Мушереф Лозана
| Мушереф Прекиќ Лозана – Мишка | |
|---|---|
| Роден(а) | 18 август 1933 Приштина,  Кралство Југославија денес  Косово |
| Починал(а) | 29 март 2019 Скопје,  Македонија |
| Националност | Македонец |
| Занимање | глумица |
Мушереф Прекиќ Лозана – Мишка (турскиːMüserref Lozana, 18 август 1933, Приштина - 29 март 2019 во Скопје) — македонска глумица[1], доајенка на турскиот театар.
Животопис[уреди | уреди извор]
Била член на Обласното позориште во Приштина (1951-1955), а потоа (1955-1991) била член на Турската драма на Театарот на народностите во Скопје.
Улоги: Скамполо и Мирандолина во истоимените дела, Ана („Мајка Храброст“), Емина („Лудата Емина“), Долорес („Јерма“), Капларот („Кавкаски круг со креда“).
Била добитничка на многубројни награди и признанија меѓу кои: награда за најдобро глумечко остварување на МТФ „Војдан Чернодрински“ за улогата на Капларот во претставата „Кавкаски круг со креда“ (Прилеп, 1988), награда „Глумец на годината“ на ревијата „Екран“ (Скопје, 1989), награда за животно дело на МТФ „Војдан Чернодрински“ (Прилеп, 1998), награда за животно дело “Златен дедал” – Европска филмска академија ЕСРА (Скопје, 2012) и награда “13 Ноември” на Град Скопје од областа уметноста – за посебен придонес во популаризацијата на театарската уметност во град Скопје (Скопје, 2016). Починала во Скопје на 29 март 2019 година.[2]
Наводи[уреди | уреди извор]
- ↑ Ристовски, Блаже, ed. (2009). "Лозана". Македонска енциклопедија. , книга I (А-Љ). Скопје: МАНУ. стр. стр. 806.
- ↑ ПОЧИНА МУШЕРЕФ ЛОЗАНА - ДОАЈЕНКА НА ТУРСКИОТ ТЕАТАР