Никола Ристановски

Од Википедија — слободната енциклопедија
Прејди на прегледникот Прејди на пребарувањето
Роден 23 јануари 1969
Острава, Чехословачка (денес Чешка)
Националност Македонец
Познат по улогата во:
Збогум на 20-тиот век
Монтевидео, Бог те видео
Ова не е американски филм
Балканот не е мртов
Занимање глумец
Сопружник Емилија Ристановска

Никола Ристановски (роден на 23 јануари 1969 во Острава, Чешка) — македонски театарски, филмски и телевизиски глумец.[1]

Биографија[уреди | уреди извор]

Ристановски е роден во чешкиот град Острава на 23 јануари 1969 година, а кога имал 7 години, со семејството се преселил во Тетово. Во средното училиште, членувал во драмската секција. Во тоа време, наговорен од професорката Нада Гешоска, тој учествувал на натпревар во Осиек, Хрватска на кој Ристановски и неговите колеги се претставиле со "Злостроство и казна" од Достоевски и ја освоиле првата награда на жири-комисијата, предводена од Фабијан Шоваговиќ. Воден од тој успех, Ристановски се определил да студира глума, но бил трипати одбиен на приемниот испит на Факултетот за драмски уметности во Скопје, каде што паднал уште во првата година на студиите. Сепак, подоцна, уште како студент бил повикан да игра во една театарска претстава, што било признание за неговиот талент. Дипломирал на Факултетот за драмски уметности во Скопје, на отсекот за актерска игра во 1993 година.

Професионална кариера[уреди | уреди извор]

По завршувањето на Факултетот за драмски уметности во Скопје, Ристановски постанал дел на Македонскиот народен театар во 1994 година. Првата професионална престава во Македонскиот народен театар му била "Жорж Данден", во режија на Бранко Ставрев, по што следувала улогата во "Снежана и седумте џуџиња" на Дејан Дуковски, а во режија на Александар Поповски. Две години подоцна, Ристановски блеснал со улогата во култната претстава "Буре барут". Во текот на својата кариера, Ристановски играл во 41 претстава и во 15 филмови при што освоил 28 награди, со што тој е најнаградуваниот македонски актер. Најмногу соработувал со Александар Поповски (10 претстави и 3 филма), а најмногу настапи имал во преставата "Буре барут" (над 150 настапи). Исто така, Ристановски имал богата кариера и во странство, каде што играл во популарните и наградувани претстави "Господа Глембаеви" и "Дервишот и смртта".[2] [3] Во 2016 година, Ристановски настапил во филмот „Игла под прагот“ на црногорскиот режисер Иван Мариновиќ.[4]

Награди[уреди | уреди извор]

  • Награда на ревијата Екран за најдобро актерско остварување за улогата на Раскољников во претставата Злосторство и казна (1994);
  • Награди за најдобро актерско остварување на Македонскиот театарски фестивал Војдан Чернодрински - Прилеп за улогите на: Управникот во претставата Бунт во домот за старци (1994);
  • Доктор Фалус, Лулу, Шејтанот во претставата Маме му ебам кој прв почна (1997)
  • Лопахин во претставата Вишновата градина (1998).
  • Награда за најдобро актерско остварување за улогата во претставата „Дон Жуан“ на МТФ „Војдан Чернодрински“ - Прилеп (2006);
  • Награда „Златен ловоров венец“ за најдобро актерско остварување за улогите во претставите „Дон Жуан“ и „Никаде никого немам“ на фестивалот МЕС Сараево (2006);
  • Награда за најдобро актерско остварување за улогата на Ахмед Нурудин во претставата „Дервишот и смртта“ (Народно позориште Белград) на Стеријино позорје (2009),
  • Награда за најдобар актер на ИССТФ - Ријека, Хрватска за улогата на Ахмед Нурудин во претставата „Дервишот и смртта“ (Народно позориште Белград), за истата претстава ги добил и наградите за најдобар актер на „Ардалион“ Ужице (2009)
  • награда за најдобар актер на Фестивал во Пожаревац, Србија.
  • Награда за најдобар актер на Меѓународниот фестивал на мали сцени (ISSTF) – Риека, Хрватска (2010)
  • Наградата „Св.Ардалион“ на Театарскиот фестивал во Ужице, Србија (2010)
  • Награда „Раша Плаовиќ“ – Белград, Србија (2009)
  • Награда „Зоран Радмиловиќ“ на Фестивал во Заечар, Србија (2009)
  • Награда „Зоранов БРК“ на Фестивал во Заечар, Србија (2009)
  • Награда за најдобар актер на Фестивалот „Стериино позорје“, Нови Сад, Србија (2009)
  • Награда за најдобар актер на Фестивалот „Петар Кочиќ“ – Бања Лука, Р.Српска/Босна и Херцеговина (2009)
  • Награда за најдобар актер на Фестивалот на БиХ драма – Зеница, Босна и Херцеговина (2009)
  • Награда за најдобар актер на Фестивалот „Јоаким Вујиќ“ – Крагуевац, Србија (2009)
  • Награда за најдобар актер на Фестивалот во Пожаревац, Србија (2009).
  • Награда за високо актерско остварување на Фестивалот на камерен театар „Ристо Шишков“ во Струмица (2012)[5]
  • Награда „Златен делфин“ за најдобар актер во рамките на „Босфорскиот филмски фестивал“ во Истанбул (за улогата во филмот „Игла под прагот“).[6]

Филмографија[уреди | уреди извор]

Наводи[уреди | уреди извор]

  1. „Никола Ристановски доби актерска награда“ (македонски). Сител. 16.11.2009 - 16:02. конс. 2012-05-13. 
  2. Сребра Ѓорѓијевска, "Во театарот им е убаво и на актерите и на публиката", Дневник, година XVIII, број 5483, четврток, 5 јуни 2014, стр. 21.
  3. „Институт за театрологија“. конс. 2012-09-14. 
  4. „Никола Ристановски награден во Истанбул“, Утрински весник, година XVII, број 5239, вторник, 22 ноември 2016, стр. 19.
  5. „„Ристо Шишков“ за Никола Ристановски“ (македонски). http://www.utrinski.com.mk. 13 септември 2012. конс. 2012-09-14. 
  6. „Никола Ристановски награден во Истанбул“, Утрински весник, година XVII, број 5239, вторник, 22 ноември 2016, стр. 19.
  7. наТерапија“, „наТерапија“. (на mk-MK)

Надворешни врски[уреди | уреди извор]