Знаме на Македонија

Знаме на Македонија
Употреба	Државно, воено и пловно знаме Национален симбол на Македонија.
Сразмер	1:2
Усвоено	5 октомври 1995
Опис	Стилизирано златно сонце со осум краци - модификација на Ѕвездата од Кутлеш
Творец	Мирослав Грчев

Од Википедија, слободната енциклопедија

(Пренасочено од Знаме на Република Македонија)

Скокни на: содржини, барај

Знамето на Македонија е официјалното знаме на територијата на државата, усвоено во 1995 година кога се сменило старото македонско знаме. Знамето е составено од црвена позадина на која има златно сонце. Сонцето е со осум сончеви краци кои се простираат од сончевиот диск со проширување до рабовите на знамето. Сончевите зраци се вкрстуваат по дијагонала, хоризонтала и вертикала. Дијаметарот на сончевиот диск е една седмина од должината на знамето. Центарот на сонцето се поклопува со точката во која се сечат дијагоналите на знамето. Односот на ширината и должината на знамето е еден наспрема два. Тоа претставува „ново сонце на слободата“, испеано во македонската национална химна Денес над Македонија:

Денес над Македонија се раѓа,

ново сонце на слободата.

Македонците се борат,

за своите правдини!

[уреди] Дизајн и опис

Шаблон за конструкција на знамето.

Официјалниот опис на знамето според Законот на Македонија е следен^[1]:

„

Знамето на Република Македонија е црвено со златно- жолто сонце. Сонцето е со осум сончеви знаци кои се простираат од сончевиот диск со проширување до рабовите на знамето. Сончевите зраци се вкрстуваат по дијагонала, хоризонтала и вертикала. Дијаметарот на сончевиот диск е една седмина од должината на знамето. Центарот на сонцето се поклопува со точката во која се сечат дијагоналите на знамето. Односот на ширината и должината на знамето е еден спрема два.

“

Сразмерот на знамето е 1:2 каде се искористени следните бои за да се добие дизајнот:

Систем	Црвена	Жолта
RGB	210-0-0	255-230-0
хексидецимален формат	#D20000	#FFE600

Дизајнирање на знамето

Процесот на усвојување и промена на државното знаме на Македонија започнал во 1995 година. Летото, тогашната Влада на Македонија го задолжила Мирослав Грчев да подготви идејни решенија за ново знаме и нов грб на државата. Така, за еден месец, Грчев изготвил по 12 дизајни за знаме и грб на Македонија, каде знамињата се делеле на: знамиња со златен диск на црвена основа, знамиња со златен диск кој излегува од границите на знамето, знамиња со златни дискови и триаголни зраци и знамиња со златни дискови и со златни краци на целата основа. При изработка на знамето, Мирослав Грчев морал да внимава на двата критериума поставени од Владата на Македонија^[2]:

знамето да ги има истите бои како и претходните македонски знамиња, односно крвава црвена и златно жолта, и
знамето да го има сонцето како единствена апликација.

По поднесувањето на сите 12 дизајна на знамиња и исто толку грбови, Собранието воопшто не расправало за грбот, иако тоа било во план, а како ново знаме се зел последниот предлог на Грчев, односно дизајнот каде сончевите зраци се на целата површина на знамето. Интересно е тоа што в0 оригиналниот дизајн немало одделување на зраците од дискот, туку тоа било отпосле сменето во Собранието. За таа промена, Мирослав Грчев вели дека не е во согласност со графичките, естетските и ликовните правила.^[2]

Предлог-знаме кое било отфрлено при втората селекција за ново знаме на Македонија.^[2]
Предлог-знаме кое било отфрлено при втората селекција за ново знаме на Македонија.^[2]
Предлог-знаме кое било отфрлено при втората селекција за ново знаме на Македонија.^[2]
Предлог-знаме кое било отфрлено при втората селекција за ново знаме на Македонија.^[2]
Едно од првите 12 предлог-знамиња на Македонија, вклучувајќи ги и отфрлените во втората селекција.^[2]
Едно од првите 12 предлог-знамиња на Македонија, вклучувајќи ги и отфрлените во втората селекција.^[2]
Едно од првите 12 предлог-знамиња на Македонија, вклучувајќи ги и отфрлените во втората селекција.^[2]
Едно од првите 12 предлог-знамиња на Македонија, вклучувајќи ги и отфрлените во втората селекција.^[2]
Предлог за знаме на Македонија.^[2]
Последен предлог за знаме на Македонија, кој бил прифатен, но со додатен црвен круг околу дискот.

[уреди] Претходни знамиња

Пред 1995, како симбол за знамето се употребувала ѕвездата од Кутлеш, што довело до масовни протести во Грција, поради наводните „ексклузивни права“ на користење на симболот од грчка страна. Денес ова знаме е македонско национално знаме и го користат македонските заедници и организации во Македонија, соседните држави и странство. Официјалниот опис на првото знаме на Македонија гласел^[3]:

„

Знамето на Република Македонија е црвено со златножолто сонце. Сонцето е со осум основни и осум споредни сончеви зраци, благо здебелени во првата половина, наизменично и симетрично наредени околу сончевиот диск. Основните сончеви зраци непосредно се одделуваат од сончевиот диск, а крајната надворешна должина на сите шеснаесет сончеви зраци се поклопува со надворешната периферија на сонцето. Дијаметарот на сончевиот диск е една седмина од широчината на знамето. Односот на дијаметарот на сончевиот диск и должината на основниот сончев зрак е еден спрема два, а односот на должината на споредниот и основниот сончев зрак е седум спрема осум. Центарот на сонцето се поклопува со точката во која се сечат дијагоналите на знамето. Односот на широчината и должината на знамето е еден спрема два.

“

Знамето на Република Македонија (1991-1995)
Знаме на СР Македонија од 1946 до 1990 година
Знаме на НР Македонија од 1944 до 1946 година
Етничко македонско знаме.

[уреди] Тривијални податоци

Во 2002, уредниците на World Almanac ги избрале десетте најдобри знамиња на државите од целиот свет. Македонското знаме завршило на второто место. На прво место завршило знамето на Бутан, а на трето место знамето на Кирибати. Останатите позиции до десетто место ги добиле Бразил, Канада, Јапонија, Швајцарија, Сејшелите и Франција.