Викенд на мртовци (филм)

Од Википедија — слободната енциклопедија
Прејди на прегледникот Прејди на пребарувањето
„Викенд на мртовци“
Makfilm 91 VIK MRT.jpg
плакат од филмот
РежисерКоле Ангеловски
СценаристМиле Попоски
НастапуваатВладимир Ангеловски
Ѓорѓи Јолевски
Димче Мешковски
Гоце Тодоровски
Благоја Чоревски
МузикаДимитар Масевски
ДистрибутерВардар филм
Премиера1988
Времетраење94 мин
ДржаваМакедонија Македонија
ЈазикМакедонски

Викенд на мртовци е македонски филм-комедија од 1988 година, режиран од Коле Ангеловски, со Владимир Ангеловски - Дади, Ѓорѓи Јолевски, Димче Мешковски, Гоце Тодоровски и Благоја Чоревски во главните улоги. Филмот е екранизација на театарска пиеса [1] од Миле Попоски [1] и е последниот снимен во Вардар филм во рамките на СФР Југославија.[2] Добитник е на две награди на Фестивалот на филмска комедија во Голубац - „Златна Рипка“ за режија на Коле Ангеловски и трета награда од публиката за најдобар филм. [3]

Содржина[уреди | уреди извор]

Тасе е известен дека неговата жена починала на една од клиниките во Скопје. Набргу неговиот дом се исполнува со нивни роднини и пријатели и сите чекаат да пристигне ковчегот со умрената за да ја оплачат и погребаат.

Во соседството, пак, наспроти куќата на Тасе, се прави свадба. Со звукот на зурлите и тапаните пристигнува ковчегот со умрената, но кога истиот ќе го отворат, му нема крај на изненадувањето зашто внатре не е Кате, сопругата на Тасе, туку некоја непозната жена. Веднаш бараат објаснување од Државната болница во Скопје од каде се известени дека во сплет на околности, направена е размена на покојничките и дека нивната Кате се наоѓа кај некој Климе од Охрид, а неговата жена е во ковчегот што пристигнал кај Тасе. Тасе и Климе воспоставуваат врски и се договараат да си ги разменат покојничките при што постигнуваат договор да се сретнат на полпат, односно на планинскиот превој Ѓавато.

Според договорот, тука пристигнуваат и едните и другите, но пред да бидат разменети покојничките, доаѓа до меѓусебна расправа во врска со вредноста на мртвечките сандаци. Уште таа расправија тече, а на повидок е ново разочарување: во сандакот што го добил Тасе не се наоѓа телото на покојната жена на Климе по име Зора, туку некоја трета жена. Затоа, Климе и неговата ќерка ќе го земат само скапиот мртовечки сандак и ќе се вратат назад, а Тасе останува со две мртви жени и со еден евтин мртовечки сандак.

Улоги[уреди | уреди извор]

Глумец Улога
Димче Мешковски Тасе Стопарески
Владимир Ангеловски Климе Глупчев
Благоја Чоревски Кирца
Ѓорѓи Јолевски Чанде
Гоце Тодоровски Ацко
Снежана Михајловиќ Таца
Јовица Михајловски Ноне
Ташко Начиќ Томислав
Тодорка Кондова Атина
Игор Џамбазов Владимир Спирковски
Бата Живоиновиќ Генерален директор
Јелисавета Саблиќ Секретарка
Младен Крстевски Чуре
Александра Петковиќ Мица
Катерина Кочевска Медицинска сестра

Останати улоги  ▼

Реакции и награди[уреди | уреди извор]

Реакции[уреди | уреди извор]

Викенд на мртовци е првата македонска филмска комедија по пауза од речиси триесетина година (по Мирно лето од 1961 година) [3] и е еден најпопуларните македонски филмови од овој жанр, имајќи култен статус децении по својата премиера.[се бара извор] Уште веднаш е добро прифатен од публиката, благодарејќи ѝ, во одредена мера, и на истоимената успешна претстава, на која работи безмалку истиот тим и која, заедно со Солунски патрдии и Бегалка е и една од најдолговечните претстави на Драмскиот театар[1]. Сепак, комплицирањето на дејството во втората половина на филмот, кога покрај почетната постава се појавуваат и двајца молери што се враќаат од Претор и две германски автостоперки, од некои критичари е оценето како непотребно обременување на одличниот првичен заплет, чие „почетно темпо, ниту режисерот Коле Ангеловски ниту самите интерпретатори, не го задржаа во текот на целиот филм“ [3].

Награди[уреди | уреди извор]

Белешки[уреди | уреди извор]

  1. 1,0 1,1 1,2 "Награди за Животно дело". Македонски Театарски Фестивал "Војдан Чернодрински" Прилеп. конс. 2008-09-04. 
  2. "Викенд на мртовци" во режија на Коле Ангеловски". Вест. конс. 2008-09-04. 
  3. 3,0 3,1 3,2 3,3 "Викенд на мртовци". Македонски Информациски Филмски Центар. конс. 2008-09-04. 

Надворешни врски[уреди | уреди извор]