КК Работнички

Од Википедија — слободната енциклопедија
Прејди на: содржини, барај
КК Работнички
лого на КК Работнички
Цело име Кошаркарски Клуб Работнички
Основан 1946; пред 69 години (1946)
Распаднат /
Арена Спортска сала Градски Парк
(Капацитет: 2,000)
Локација Скопје
Тимски бои црвена и бела
         
Претседател Ристо Гапиќ
Главен тренер Марин Докузовски (суспендиран)
Титули 14 Прва кошаркарска лига
9 Куп на Македонија
Лига Прва Лига Мажи
2014/15 Полуфинале
Супер Лига 2ри
Официјално веб-место
Дресови
Kit body unknown.png
{{{title}}} jersey
Team colours
{{{title}}}
Kit body unknown.png
{{{title}}} jersey
Team colours
{{{title}}}

КК Работнички е македонски кошаркарски клуб од Скопје, Македонија. Клубот е освојувач на 14 првенствени титули и 8 куп титули. Домашен терен на клубот е салата Градски Парк.

Од постоењето на КК Работнички до денес низ овој Клуб продефилирале голем број кошаркари кои, секој на свој начин, дале придонес во развивањето на кошаркарскиот спорт во Македонија и влијаеле на успехот на КК Работнички.

Историја[уреди | уреди извор]

Почетоци[уреди | уреди извор]

Кошаркарскиот клуб Работнички бил основан во 1946 како дел од "ЖСД Работнички" и е најстар кошаркарски клуб во Македонија. Работнички е основан благодарение на Славко Матовски кој „собрал“ група млади ентузијасти и ги подучувал за тајните на овој спорт. Од основањето на клубот повеќе години машката екипа на Работнички (Славко и Никола Матовски, Лазаревиќ, Луковски – Аџија, Христовски, Стојановски, Димовски, Стефан и Тошо Тодоровски, Димовски, Атанасовски…) се обидувала да се пласира во елитната Југословенска кошаркарска лига и клубот освоил 7 шампионски титули шампион на Македонија 1947,1948,1949,1950,1951,1952 и 1953 година. Во 1953 година тоа и му успеало, Работнички се натпреварувал во Првата сојузна лига – Исток, но само една сезона. Од тоа време вреди да се напомни и третото место на Државното младинско првенство во 1957 година.

1960-ти и 1970-ти[уреди | уреди извор]

Се раѓала нова генерација (Књазев, Фишиќ, Н.Матовски, Дрнков, Мастен, Мировски, Лечиќ…) која го освоила шампионатот на Македонија по 8ми пат вo 1961 година и дури во 1964 година се изборила за правото да членува повторно во елитната Прва сојузна лига. Во Првата сојузна југословенска кошаркарска лига екипата на Работнички играла постојано од 1965 година до распаѓањето на Југославија. Од 1963 година до 1970 година за репрезентацијата на поранешна Југославија настапувале Ј.Луковски и С.Андоновски, а во периодот од 1970 до 1977 година: Боцевски, Радосављевиќ, Георгиевски, Ковачевиќ и Радуловиќ, а Благоја Георгиевски е еден од најистакнатите спортисти на Македонија и еден од ретките македонски спортисти кој ја носи највисоката спортска титула – заслужен спортист на поранешна Југославија. Во сезоната 1975-1976 година стигнал до полуфиналето на Европскиот Куп на Победниците на Куповите.

1990-ти[уреди | уреди извор]

По распаѓањето на Југославија дошло и до распаѓање на Првата југословенска кошаркарска лига, а кошаркарските клубови од Републиката своите натпревари ги продолжиле во рамките на Републиката. Во државното првенство во 1992/93 од двете кошаркарски лиги – Исток и Запад првите четири екипи од двете групи го обезбедиле учеството во Првата мак-партнер кошаркарска лига. Од независноста клубот го менувал името во зависност од неговиот спонзор, од оформувањето на Првата лига (1992) па се до 1999 година клубот настапувал како КК „Годел Работнички“, под покровителство на претпријатието "Годел", клубот освоил седум првенствени титули и три куп титули.

21-ви век[уреди | уреди извор]

Во сезоната 1999/2000, „Работнички“ бил без генерален спонзор и за првпат откога постоела македонската Прва лига, тимот не освоил титула, бидејќи во финалето изгубил од „НиколфертГостивар. Како нов спонзор на клубот дошол „Фершпед“ во сезоната 2000/2001 со кој, како главен спонзор бил се до 2009 година, кога клубот освоил седум Првенствени титули и четири Куп-титули. Oд сезоната 2009/2010 година, „Работнички“ останал без генерален спонзор. Во сезоната 2010/2011 нов генерален спонзор на клубот бил "КУБУС", при што бил освоен купот, додека во Првенството било освоено второто место, но по две сезони, спонзорот си заминал. Од сезоната 2011/2012, главен спонзор на клубот е Општина Центар и во сезоната 2012/2013, кошаркарскиот клуб „Работнички“ се трансформирал во акционерско друштво. Во сезоната 2013/14, „Работнички“ го освоил второто место во Првенството. За следната сезона, Работнички го освоил Купот на Македонија 2015. Во Првенството 2014/2015, Работнички бил елиминиран во полуфиналето од Куманово 2009.[1][2]

Постигнувања[уреди | уреди извор]

Сезона 2014/2015[уреди | уреди извор]

Во јули 2014 година, поранешниот кошаркар Александар Димитровски бил назначен за нов спортски директор на клубот.[3] Претходно, по завршувањето на сезоната, клубот го напуштил тренерот Емил Рајковиќ,[4] а на неговото место дошол Марин Докузовски. [5] [6]

Во ноември 2014 година, на домашен терен, Работнички играл со главниот конкурент за титулата МЗТ Аеродром. Притоа, при убедливо водство на Работнички (51-35), натпреварот бил прекинат, откако делегатот побарал да биде испразнета трибината на која се наоѓале навивачите на клубот. Во знак на протест, екипата на Работнички ја напуштила салата. Потоа, во согласност со правилата на КФМ, комесарот на КФМ, Бобан Јосифовски, донесол одлука Работнички да биде исклучен од лигата и префрлен во третата лига, а „МЗТ“ го добил натпреварот службено, со резултат 20-0. Меѓутоа, клубот се жалел до Арбитражата на КФМ, која ја укинала одлуката за враќање во третата лига, а предметот повторно го вратил кај комесарот.[7] [8] Во јануари бил избран нов Борд на директори.[9][10]

На 22 февруари 2015 година, „Работнички“ играл во 23. финале на Купот на Македонија (одиграно во салата „Јане Сандански“ во организација на МЗТ Аеродром), го победил „Кожув“ со 74-66. Претходно, во полуфиналето, „Работнички“ го победил тимот на „Куманово 2009“. Најефикасни во тимот на „Работнички“ во финалето биле Чековски и Павковиќ со постигнати 18 и 16 поени, соодветно. Соколов имал учинок од 12 поени, Мираковски постигнал девет поени, Димчевски - седум поени, а Бјелиќ - три поени. Ѓорѓи Чековски го добил признанието за најкорисен играч на финалниот турнир.[11]

Пред почетокот на натпреварите од Суперлигата, „Работнички“ се засилил со српскиот кошаркар Марко Ѓурковиќ.[12]

Во април 2015 година, поради неодиграниот натпревар против „Карпош Соколи“, „Работнички“ повторно бил исклучен од лигата и пратен во понизок ранг, но клубот поднесол жалба на одлуката на Комисијата за натпреварување, која му била прифатена од Арбитражната комисија на МКФ.[13]


Составот на Работнички за сезоната 2014/2015

број име висина цм позиција години националност претходен клуб
4 Миљан Павковиќ 178 Бек 34  Србија Стеауа ЦСМ Романија
5 Димитар Мираковски 177 Плејмејкер 33 Македонија Македонија Кожув
11 Тодор Гечевски 209 Центар 37 Македонија Македонија МЗТ Аеродром
9 Ѓорѓи Чековски 203 Крилен центар 35 Македонија Македонија МЗТ Аеродром
12 Марјан Ѓуров 201 Крило 35 Македонија Македонија Фени Индустри
8 Александар Митровиќ 201 Крилен центар 24  Србија Златорог Словенија
13 Марко Ѓурковиќ 206 Крилен центар /
Центар
28  Србија
 Босна и Херцеговина
Газ Метан Романија
15 Игор Бијелиќ 207 Центар /
Крилен центар
26 Црна Гора Црна Гора Хандлова Словачка
7 Ристе Стефанов 198 Бек 33 Македонија Македонија Фени Индустри
24 Јане Петровски 181 Плејмејкер 30 Македонија Македонија МЗТ Аеродром
10 Ивица Димчевски 195 Бек /
Крилен центар
25 Македонија Македонија Куманово
6 Дарко Соколов 190 Бек 28 Македонија Македонија Фени Индустри
7 Ненад Станков 192 Крило 23 Македонија Македонија Фени Индустри
19 Илин Веселковски 19 Македонија Македонија младински тим

Меѓународни натпреварувања[уреди | уреди извор]

Сезона Натпреварување Достигнување Поб Пор
1973 ФИБА Корач Куп Групна фаза1 0 0
1975/76 ФИБА Европски Куп на
Победниците на Куповите
Полуфинале 4 4
1993/94 ФИБА Европска Лига Шестнаестинафинале 2 2
1993/94 ФИБА Европски Куп Групна фаза 2 8
1994/95 ФИБА Европска Лига Прва рунда 1 1
1995/96 ФИБА Европска Лига Прва рунда 1 1
1996/97 ФИБА ЕвроКуп Групна фаза 1 9
1997/98 ФИБА ЕвроКуп Групна фаза 0 10
1999/00 ФИБА Сапорта Куп Групна фаза 1 9
2000/01 ФИБА Корач Куп Прва рунда 0 22
2002/03 ФИБА Европа Куп на Шампиони
(Јужна Конференција)
Групна фаза 1 9
2003/04 ФИБА Европа Куп
(Јужна Конференција)
Вицепрвак 5 3
2004/05 ФИБА Европа Лига Групна фаза 2 10
2008/09 Балканска Лига Вицепрвак 7 5
2009/10 Балканска Лига Групна фаза 1 7
Натпреварување Сез Нат Поб Пор
Европска Лига / Евролига 3 8 4 4
Европски КПК / Европски Куп /
ЕвроКуп / Сапорта Куп
5 48 8 40
Европа Лига / ЕвроЧеленџ 1 12 2 10
Корач Куп 21 2 0 22
Европа Куп на Шампиони /
Европа Куп
2 18 6 12
Балканска Лига 2 20 8 12

1 Работнички првично бил избран во групата, но потоа се повлекол од натпреварувањето.

2 Реванш натпреварот завршил со резултат од 70:70. Немало потреба да се потреба да се игра продолжение бидејќи вкупниот резултат од двата натпревари одел во полза на противникот на Работнички.

  • Со задебелените букви се постоечките натпреварувања.
  • Со косите букви се непостоечките натпреварувања.

Поважни поранешни играчи[уреди | уреди извор]

  • Босна и Херцеговина Горан Икониќ
  • Србија Немања Јелесијевиќ
  • МакедонијаАвстралија Благој Јанев
  • Македонија Марјан Јаневски
  • Македонија Дејан Јовановски
  • Србија Ѓорѓе Јовановиќ
  • Србија Предраг Јоксимовиќ
  • Македонија Никола Караколев
  • Србија Душан Кнежевиќ
  • Македонија Александар Књазев
  • Македонија Ѓорѓи Књазев
  • САД Брендон Кол
  • САД Вилијам Колмен
  • Босна и Херцеговина Бариша Красиќ
  • Македонија Бојан Крстевски
  • САД Пол Кулбертсон
  • Македонија Лазар Лечиќ
  • Македонија Никола Матовски
  • Македонија Славко Матовски
  • Шведска Руди Мбемба
  • Босна и Херцеговина Милан Милошевиќ
  • Македонија Димитар Мираковски
  • Македонија Игор Михајловски

Извор:eurobasket.com

Поврзано[уреди | уреди извор]

Надворешни врски[уреди | уреди извор]

Наводи[уреди | уреди извор]

  1. Работнички на колена, Куманово е во финалето! ekipa.mk 24 мај 2015
  2. Центарци „изгореа“: Куманово го „згази“ Работнички и се избори за втора шанса за прва титула! sportmedia.mk 24 мај 2015
  3. Димитровски: Работнички мора да се врати на шампионскиот пиедестал! sportmedia.mk 24 јули 2014
  4. Официјално: Емил Рајковиќ потпиша едногодишен договор со полски Сласк! sportmedia.mk 17 јули 2014
  5. Докузовски повторно ќе седне на клупата на Работнички sportmedia.mk 6 август 2014
  6. „Докузовски се врати на клупата кај Работнички“, Дневник, година XVIII, број 5536, петок, 8 август 2014, стр. 22.
  7. „Работнички: Одлуката за празнење на трибината беше еднострана“, Дневник, година XVIII, број 5613, понеделник, 10 ноември 2014, стр. 22.
  8. „Јосифовски: Да направиме преседан за Работнички да остане прволигаш“, Дневник, година XVIII, број 5617, петок, 14 ноември 2014, стр. 24-25.
  9. „РИСТО ГАПИЌ Е НОВ ПРЕТСЕДАТЕЛ НА РАБОТНИЧКИ“. sport.mk. 23 јануари 2015. http://www.sport.com.mk/?itemid=A8968D9BB11D4E45B352949FDAC1C65D. 
  10. „Ристо Гапиќ е нов претседател на клубот од Градски парк“. republika.mk. 23 јануари 2015. http://vesti.mk/read/news/4383944/1652384/risto-gapikj-e-nov-pretsedatel-na-klubot-od-gradski-park. 
  11. Сашко Ѓ. Димовски, „Отпишаните „старци“ го возвратија ударот“, Утрински весник, година XVI, број 4718, вторник, 24 февруари 2015, стр. 19.
  12. „И Работнички се засили за Суперлигата“, Дневник, година XIX, број 5727, петок, 27 март 2015, стр. 27.
  13. „Арбитражата на МКФ ги помилува Работнички и Куманово“, Дневник, година XIX, број 5743, петок, 17 април 2015, стр. 24.