Кикирики
| Кикирики | |
|---|---|
 |
|
| Научна класификација | |
| Царство: | Plantae |
| Оддел: | Magnoliophyta |
| Класа: | Magnoliopsida |
| Ред: | Fabales |
| Фамилија: | Fabaceae |
| Племе: | Aeschynomeneae |
| Род: | Arachis |
| Вид: | A. hypogaea |
| Биномен назив | |
| Arachis hypogaea L. |
|
Кикирики (лат. Arachis hypogaea) е зеленчук кој припаѓа на фамилијата мешункасти растенија (Fabaceae), а потекнува од Јужна Америка, Мексико и Средна Америка.
Содржина |
[уреди] Опис
Стеблото на кикирики расте околу 30 до 50 сантиментри. Има жолти цветови, а плодовите растат под земја. Лушпата е рапава и во неа има зрна прекриени со тенка кожичка. За кулинарски потреби се употребуваат зрната од кикирики.
Кикириките се богати со белковини, минерали, витамини Е и К и исто така, многу важно, не содржат холестерол. Една е од ретките мешунки кои се богати со витамин Д.
Се препорачува кикириките да се купуваат со лушпа, бидејќи така ги содржат сите овие витамини и минерали. Докажано е дека доколку умерено се конзумираат кикириките, доведуваат до помал ризик од срцев удар или мозочен удар, го намалуваат холестеролот, спречуваат воспалување и ги зацврстуваат клетките околу срцето.[1]
[уреди] Историјат
Старите Инки одгледувале кикирики пред 3.500 години. Дури изработувале и садови во облик на кикирики и ги украсувале со кикирики. Шпанските освојувачи во 15. век кикириките ги пренеле во Европа и пошироко низ светот, а интересно е што ова растение стигнало во Северна Америка дури во 18. век, и тоа од Африка.
[уреди] Одгледување
Во почетокот на летото грмушките на кикирики ги прекривааат полињата. Откако цветовите ќе бидат опрашени, стеблата се спуштаат кон почвата, а жолтите цветови влегуваат под земја на длабочина од шест сантиметри. Плодовите се развиваат под земја во мешунки долги околу 4-5 сантиметри, во кои има од 1 до 4 зрна. Лушпата е рапава, а внатре има бледо жолтеникаво или жолто семе. Ископувањето на кикирикито се врши кон крајот на месец септември.
[уреди] Употреба
Во индустријата, кикириките се користат на повеќе од 300 начини и тоа за производство на брашно, сапун, детергент, пластика, до различни креми, шампони и лекови. За разлика од многу други плодови кои во јадењата може и да не ги препознаете, тоа не е случај и со кикириките, бидејќи тие имаат навистина препознатлив вкус. Кикириките можат да се јадат пржени, печени, солени или несолени. Од нив се произведува добро познатиот путер од кикирики, се произведува и масло од кикирики, а исто така тие се дел од многу десерти и солени јадења.
