Татари

Татари
Tatarlar / Татарлар

x100px
Чарлс Бронсон • Муса Џалил Елвира Набиулина • Ринат Ахеметов • Земфира Рудолф Нурејев • Марат Сафин • Ринат Дасаев
Вкупно население
6,706,000
Региони со значително население
Русија 5,554,601  Узбекистан 324,080  Казахстан 261,000  Таџикистан 97,000  Украина 69,000  Туркменистан 60,000  Киргистан 52,000  Азербејџан 30,000  Турција 26,000  Романија 23,000  Белорусија 13,000  САД 11,000  Кина 7,500  Полска 4,900  Грузија 3,700  Литванија 3,000  Молдавија 2,800  Латвија 2,689  Естонија 2,500  Финска 800
Јазик
татарски јазик, руски јазик
Религија
Воглавно Ислам со малцинско православно население

Татари (татарски: Tatarlar/Татарлар) е заедничко име за некои туркојазични народи од Источна Европа и Централна Азија. Денешниот татарски jазик се однесува кон кипчакската група на турските jaзици. Денешните Татари се делат на Сибирски Татари, Астрахански Татари, Вазански Татари и Кримски Татари.

Историски, Татарите се еден од монголските народи и зборуваат на монголски jaзик. Покорени од Џингис Хан, подоцна се вклучуваат во монголските напади врз Азиjа и Европа. Името Татари средновековните писатели го изведуваат од името на Тартар, грчки бог на подземниот свет, како поврзување со бруталноста на татаро-монголските орди во Европа. Така името Татари е употребувано за опис на сите народи кои прегазиле делови од Азија и Европа под водство на Монголите во 13 век. Подоцна под истото име се подразбираат речиси сите номадски освојувачи од Азија, независно дали се од Монголија или од крајните западни делови на Азија. До почетокот на 20 век, Русите со името Татари именуваат бројни народи, почнувајќи од Азерите до сибирските племиња.

Денес Татарите живеат во средишните и јужните делови на Русија, (мнозинството во Татарстан), Узбекистан, Казакстан, Украина, Таџикистан и Киргистан. Нивната бројност е околу 10 милиони. Мнозинството се муслимани.

Денешните Татари потекнуваат од населението на наjзападниот дел на Монголската држава - Златната Орда, коjа опфаќа делови од денешна Украина, Русија и Казахстан. Таму татаро-монголите биле малуброjни и се измешале со локалното кипчакско (куманско население) како и со други постари народи како Булгарите. Кипчакскиот турски jaзик се наложил како доминантен и се зборува во различни дијалекти од денешните Татари. Подоцна Златната Орда се разделила на неколку делови, мегу кои се и Казанското, Астраханското и Кримското ханство.

Казански Татари

Протест на Булгаристи на кој се покажани пароли дека тие се Булгари

На териториjaта на поранешното Казанско ханство живеaт денешните Kaзански Татари во автономната држава Татарстан. Мнозинството Татари во Татарстан зборуваат на кипчакскиот турски jaзик. Според една од теориите за Булгарите се смета дека jaзикот на денешните Чуваши, коj e мошне различен од повеќето турски jaзици, е наjблизок до jaзикот на древните Хуни и Булгари. Според Булгаристите от Булгарскијот национален конгрес, името Татари е неправедно дадено на овој народ, а неговото право име е булгарски народ (Булгари). Тие тврдат дека историските Татари биле насилници врз автохтоните Волшки Булгари и некои од нив денес се изjaснуваат како "булгари"..

Видете исто така

• Прабугари
• Булгаризам