На терапија (телевизиска серија)

Од Википедија — слободната енциклопедија
(Пренасочено од На терапија)
Прејди на прегледникот Прејди на пребарувањето
На терапија
Jg,jg,jg,gj.jpg
На терапија
ЖанрПсихолошка драма
Создадена одХагаи Леви
Ори Сиван
Нир Бергман
Напишана одСашо Кокаланов
Огнен Георгиевски
Елеонора Венинова
Дарко Митревски
Режирана одВардан Тозија
УлогиНикола Ристановски
Бедија Беговска
Јелена Јованова
Тони Наумовски
Ангела Димитрова
Драгана Костадиновска
Висар Вишка
Земја на потеклоМакедонија Македонија
Првичен јазикмакедонски
Бр. на сезони1
Бр. на епизоди45
Продукција
Извршен продуцент(и)Бранко Петровски
Продуцент(и)Роберт Насков
МестоположбаСкопје
Времетраење29-35 минути
Прикажување
Првична мрежаСител Телевизија
Првично прикажување18 септември 2017 – 17 ноември 2017
Надворешни врски
Мрежна страницаnaterapija.mk

На терапија — прва македонска телевизиска серија снимена според странска лиценца, во продукција на „Кино Око“. Емитувањето на серијата започнало на 18 септември 2017 година. Серијата, во која глумат домашни актери, содржи 45 епизоди адаптирани од македонски автори и реализирани со екипа од македонски телевизиски и филмски професионалци.

Преглед[уреди | уреди извор]

Оригиналната серија „На терапија“ потекнува од Израел, создадена од Нир Бергман, Ори Сиван и Хагаи Леви. Леви е познат и по работата на серијата „The Affair“ наградена со неколку „Златни глобуси“.[1]

Дејствието на серијата се одвива околу приватниот и професионалниот живот на психотерапевт кој во текот на петте работни дена работи со своите пациенти на нивните проблеми, за во слободното време и самиот да побара стручна психијатриска помош. Секоја епизода е фокусирана на ликот на одреден пациент и неговиот однос со главниот лик: суицидална пливачка на тинејџерски години; професионален војник кој ги преиспитува своите постапки; жена која има еротска фиксација кон терапевтот; брачен пар кој не може да се соочи со обврските на родителство; како и сопругата на психотерапевтот која се обидува да го спаси нивниот брак кој е во криза.

Серијата постигнала огромен успех во матичната земја и освојува награди за најдобра драмска серија, најдобар актер, најдобра актерка, најдобро сценарио и најдобра режија од израелската Акедемија за филм и телевизија. Во 2008 година, лиценцата за серијата ја откупува американската мрежа „HBO“ која продуцира три сезони. Во улога на психотерапевтот се појавува познатиот актер Габриел Брн, а епизодните улоги ги играат популарните глумци: Мишел Форбс, Дајен Вест, Мија Васиковска, Мелиса Џорџ, Дебра Вингер и други.[1]

Серијата веднаш се здобила со популарност, ласкави критики и неколку високи признанија, вклучувајќи ги наградите „ЕМИ“ за најдобар актер и актерка, наградата „Златен глобус“ за најдобар актер и наградата за нова серија на Синдикатот на писателите на Америка (Writers Guild of America). Концептот на серијата доживеала планетарен успех и се снимаат посебни верзии за Канада, Аргентина, Бразил, Јапонија, Чешка, Полска и Италија. Во Балканскиот регион досега се снимени романска верзија (HBO Central Europe), словенечка верзија (POP Brio) со Игор Самобор во главната улога, српска верзија (Fox Television) со Мики Манојловиќ во главната улога и хрватска верзија (HTV).[1]

Во македонската верзија на хит-серијата играат: Никола Ристановски (во улогата на психотерапевт), заедно со Јелена Јованова, Амернис Нокшиќи, Тони Наумовски, Ангела Димитрова, Драгана Костадиновска, Висар Вишка и Бедија Беговска.[1]

Осврт кон серијата[уреди | уреди извор]

Широката популарност и гледаност на серијата „На терапија“ се должи на интелигентниот концепт и на маестрално изградените карактери со чии уникатни животни приказни може да се идентификува секој гледач. Низ призма на личното, „На терапија“ ги отсликува колективните потешкотии со кои се справуваат македонските граѓани во секојдневниот живот. Во 45 епизоди се обработуваат низа тематики, почнувајќи од граѓански активизам и човекови права, полова нееднаквост, семејно насилство, ксенофобија, корупција, слобода на медиуми, право на сексуална ориентација, однос кон децата и тинејџерите во општеството, традиционален наспроти модерен начин на живот, и ред други прашања.[1]

Ликови[уреди | уреди извор]

Д-р Виктор Терзиев - е психотерапевт и сопственик на приватнa ординациja за психотерапија во Скопје. Образованието го стекнал на Институтот за психологија на Филозофскиот факултет во Скопје, каде што и докторирал на клиничка психологија. Потоа стажира во Психијатриската болница Скопје во Бардовци.Праксата на д-р Терзиев се темели врз убедувањето дека за да му помогне на пациентот, психотерапевтот треба да ја избрише границата која постои за време на терапијата со лична грижа за доброто на пациентот.

Милена -  е многу повеќе од анестезиолог и атрактивна девојка од "внатрешноста". Таа е анксиозно депресивна, која бара татковска фигура, а за која дијапазонот на ликови кои и се пуштаат варира од Монти Пајтон до World War Z. Можеби сите мислат кој кревет да го фатат, но таа ќе мисли само на еден кауч - каучот на доктор Терзиев, во кого несвесно ќе се заљуби.

Зана - современа и амбициозна жена, сопруга на Гент и мајка на едно дете. Ако сопругот е како отворена книга, таа е како дненвик заклучен со катанец.

Гент - натпросечно интелигентен, но подпросечно речит. Грижлив родител, но има проблеми со сопругата Зана.

Ивана - олимписка пливачка надеж чија надеж полека, но сигурно тоне. Ивана е само една жртва од пропаднат брак на своите родители, која спасот од семејните проблеми го побарала во спортот. Се вљубила во својот тренер, но поради тоа што таа врска не може да опстои, таа се обидела да се самоубие. 

Владо - е човек кој стекнал и искажува огромна дисциплина, тој е дефанзивно арогантен, но има проблем со одговорност. Го прогонува минатото кое му создава немир и грижа на совест, а на неговата психа влијаело и детството во кое бил оставен од родителите.

Д-р Вера Арсиќ -  е психијатар, активист и некогашен ментор на д-р Виктор Терзиев.

Актер Улога
Д-р Виктор Терзиев Никола Ристановски
Ана Терзиева Амернис Нокшиќи
Милена Јелена Јованова
Владо Тони Наумовски
Ивана Ангела Димитрова
Гент Висар Вишка
Зана Драгана Костадиновска
Д-р Вера Арсиќ Бедија Беговска
Филип Терзиев Стефан Спасов
Павел Терзиев Борис Караѓоргов
Теа Терзиева Долорес Попович
Мајка и на Ивана Габриела Петрушевска
Татко и на Ивана Дејан Лилиќ
Татко му на Владо Петар Арсовски
Синот на Владо Андреј Насков
Пријателот на Владо Кире Ѓоргиевски
Симеон Игор Стојчевски
Доставувач на пица Мартин Ѓоргоски
Постар пациент Маја Заровска
Жена му на Владо Елена Вишка
Мајка му на Владо Слободанка Петрушевска
Пациент Елеонора Стојковска Попетреска
Тренерот на Ивана Стојанчо Цветановски
Двојникот на Ивана Сања Влаисављевиќ

Надворешни врски[уреди | уреди извор]

  • 1,0 1,1 1,2 1,3 1,4 Ивана Тасев, „Напред наши!“, Економија и бизнис, година 19, број 232, октомври 2017, стр. 99.