Алдаир

Од Википедија — слободната енциклопедија
Прејди на прегледникот Прејди на пребарувањето
Алдаир
Aldair.jpg
Лични податоци
Полно име Алдаир Насименто дос Сантос
Роден на 30 ноември 1965 (1965-11-30) (53 г.)
Роден во Иљеус, Бразил
Држава Бразил Бразил
Висина &100000000000001820000001,82 м
Играчки податоци
Позиција одбрана
Повлекување 2008 (43 год.)
Младинска кариера
Фламенго Фламенго
Кариера*
Години Клуб Наст. (Гол.)
1986-1989 Фламенго Фламенго 54 (3)
1989-1990 Бенфика Бенфика 22 (5)
1990-2003 Рома Рома 330 (14)
2003-2004 Џенова Џенова 17 (1)
2005 Рио Бранко Рио Бранко 2 (0)
2007-2008 Bianco e Nero.svg Мурата 10 (0)
Репрезентација
1989-2000 Бразил Бразил 80 (3)
  • Сениорските учества и голови се сметаат само за домашни натпревари
податоците се од 6 јануари 2011.

† Учества (Голови).

‡ Учествата и головите за репрезентација се според податок од 17 ноември 2010

Алдаир Насименто дос Сантос (роден во Иљеус, Бразил на 30 ноември 1965) познат само како Алдаир е поранешен бразилски фудбалер, играч од одбраната.

Најголемиот дел од својата кариера (13 години) тој го минал играјќи за италијанската Рома, клуб во кој бил капитен и со кој освоил едно скудето во 2001 година. По неговото заминувањето од италијанската престолнина во 2003 година, Рома го повлекла од употреба неговиот дрес со број 6.

Алдаир бил и репрезентативец на Бразил во периодот 1989-2000, а најголемиот успех со репрезентацијата го забележал на Светското првенство 1994 во САД кога станал светски првак.

Клупска кариера[уреди | уреди извор]

Алдаир ја започнал својата кариера во Фламенго во 1985 година, а веќе во следната година дебитирал за клубот и го освоил бразилското првенство.

Во 1989 тој како и многу други бразилци заминал во Европа, каде прв клуб со кој потпишал договор била Бенфика, со која триумфирал во Суперкупот на Португалија. Во единствената сезона помината во португалскиот клуб, Алдаир играл и финале на Европскиот куп на шампиони во мај 1990 против Милан; натпреварот се одиграл на Пратер стадионот во Виена, а неговиот клуб загубил со 1-0.

Најголемите успеси во својата клубска кариера Алдаир ги остварил со трансферот во екипата на Рома во 1990 година. Тој одиграл преку 400 натпревари во сите натпреварувања за клубот и ги освоил сите домашни натпреварувања во една од најсилните лиги во тој период: Купот на Италија во сезоната 1990-1991, Серија А во сезоната 2000-2001 (што била прва титула за клубот по 18 години) и Суперкупот на Италија во летото 2001 со победата над Фјорентина. По заминувањето на Алдаир од клубот неговиот дрес со број 6 бил повлечен од употреба како знак на благодарност за тоа што го сторил за нив. Сепак во 2013 година, дресот се вратил во употреба кога холанѓанецот Кевин Стротман избрал да го носи на својот грб меѓутоа со претходно одобрување на Алдаир.

Алдаир истотака бил и капитен на Рома, а подоцна неговата лента ја преземала уште една легенда на клубот Франческо Тоти.

По заминувањето од Рим, Алдаир поминал една сезона (2003-2004) во Џенова, во Серија Б. Во 2005 година тој се вратил назад во Бразил каде заиграл за нисколигашот Рио Бранко. Алдаир одиграл само два натпревари, но неговото присуство и искуството кое тој го имал било од огромно значење за Рио Бранко кој го освоил првенството.

Тој ја завршил кариерата во Рио Бранко кон крајот на 2005 година, меѓутоа поранешниот соиграч и добар пријател на Алдаир, Масимо Агостини, го наговорил да му се врати на фудбалот потпишувајќи за екипата на СС Мурата од Сан Марино, пред нивните натпревари од квалификациите за Лигата на шампионите. Освен во квалификациите настапувал за клубот и во првенствени натпревари се до крајот на сезоната 2007-2008 кога решил конечно да се пензионира.

Репрезентативна кариера[уреди | уреди извор]

Алдаир станал член на репрезентацијата на Бразил во 1989, година во која кариоките го освоиле четвртиот наслов на Копа Америка. Како член на репрезентацијата Алдаир настапил на три светски првенства (Италија 1990, САД 1994 и Франција 1998), а наголемиот успех во кариерата го остварил на првенството во САД 1994 кога станал светски првак. На следниот мундијал во Франција 1998, Алдаир и неговите сонародници играле во големото финале, но таму биле убедливо поразени од домаќинот со 3-0.

Меѓу останатите успеси на Алдаир на репрезентативно ниво се олимписката бронза на ЛОИ во Атланта 1996, уште еден успех на Копа Америка во 1997 и насловот на Купот на конфедерациите истата година.

Алдаир одиграл вкупно 81 натпревар за Бразил и постигнал 3 гола.

Титули[уреди | уреди извор]

Клупски[уреди | уреди извор]

Бразил Фламенго[уреди | уреди извор]

Португалија Бенфика[уреди | уреди извор]

Италија Рома[уреди | уреди извор]

Сан Марино Мурата[уреди | уреди извор]

Репрезентативни[уреди | уреди извор]

Бразил Бразил[уреди | уреди извор]

Надворешни врски[уреди | уреди извор]