Ополско Војводство

Од Википедија — слободната енциклопедија
Прејди на прегледникот Прејди на пребарувањето
Ополско Војводство
Województwo opolskie
војводство
Знаме на Ополско Војводство
Знаме
Грб на Ополско Војводство
Грб
Местоположба во Полска
Местоположба во Полска
Окрузи во Ополското Војводство
Окрузи во Ополското Војводство
Земја  Полска
Седиште Ополе
Окрузи 1 градски, 11 земски *
Површина
 • Вкупно 9.412,5 km2 (36,342 sq mi)
Население (2014)
 • Вкупно 1.000.858
 • Густина 110/km2 (300/sq mi)
 • Градскo 549.334
 • Селско 495.012
Рег. таб. O
Мреж. место umwo.opole.pl

Ополско Војводство (полски: województwo opolskie, германски: Woiwodschaft Oppeln) — војводство во југозападна Полска, најмалото и најмалку населеното во државата. Наречено е по најголемиот и главен град — Ополе. Историски, подрачјето е дел од областа Горна Шлеска и има релативно големо германско малцинство, со свои претставници во државното собрание.

Се граничи со следниве војводства: Долношлеското на запад, Големополското и Лоѓското на север, Шлеското на исток и Чешка на југ.

Историја[уреди | уреди извор]

Ополското војводство е создадено на 1 јануари 1999 г. од дотогашното Ополско и делови од Ченстоховското Војводство, согласно управната реформа усвоена претходната година.

Во прво време, владата имала намера да го укине Ополското војводство и да го подели меѓу Долношлеското и Шлеското војводство (источна Горна Шлеска и западна Малополска), според советите на истакнати историчари, кои сметале дека ова се поавтентично полски области со историска заднина. Било предвидено Бжег и Намислов да ѝ припаднат на Долна Шлеска, а остатокот, заедно со дел од Ченстоховското Војводство, да стане дел од новото Шлеско Војводство. Сепак, овие планови побудиле значајно негодување меѓу германското население на војводството, кои стравувале дека поделбата на нивното подрачје ќе ги расцепка, оставајќи ги без застапување како малцинство. На изненадување на Германците, шлеските Полјаци исто така се побуниле против реформата, сметајќи дека тоа ќе им го наруши регионалниот идентитет и ќе ги втурне во непозната средина.

Решението било донесено кон крајот на 1999 г. со придодавањето на Олесно кон Ополското Војводство по 24 години раздвоеност. Конечната разврска дошла во 2006 г. кога општината Радлув прва го прогласила германскиот за втор службен јазик.

Географија[уреди | уреди извор]

Војводството е сместено во југозападна Полска, претежно на подрачјето на Шлеската Низина. На исток се граничи со Шлеската Висорамнина со познатата планина Света Ана, а на југозапад се Опавските Планини во состав на Судетите. Реката Одра по средината го пресекува војводството на два дела. Северниот дел долж реката Мала Панев е густо пошумен, додека пак во јужниот дел преовладува обработливо земјиште.

Ополското Војводство се одликува со најтопла клима во земјата.

Градови и гратчиња[уреди | уреди извор]

Војводството има 35 градски населени места, тука наведени по број на жители според состојбата во 2006 година[1]):

  1. Ополе (128.034)
  2. Кенѓежин-Кожле (65.572)
  3. Ниса (47.283)
  4. Бжег (38.303)
  5. Клучборк (25.910)
  6. Прудњик (23.133)
  7. Стшелце Ополске (20.059)
  8. Крапковице (18.112)
  9. Намислов (16.557)
  10. Глухолази (14.887)
  11. Глубчице (13.333)
  12. Зѓешовице (13.329)
  13. Олесно (10.106)
  14. Ожимек (9.944)
  15. Гродкув (8.771)
  16. Заваѕке (8.331)
  17. Прашка (8.230)
  18. Пачкув (8.147)
  19. Њемодлин (6.849)
  20. Кетш (6.365)
  21. Волчин (6.139)
  22. Гоголин (6.077)
  23. Левин Бжески (5.826)
  24. Глогувек / Оберглогау (5.816)
  25. Отмухув (5.261)
  26. Доброѓењ / Гутентаг (4.168)
  27. Бичина (3.677)
  28. Колоновске / Колоновска (3.432)
  29. Баборув (3.175)
  30. Лешница / Лешниц (2.945)
  31. Прушкув / Проскау (2.713)
  32. Бјала Прудницка / Цилц (2.653)
  33. Гожув Шлонски (2.606)
  34. Корфантув (1.883)
  35. Ујазд / Ујест (1.652)

Управна поделба[уреди | уреди извор]

Војводството е поделено на 12 окрузи, од кои 1 градски и 11 земски. Тие пак се поделени на 71 општина.

Ополе — главен град на војводството.
Ниса — трет град по население во војводството.
Бжег — познато посетителско место.
Градот Прудњик со неговите средновековни градби.
Клучборк — важна железничка клучка во Полска.
Име и
изворно име
Површина
(км²)
Население
(2006)
Седиште Други градови Општини
Градски окрузи
Ополе
Opole
96 128.034 1
Земски окрузи
Бжешки
powiat brzeski
877 92.361 Бжег Гродкув, Левин Бжески 6
Глупчички
powiat głubczycki
673 50.326 Глубчице Кетш, Баборув 4
Кенѓежинско-кожелски
powiat kędzierzyńsko-kozielski
625 102.118 Кенѓежин-Кожле 6
Клучборчки
powiat kluczborski
852 70.082 Клучборк Волчин, Бичина 4
Крапковички
powiat krapkowicki
442 67.926 Крапковице Зѓешовице, Гоголин 5
Намислувски
powiat namysłowski
748 43.957 Намислув 5
Ниски
powiat nyski
1.224 145.640 Ниса Глухолази, Пачкув, Отмухув, Корфантув 9
Олески
powiat oleski
974 68.269 Олесно Прашка, Доброѓењ, Гожув Шлонски 7
Ополски
powiat opolski
1.587 134.874 Ополе * Ожмек, Њемодлин, Прушкув 13
Прудњички
powiat prudnicki
571 59.931 Прудњик Глогувек, Бјала Прудњицка 4
Стшелечки
powiat strzelecki
744 80.828 Стшелце Ополске Заваѕке, Колоновске, Лешњица, Ујазд 7
* седиштето не е дел од округот

Население[уреди | уреди извор]

Ополското Војводство е најмалото во земјата, како по површина, така и по населеност.

Населението брои околу милион жители, од кои 15 % се Германци, сочинувајќи 90 % од германското малцинство во Полска. Поради ова, има поголем број на двојазични општини, каде германскиот јазик и култура играат значајна улога.

Стопанство[уреди | уреди извор]

Војводството има мешано индустриско-земјоделско стопанство. Има лежишта на минерални ресурси за градежен материјал како варовник (Стшелце Ополске), лапорец (кај Ополе), мермер и базалт. Се одликува со поволна клима и плодна почва кои даваат големи приноси.

Во Ополското Војводство се застапени вкупно 19 стопански грабки. Најважно е производството на цемент и вар, а потоа следуваат изработката на мебел, прехранбената, автомобилската и хемиската индустрија. Заведени се околу 53.000 претпријатија, претежно од мал и среден обем, бо кои работат преку 332.000 лица, од кои 89.000 работат во производните дејности. Дури 95,7 % од сите претпријатија се во приватна сопственост.

Презимиња[уреди | уреди извор]

Најзастапени презимиња во Ополското Војводство се следниве:

  1. Новак: 5.538
  2. Вјечорек: 2.654
  3. Мазур: 2.512

Поврзано[уреди | уреди извор]

Наводи[уреди | уреди извор]

Поврзано[уреди | уреди извор]