Вишиевска Франција
Француска Држава État Français
| |||||||||
|---|---|---|---|---|---|---|---|---|---|
| 1940–1944 | |||||||||
 Flag
 Грб на Франција
| |||||||||
| Гесло: "Travail, famille, patrie" француски: Работа, семејство, татковина | |||||||||
 Неокупираната зона на Вишиевска Франција (ноември 1942) | |||||||||
| Статус | Марионетска држава на Нацистичка Германија | ||||||||
| Главен град | Виши | ||||||||
| Говорени јазици | Француски | ||||||||
| Вероисповед | Римокатоличка | ||||||||
| Претседател | |||||||||
• 1940 — 1944 | Филип Петен | ||||||||
| Премиер | |||||||||
• 1940 — 1942 | Филип Петен | ||||||||
• 1942 — 1944 | Пјер Лавал | ||||||||
| Legislature | Национално собрание | ||||||||
| Историски период | Втора светска војна | ||||||||
• Избор на Петен | 10 јули 1940 | ||||||||
• Престанала да постои | 25 август 1944 | ||||||||
| Валута | Франк | ||||||||
| |||||||||
Вишиевска Франција се нарекувала марионетската држава, јужниот дел од денешна и историска Франција, којашто постоела во времето на окупацијата од Нацистичка Германија во текот на Втората светска војна, во периодот од јули 1940 - август 1944. За разлика од претходното име „Француска Република“ оваа држава го носела името „Француска Држава“. Маршалот Филип Петен ја прогласил владата по воениот пораз од Нацистичка Германија и по гласањето на Националното собрание на Франција на 10 јули 1940. Ова гласање му дало и вонредни права на Петен.
Вишиевска Франција формално имала власт и врз северниот дел на Франција кој бил под германска воена управа, и врз јужниот неокупиран дел (тнр. „слободна зона“) кајшто била сместена и државната управа, во градот Виши.
Легитимитетот на оваа марионетска држава и на Петен и премиерот Пјер Лавал бил оспоруван од генералот Шарл де Гол, кој по воениот пораз од Германија прогласил „армија на слободна Франција“ и „влада во егзил“ кои биле засновани во Англија и учествувале во Втората светска војна на страната на сојузниците.
По инвазијата на сојузниците во Нормандија, владата на Вишиевска Франција била прогласена за предавничка, а нејзините водачи Петен и Лавал биле осудени на смрт. Како херој од Првата светска војна, Петен бил подоцна помилуван од де Гол, а Лавал бил погубен.