие гробишта го добиле името по језуитот, исповедникот на Луј XIV, Пјер Франсоа де Лашез (1624-1709). Земјиштето на кое се наоѓа им припаѓало на језуитите сè додека државата не го купила во 1804 година, кога Наполеон го прогласил за гробишта. Така, Пер Лашез станале источни гробишта, додека гробиштата Монмартр биле на север, а гробиштата Монпарнас на југ. Во центарот на градот, во сенката на Ајфеловата кула, се наоѓаат гробиштата Паси.

Кога првпат биле отворени, гробиштата биле предалеку од градот и немало многу погребувања. Поради оваа причина, управителите на гробиштата со голем оглас, во 1804 година го организирале преносот на посмртните останки на Лафонтен и Молиер.

Пер Лашез е уреден како голем парк, има 47.000 билки и 5.300 дрвја. Денес таму се закопани над 300.000 луѓе, а уште поголем е бројот на урни со пепел од кремирани покојници.

Познати починати личности погребани во Пер Лашез

Жан-Батист Поклен, Молиер (француски: Jean-Baptiste Poquelin, Molière), француски писател.
Жан де Лафонтен (француски: Jean de La Fontaine), познат баснописец.
Мигел Анхел Астуријас (шпански: Miguel Ángel Asturias), писател од Гватемала, добитник на Нобеловата награда за литература (1967 година).
Марија Калас (англиски: Maria Callas), грчка оперска пејачка. Најпрво нејзината пепел била закопана на овие гробишта, додека не била украдена. Откако беше пронајдена урната, било одлучено пепелта да се расфрли во Егејското Море. Празна урна сè уште стои на Пер Лашез.
Клод Бернар (француски: Claude Bernard), познат француски психолог
Сара Бернар (француски: Sarah Bernhardt), француска глумица.
Фредерик Шопен (полски: Frédéric Chopin), чие тело било погребано на овие гробишта, додека неговото срце било погребано во Варшава.
Жак-Луј Давид (француски: Jacques-Louis David), сликар на Француската револуција и дворски сликар на Наполеон . По реставрацијата на Бурбонците, бил протеран од Франција како револуционер. По неговата смрт, неговото тело не смеело да се врати во Франција, па во гробницата останало само неговото срце.
Ежен Делакроа (француски: Eugène Delacroix), познат француски сликар.
Грофица Консуело де Сент-Егзипери (француски: Consuelo de Saint-Exupéry), писател од Ел Салвадор, омажена за грофот Антоан де Сент-Егзипери (француски: Antoine de Saint-Exupéry), автор на Малиот принц.
Гистав Кајбот (француски: Gustave Caillebotte), француски импресионистички сликар.
Теодор Жерико (француски: Theodore Gericault), романтичен сликар.
Едит Пјаф (француски: Édith Piaf), една од најпознатите француски пејачки на шансони.
Ив Монтан (француски: Yves Montand), глумец.
Џим Морисон (англиски: Jim Morrison), американски рок-музичар, главен вокал на групата The Doors. Поради повремен вандализам и масовни собири на навивачи (што ги вознемируваlo семејствата на други помалку познати личности погребани во близина на гробот на Морисон), гробиштата морале да ангажираат чувари за да го чуваат гробот. Многу други гробови се вандализирани со стрели исцртани со зборовите „На Џим“, што е дополнителна работа за работниците на гробиштата.
Жорж Пјер Сера (француски: Georges-Pierre Seurat), француски сликар, татко на неоимпресионизмот.
Џоакино Росини (италијански: Gioachino Rossini), италијански композитор. Во 1887 година, посмртните останки на Росини биле пренесени во Фиренца, но криптата останала во Пер Лашез.
Оскар Вајлд (англиски: Oscar Wilde), ирски писател, драматург и поет. Според традицијата, обожавателите на Оскар Вајлд го бакнуваат споменикот со кармин на усните и на тој начин оставаат отпечаток од бакнежот.
Жорж Бизе (француски: Georges Bizet), француски композитор и диригент, автор на операта „Кармен“.
Изадора Данкан (англиски: Isadora Duncan), американска танчерка, уметник и сопруга на Есенин.

Оноре де Балзак (француски: Honoré de Balzac), француски писател од 19 век.
Жорж Енеску (романски: George Enescu), романски композитор, пијанист, виолинист
Шарл Месје (француски: Charles Messier), француски астроном.
Мишел Неј (француски: Michel Ney), маршал на француската армија кој се борел во Револуционерните и Наполеонските војни.
Виктор Ноар (француски: Victor Noir), новинар од времето на Наполеон, работел во весникот „Марсејеза“. Бил убиен од внукот на Наполеон, Пјер Бонапарт во кавга. Особено е интересна скулптурата направена од Жил Далу (француски: Jules Dalou) и кој го претставува Ноар мртов како лежи на грб додека ерекција може да се види низ неговите панталони. Споменикот станал многу популарен меѓу припадничките на понежниот пол, бидејќи постои верување дека триењето на интимните делови, усните и стапалата на овој споменик промовира плодност, возбудлив сексуален живот или можеби сопруг за една година.^[1] Управата на гробиштата морала да го огради споменикот за да го заштити од пропаѓање, бидејќи со текот на годините бронзата во тој дел била доста истрошена. До оградата има натпис кој забранува „неправилно триење на споменикот“ ^[2]
Марсел Пруст (француски: Marcel Proust), француски интелектуалец, писател, есеист и критичар.
Алис Б. Токлас (англиски: Alice B. Toklas), американска писателка, интимен партнер на американската писателка Гертруда Стајн (англиски: Gertrude Stein). Нејзиното име било врежано на другата страна на гробот на Гертруда Штајн со ист фонт и стил, и на тој начин тие останале неразделни во смртта како и во животот.
Симон Сињоре (француски: Simone Signoret), позната француска глумица, добитничка на Оскар во 1959 година за филмот Соба на покривот (англиски: Room at the Top).
Жан Франсоа Шамполион (француски: Jean-François Champollion), египтолог кој ги дешифрирал египетските хиероглифи. На гробот на Шамполион има голем обелиск.
Ричард Рајт (англиски: Richard Wright), афроамерикански писател од првата половина на 20 век.
Жозеф Луј Геј-Лисак (француски: Joseph Louis Gay-Lussac), француски физичар и хемичар.