К-15

Од Википедија — слободната енциклопедија
(Пренасочено од K-15)
Прејди на прегледникот Прејди на пребарувањето
К-15
Tv k15 logo.gif
Жанркомедија
Создадена одВаско Тодоров, Љупчо "Бубо" Каров, и Бранко Огњановски
Земја на потеклоМакедонија Македонија
Првичен јазикмакедонски
Продукција
Времетраење4-10 мин. еден скеч
Прикажување
Првична мрежаМТВ 1,Сител,А1,Алфа ТВ, К-15 ТВ
Првично прикажување1994 – 2012[1]
Надворешни врски
Мрежна страницаk-15.com.mk
Види исто така, Дуо Трио.

К-15 е многу популарно македонско хумористично телевизиско шоу кое започнало во средината на 1990-тите години и претежно е во формат на епизоди составени од кратки хумористично-сатирични скечови на македонски јазик. К-15 како термин се користи и за други проекти, не само во контекст на хумористичните тв серии туку и било кој друг настап на познатата група, како на пример песните од Дуо Трио, рекламите кои тие ги снимаат или гостувањето во други емисии и филмови како Балканкан.

К-15 е основано и оргинално го сочинуваат Васко Тодоров, Љупчо „Бубо“ Каров и Бранко Огњановски, но често се појавуваат и други глумци. Тројцата основачи се исто така и дел од сценаристите и режисерите.

Историја[уреди | уреди извор]

Тројцата ликови решиле да создадат единствена работна можност за себе - неделно хумористично шоу кое не само што ќе им обезбеди месечна плата туку и ќе ги забавува сите оние кои живеат, знаат, или имале искуство со социјалната и културната ситуација во Македонија. Првата епизода била емитувана на 23 ноември 1994 година на А1 телевизија. Шоуто К-15 оттогаш обезбедува силна социјална, политичка и економска критика особено на нелогичностите во македонското општество, етничката толеранција, стереотипите, табу-темите и животната средина. К-15 шоу било емитувано на повеќе телевизиски канали, имено на МТВ 1, Сител, А1, Алфа ТВ, К-15 ТВ. Во 2008 година, уредниците на К-15 се одлучиле да формираат свој независен телевизиски канал познат како К-15 Телевизија. Каналот претежно емитувал македонска музика со повремено емитување на скечови и реклами од К-15. Каналот бил достапен и преку сателитската телевизиска мрежа.

Главни ликови[уреди | уреди извор]

K-15 reklama.jpg
  • Миле Паника (Бранко Огњановски) е еден од трите најкаракеристични и најпопуларни ликови особено популарен на почетоците на К-15. Миле Паника има карактеристичен изговор (или говорна маана) и често употребува српски (југословенски) изрази за дополнителен хумористичен ефект на неговите реплики.
  • Тошо Малерот (Васко Тодоров) е еден од трите најкаракеристични и најпопуларни ликови особено популарен на почетоците на К-15. На Тошо најчесто му се случиваат незгоди и неправди, па оттаму и неговиот прекар Малерот. Тошо често користи Скопски сленг и е познат по фразата „батка“ која ја користи кога се обраќа некому но и по навика.
  • Цацко Конопишки (Бубо Каров) е еден од трите најкаракеристични и најпопуларни ликови особено популарен на почетоците на К-15. Цацко потекнува од Конопиште, Кавадаречко (како и Бубо Каров кој е од Кавадарци) и често зборува со специфичен Кавадаречки дијалект за дополнителен хумористичен ефект на неговите реплики.
  • Ристо (Васко Тодоров) е еден од двајцата ликови кои претставуваат стереотипичен македонски земјоделец. Ристо е од Струмичко-Радовишкиот крај и зборува на дијалект. Исто така често (и смешно) во својот говор ја користи фразата „разбираш“ како дел од сленгот или дијалектот.
  • Блажо (Бранко Огњановски) е еден од двајцата ликови кои претставуваат стереотипичен македонски земјоделец. Блажо е исто така од Струмичко-Радовишкиот крај и зборува со соодветен дијалект. Најчесто Блажо се појавува во тандем со Ристо.
  • Полицаецот (Васко Тодоров) е лик кој го отликува стереотипот за полицајците во Македонија. Најчесто неименуван, тој има карактеристики на смотан и не многу учен човек.
  • Албанецот (Бранко Огњановски) е стереотипичен лик кој најчесто се појавува во скечови каде што се прави сатирична критика на меѓуетничките односи меѓу албанците и другите националности во Македонија (претежно македонците). Овој лик некогаш е именуван иронично како Зоран (што е нетипично албанско име, особено изговорено со неговиот акцент) и е познат по тоа што е снаодлив и успева да излезе како добар и умен иако не секогаш е. Ликот е познат по тоа што има изговор како стереотипичниот албанец од Македонија.
  • Гркот (Бранко Огњановски) е лик кој најчесто се појавува со перика од долка виткана (налик на афро фризура) коса и ги изговара македонските зборови со специфичен акцент како грк. Овој лик некогаш е именуван како Јорго и има улога на надреден и е на повисоко социјално ниво од македонците и често има навредлив и понижувачки однос кон нив.
  • Охриѓанецот (Бранко Огњановски) е лик кој претставува стереотипичен охриѓанец и познат е по охридскиот дијалект и нетрпеливоста со скопјаните, особено во туристички контекст. Овој лик некогаш, но ретко е именуван како Климе (или Наум, Наумче)
  • Џони Џанак (Бранко Огњановски) е стереотипичен македонски наркоман, често прикажуван издрогиран или во криза, говори споро со наркомански сленг и ја користи фразата "џони".

Други ликови[уреди | уреди извор]

  • Бапчо Конопишки е лик кој настапувал заедно со групата претежно во периодот од 1995-1998 година кога К-15 снимале долгометражни епизоди.Бабчо бил особено популарен, а во една прилика Бранко Огњановски изјавил дека тој е извонреден лик.

Наводи[уреди | уреди извор]

Надворешни врски[уреди | уреди извор]