Црква „Св. 40 Маченици“ - Смилковци

Предлошка:Инфокутија за црква на Македонската Православна Црква Свети 40 Маченици во Севастеја е црква во изградба на брегот на Смилковското Езеро на местото викано Кршиколе или Крст, до заобиколницата на Скопје , подигната во чест на петте млади момчиња што загинале во терористички акт во 2012 година. Црквата е подигната по иницијатива на месните заедници Стајковци, Смилковци, Црешево и Виниче со благослов на господин господин Стефан, Архиепископот Охридски и Македонски.

Црквата во основата ќе биде 150 m² со уреден парк од 6.000 m², а околу црквата ќе има камбанарија, голем крст, пет видиковци и пет бора во спомен на убиените. Проектот е изработен од градежната фирма Жикол. Темелите биле осветени на 23 февруари 2013 година.