Марин Бабиќ

Марин Бабиќ
Роден(а)	24 октомври 1947 Белград, НР Србија, ФНРЈ
Починал(а)	16 октомври 2022(2022-10-16) (возр. 74) Скопје, Македонија
Националност	Македонец
Занимање	глумец
Активен период	1971 - 2022
Познат(а) по	по улогата во: Солунски патрдии Тврдокорни Претежно ведро Македонски народни приказни Викенд на мртовци Нели ти реков Јужна патека Бардо
Роднини	Крсте Гермов - Шаќир - дедо Огнен Јанески - внук

Марин Бабиќ (24 октомври 1947 Белград - 16 октомври 2022 Скопје) — македонски театарски, филмски и телевизиски глумец.

Биографија

Марин Бабиќ во 1971 година дипломирал на Театарската Академија во Софија и истата година се вработил во Драмски Театар Скопје, каде го поминува целиот свој работен век. Учествувал во бројни и значајни улоги во бројни претстави не само во Драмскиот театар, туку и во други театри и проекти.

Запаметен е по бројните и значајни улоги не само во својата матична куќа, туку и во други театри и проекти. Позначајни улоги има во претставите: „Болен Дојчин“, „Лиза, Лиза“, „Свадба“, „Учени жени“, „Собирен центар“, „Бура“, „Вообразениот болен“, „Злостори на срцето“, “Најголемиот подвиг на витезот Сукало“, „Ивона кнегиња бургундска“, „Солунски патрдии“; „Рибарски караници“, „Косанчиќев венец бр. 7“, „Хаос зад кулиси“, „Викенд на мртовци“, „Ноќ спроти Водици“, „Зојкиниот стан“, „Смртта на Дантон“, „Стапица“, „Сказна за времето“, „Сили во воздухот“, „Самоубиец“, „Балконот“, „Не сега драга…“, „Прости дарови“, „Амадеус“, „Дедо Мраз и Феферона“, „Заводникот од западниот свет“, „Словенскиот ковчег“, „Платонов“, „Ферхад и Ширин“, „Демонот од Дебар Маало“.

Неговата актерска кариера ја одбележуваат и бројни филмски и ТВ улоги: „Бушава азбука“, „Наши години“, „Оловна бригада“, „Јад“, „Нели ти реков“, „Доротеј“, „Јужна патека“, „Тетовирани души“, „Претежно ведро“, „Училиште за кловнови“, „Збогум на 20. век“ и многу други. Во културната колективна меморија засекогаш останал неговиот Јашар бег во театарската претстава „Солунски патрдии“, но и по репликата која стана урбана фраза на многу луѓе – „Ово нема ни у Београду!“, од претставата „Викенд на мртовци“.

Повозрасните генерации сé уште со носталгија се сеќаваат на неговата култна Ноќна програма на Радио Скопје. Радио кариерата ја заокружи со популарната радио-емисија за готвење во некогашниот радио Равел. Бабиќ бил идеен творец на култната манифестација „Глумците пеат“ и на поетскиот серијал „Бебули“, каде ги имаше неговите маестрални интерпретации на современата македонска и странска поезија. Во 2023 година во негова чест повторно се враќа манифестацијата "Глумците пеат", кои ја организираа неговите ќерки Маја и Ира Бабиќ.

Театарски претстави

• Дојчин – Болен Дојчин од Ѓорѓи Сталев, р. Димитар Станковски, Драмски театар - Скопје 1971;
• Ставре – Свадба од Васил Иљоски, р. Димитрие Османли, Драмски театар - Скопје 1972;
• Јас, Клаудиј од Џон Монтимер, р. Слободан Унковски, Драмски театар - Скопје 1973;
• Трисотен – Учени жени од Жан Батист Поклен Молиер, р. Мата Милошевиќ, Драмски театар - Скопје 1973;
• Најголемиот подвиг на витезот Сукало од Роберт Болт, р. Борко Зафировски, Драмски театар - Скопје 1974;
• Лиза лиза од Миодраг Мицев, р. Душан Наумовски, Драмски театар - Скопје 1974;
• Цар Едип од Софокле, р. Миле Корул, Драмски театар - Скопје 1976;
• Вториот просјак – Џинот од Ѓорѓи Сталев, р. Васил Ќортошев, Драмски театар - Скопје 1976;
• Средниот џин – Баш челик од Горан Бабиќ, р. Коле Ангеловски, Драмски театар - Скопје 1977;
• Слуга – Ревизор од Јордан Плевнеш, р. Љубиша Георгиевски, Драмски театар - Скопје 1978;
• Макдаф – Шекспир во приказни од Чарлс, р. Коле Ангеловски, Драмски театар - Скопје 1978;
• Душан – Ослободување на Скопје од Душко Јовановиќ, р. Слободан Унковски, Драмски театар - Скопје 1978;
• Веселата смрт од Евреинов, р. Наум Пановски, Драмски театар - Скопје 1978;
• Јашар бег – Солунски патрдии од Миле Попоски, р. Коле Ангеловски, Драмски театар - Скопје 1979;
• Рибарски караници од Карло Голдони, р. Тодорка Кондова-Зафировска, Драмски театар - Скопје 1979;
• Чуруликало – Панургиј или прекрасни преправачи од Русомир Богдановски, р. Коле Ангеловски, Драмски театар - Скопје 1980;
• Фома – Бркотница од Лев Биринскиј, р. Владимир Милчин, Драмски театар - Скопје 1980;
• Оливер – Џон Пиплфокс од Мирослав Беловиќ, р. Коле Ангеловски, Драмски театар - Скопје 1981;
• Владан – Косанчиќев венец бр. 7 од Слободан Селениќ, р. Димитар Станковски, Драмски театар - Скопје 1982;
• Ивона Кнегиња Бургундска од Витолт Громбович, р. Владо Цветановски, Драмски театар - Скопје 1984;
• Оливер – Џон Пиплфокс од Душан Радовиќ, Драмски театар - Скопје 1984;
• Лојд – Хаос зад кулиси од Мајкл Фрејн, р. Димитрие Османли, Драмски театар - Скопје 1985;
• Свадбар – Викенд на мртовци од Миле Попоски, р. Коле Ангеловски, Драмски театар - Скопје 1985;
• Тетовирани души од Горан Стефановски, р. Паоло Маџели, Драмски театар - Скопје 1985;
• Антонио – Ноќ спроти Водици од Вилијам Шекспир, р. Димитар Станковски, Драмски театар - Скопје 1986;
• Зојкиниот стан од Михаил Афанасиевич, р. Стојан Стојановски, Драмски театар - Скопје 1986;
• Ерман – Смртта на Дантон од Георг Бихнер, р. Петар Вечек, Драмски театар - Скопје 1987;
• Продавачот – Стапица од Тадеуш Ружевич, р. Богдан Хусаковски, Драмски театар - Скопје 1987;
• Звртко – Сказна за времето од Љубиша Ѓокиќ, р. Љубиша Ѓокиќ, Драмски театар - Скопје 1988;
• Муштерија – Сили во воздухот од Небојша Рончевиќ, р. Јовица Павиќ, Драмски театар - Скопје 1988;
• Доктор – Собирен центар од Душан Ковачевиќ, р. Коле Ангеловски, Драмски театар - Скопје 1989;
• Самоубиец од Николај Ердман, р. Бранко Ставрев, Драмски театар - Скопје 1990;
• Судијата – Балконот од Жан Жене, р. Ивица Кунчевиќ, Драмски театар - Скопје 1991;
• Директорот – Не сега драга од Реј Куни, р. Коле Ангеловски, Драмски театар - Скопје 1992;
• Богатиот – Прости дарови од Карма Ибзен, р. Карма Ибзен, Драмски театар - Скопје 1993;
• Дедо Мараз и Феферона од Томе Арсовски, р. Мите Грозданов, Драмски театар - Скопје 1996;
• Амадеус од Питер Шефер, р. Златко Славевски, Драмски театар - Скопје 1996;
• Заводникот од западниот свет од Џон Милинктон, р. Коле Ангеловски, Драмски театар - Скопје 1997;
• Словенски ковчег од Венко Андоновски, р. Димитар Станковски, Драмски театар - Скопје 1998;
• Платонов од Антон Павлович Чехов, р. Димитар Станковски, Драмски театар - Скопје 1999;
• Ферхад и Ширин од Назим Хикмет, р. Ертен Јуџел, Драмски театар - Скопје 2000;
• Војвек од Георг Бихнер, р. Бора Драшкович, Драмски театар - Скопје 2002;
• Демонот од Дебармаало од Горан Стефановски, р. Слободан Унковски, Драмски театар - Скопје 2006.

• "Глумците пеат"

Филмографија

Бабиќ има остварено бројни филмски улоги:

Филмографија на глумецот Марин Бабиќ
Год.	Назив	Улога |- style="background: Lavender; text-align:center; "	1970-ти
1975	Јад ТВ-филм	/
1977	Нели ти реков ТВ-филм	/
1978	Сеќерна приказни ТВ-филм
1979	Наши години ТВ-серија	Миле
1980-ти
1980	Оловна бригада ТВ-филм	/
1981	Црвениот коњ ТВ-филм	/
1981	Доротеј ТВ-филм	/
1982	Јужна патека ТВ-филм	Данчо
1982	Илинден ТВ-серија	Кемал Ефенди
1984	Нели ти реков ТВ-филм	/
1985	Јазол ТВ-филм	/
1985	Бушава азбука ТВ-серија	/
1985	Тетовирани души ТВ-филм
1986	Солунски патрдии ТВ-серија	Божин
1987	Претежно ведро ТВ-серија	Панко Јовановски
1987	Училиште за кловнови ТВ-серија	Маки
1987	Театарче лево ќоше ТВ-филм
1988	Викенд на мртовци ТВ-серија	Свадбар
1990-ти
1990	Викенд на мртовци ТВ-филм	Свадбар
1991	Македонија може ТВ-серија	/
1991	Во кафулето кај Гане ТВ-филм	Генерал Тринкен
1992	Тврдокорни ТВ-серија	Агата
1992	Сили во воздухот ТВ-филм	/
1992	Чудовиштата во нашиот град ТВ-серија
1998	Збогум на 20-тиот век ТВ-серија	/
2000-ти▲
2003	Волци ТВ-филм
2008	Куќен совет ТВ-серија
2010-ти
2012	Бардо Краток филм	Приест
2012-2016	Македонски народни приказни ТВ-серија
2020-ти
2022	Македонски народни приказни ТВ-серија
2022	Куќен притвор ТВ-серија	Стево
2022-2023	Бистра вода ТВ-серија
2023	Црвениот поет ТВ-серија	Проф. Јован Радониќ

Надворешни врски

• Марин Бабиќ на Семрежната филмска база на податоци (англиски)

https://sdk.mk/index.php/kultura/pochina-akterot-marin-babik/