Пајне

**Пајне**
	Пајне Peine ;
	Плоштадот во ПајнеПлоштадот во Пајне
	Пајне
	Управа
Земја	Германија
Покраина	Долна Саксонија
Округ	Пајне
Градоначалник	Михаел Кеслер (СДП)
	Основни податоци
Површина	119,51 км2
Надм. височина	68 м
Население	51.411 (31 декември 2022)
- Густина	430 жит/км2
	Други информации
Часовен појас	CET/CEST (UTC+1/+2)
Рег. табл.	PE
Пошт. бр.	31224–31228
Повик. бр.	05171
Портал	www.peine.de
Местоположба на градот Пајне во рамките на округот Пајне
	Карта
Координати	52°19′13″N 10°14′1″E / 52.32028°N 10.23361°E

За други значења на поимот, погл. Пајне (појаснување).

Пајне (германски: Peine) — град во сојузната покраина Долна Саксонија, Германија, сместен на реката Фузе и на Средногерманскиот Канал.

Претставува административно седиште на истоимениот округ, околу 25 километри западно од Брауншвајг и 40 километри источно од Хановер.

Географија

Местоположба

Пајне се наоѓа на реката Фузе помеѓу планинскиот масив Харц и Линебуршкото Поле и со тоа помеѓе двата најголеми града во Долна Саксонија, 40 километри западно од Хановер и 25 километри источно од Брауншвајг. Други поголеми градови во околината се Хилдесхајм, Залцгитер, Гифхорн, Волфсбург и Целе.

Градот има површина од 119,51 км² и со тоа густина на населеност од 417 жители на км². Нејзината највисока точка изнесува 70 метри.

Клима

Пајне се наоѓа под мешано влијание на океанска и континентална клима.

Градски единици

Места на Пајне
Место	Жители^[2]
Пајне-Центар	25.088
Беркум	294
Дунгелбек	1.839
Дутенштет	963
Ајксе	621
Есингхаузен	1.783
Хандорф	888
Рерзе	260
Розентал	1.054
Шмеденштет	983
Швихелт	1.250
Штедердорф	5.440
Ферум/Ландвер	6.919
Вендесе	151
Волторф	1.991

Самиот Пајне-Центар (Кернштат) — составен од девет статистички окрузи:^[2]

Иненштат
Машланд
Гунцелинфелд
Валцверк
Зидштат
Зимонштифтунг
Зидлихе Ауе
Телгте
Нердлихе Ауе/Херцберг

Историја

Декрет од 1130 година го спомнува Бертолд фон Пагин, од кого потекнува името на градот. Замокот Пајне потекнува од тоа време или порано.

Во 1201 година, Хилдесхајмската хроника го опишува несогласувањето помеѓу епископот Хартберт од Хилдесхајм и браќата Екберт и Гунзелин фон Волфенбител. Гунзелин преовладал во кавгата и ја презел власта над замокот Пајне и околината.

Јужно од замокот, Гунзелин го основал градот Пајне во 1218 или во 1220 година. Во 1223 година, населбата ги добила градските права. Грбот на Гунзелин станал градски симбол.

Во 1256 година, Пајне бил освоен од војводата Албрехт од Бауншвајг-Линебург и по смртта на Гунзелин во 1260 година, неговите синови го изгубиле Пајне од епископот на Хилдесхајм.

Отон I од Брауншвајг-Линебург, епископ на Хилдесхајм, 1260–1279, му ги дал замокот, градот и околината на Пајне на Ведекинд фон Попенбург како феуд.

Исто така, во 1260 година, Пајне покрај пазарски права, добил и право да кова монети.