Дервишот и смртта

Од Википедија — слободната енциклопедија
Прејди на прегледникот Прејди на пребарувањето

Дервишот и смртта (српски: Дервиш и смрт) - роман на југословенскиот писател Меша Селимовиќ. Романот е награден со многу награди, за него се напишани многу студии и доживеал неколку екранизации: ТВ серии, ТВ филм, Игран филм.[1]

Романот Дервиш и смрт е пишуван во период од четири години 1962- 1966година. Првото издание е објавено во Сараево во 1966 година во реномирана издавачка куќа Свијетлост. Од првото објавување доживеал воодушевување кај читателската публика што условило голем број реиздавања.

„Дервиш и смрт” според жанровските карактеристики од страна на различни авитори се сврстува во поетско-психолошки и рефлексивно-филозофски роман.

Содржина[уреди | уреди извор]

Романот се состои од 16 глави, поделени во два дела: Првиот дел содржи девет глави, додека вториот дел е составен од седум глави.[2]

Дејствието на романот е сместено во 18. век во типична босанска касаба. Главниот лик на романот е Ахмед Нурудин, дервиш на мевлевијски реда, кој доживува лична емотивна, психолошка и човечка драма, а некои негови одлуки и влијанието на средината доведуваат до апасење и смртта на неговиот брат кој е во судир со апсолутистиката отоманска власт, што води до етички конфликт кај него.

Критиката овој роман го прогласува за книга за ите времиња, а тоа доаѓа од таа длабока, сензитивна сооченост на главниот лик со стапиците на човековото постоење и со неизбежно губење на човечките вредности во апсурдните опшествени тирании и притисок на тоталитарните идеологии.

Авторот, кој и самиот имал, речиси, идентична судбина, загубата на братот поради повоеното лудило на средината, малогранштината и моќта на непромислените, хистерични реакции на масата, во романот ја внел сета своја мисловна длабочина што ова дело го издигнува на највисокиот пијадестал, може би дури и над самиот Андриќ, иако кандидатурата за Нобелова награда, која што ја иницирале босанските писатели, современици на Селимовќ, никогаш не била реализирана.

Изданија на македонски јазик[уреди | уреди извор]

Во 2000 година, романот бил објавен од страна на АЕА Издавачи; Матица Македонска, во превод на Миле Ќорвезировски, додека предговорот го напишал Васил Тоциновски. Книгата, со обем од 450 страници и со димензии од 20 сантиметри, е каталогизирана во НУБ „Св. Климент Охридски“, Скопје и ја носи меѓународната ознака ISBN 9989-39-120-3.[3]

Наводи[уреди | уреди извор]

  1. Даница Андрејевић, Поеика Меше Селимовића, Просвета, 1996, Београд
  2. Меша Селимовиќ, Дервишот и смртта. Скопје: АЕА издавачи, Матица македонска, 2000.
  3. Меша Селимовиќ, Дервишот и смртта. Скопје: АЕА издавачи, Матица македонска, 2000.