Средоземни игри 1955

II Средоземни игри Барселона 1955
Град домаќин	Барселона, Шпанија
Број на држави	10
Број на спортисти	900
Број на спортови	20
Број на натпревари	102
Отворање	16 јули 1955
Затворање	25 јули 1955
Стадион	Олимписки стадион

II Средоземни игри се одржале во Барселона, Шпанија. На игрите учествувале 900 спортисти (сите мажи) од 10 земји-учеснички. Настанот се одржал од 16 до 25 јули 1955.

Свечените церемонии на игрите се одржале на Олимпискиот стадион, кој бил изграден за одржување на светската изложба во 1927, а градот со овој стадион бил кандидат за домаќин на Олимписките игри во 1936. На овој стадион, биле одржани свечените церемонии на Летните олимписки игри - 1992.

На овие Средоземни игри, за прв пат бил употребен симболот, амфора исполнета со вода од Средоземното Море.

Освојувачи на медали

Табелата е составена според бројот на освоени златни медали. При ист број на златни медали, се зема предвид вкупниот број на сребрени, а потоа и вкупниот број на бронзени медали. При еднаков број на освоени златни, сребрени и бронзени медали, местото е исто за сите земји со ваков резултат, при што во табелата се подредени по азбучен редослед. Овој систем го користи и МОК.

Место	Земја	Злато	Сребро	Бронза	Вкупно
1	Франција	39	29	31	99
2	Италија	32	27	22	81
3	Шпанија (домаќин)	12	15	18	45
4	Египет	9	20	17	46
5	Турција	8	3	3	14
6	Грција	1	7	8	16
7	Либан	1	1	4	6
8	Сирија	0	0	1	1
Вкупно		102	102	104	308

Надворешни врски

• Меѓународен комитет на Средоземните игри
• Резултати од Средоземните игри на gbrathletics