Перо Антиќ

Перо Антиќ (роден 29 јули 1982 во Скопје, Република Македонија) е македонски кошаркарски репрезентативец, кој настапува за бугарскиот кошаркарски прволигаш Лукоил Академик. Тој е најкорисниот играч на сезоната 2007/2008 во Бугарија, каде имаше просеци од 23,3 поени и доминантни 9,3 скокови по натпревар. Тој е висок 210 см и тежок 110 кг. Игра на позиција центар. Во 2008/2008, во Улеб Купот, тој имаше просеци од 18,2 поени и 9,1 скок. Неговиот тим Лукоил Академик го освои домашниот шампионат, и постигнаа непоразена сезона со 40 победи и 0 порази. Перо е под договор со Лукоил и наредната сезона (2008/2009), но добива силни понуди од Европа, а сака да се покаже добро и на летната лига на НБА.