Стајковце
Стајковце — историско село на територијата на Општина Желино. Местото се наоѓа во источниот крај на атарот на с. Требош, во месноста денес наречена Стојковци[2].
Географија[уреди | уреди извор]
Селото се наоѓало во областа Долни Полог, североисточно од Требош и југозападно од Жилче. Во минатото недалеку од селото течела Поројска Река, која пресушува во дел од годината.[3]
Историја[уреди | уреди извор]
Преданието на селото од околните мештани му било пренесено на истражувачот Јован Трифуноски во 1947 г. Познато е дека Стајковце постои уште од средниот век.[3] Се споменува во турските документи од крајот на XV и од XVI век, како даночен обврзник за повремена работа на една воденица, што се совпаѓа со претпоставката за близината на Поројска Река.
Во османлиските документи од 1452/53 г. Стајковце е заведено како место со 8 семејства и 1 неженет. Исто толку имало и во пописот на Иса-бег Исаковиќ од 1455 г. Според дефтерот за 1467/68 г. селото имало 12 семејства, кои во 1568/69 г. се намалиле на 6 семејства.[3]
Се претпоставува дека Стајковце е раселено некаде на почетокот или во текот на XIX век.
Поврзано[уреди | уреди извор]
Наводи[уреди | уреди извор]
- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ Стојковци — GeoNames
- ↑ 3,0 3,1 3,2 Петрушевски, Илија (2009). Исчезнати селски населби и села со променети имиња во Полог. Тетово: Здружение „Лешок“. стр. 48-49. ISBN 978-9989-2507-3-6.
|