Мултиплеј (ТВ филм)

Од Википедија — слободната енциклопедија
Прејди на прегледникот Прејди на пребарувањето
„Мултиплеј“
Omot-Multiplej.jpg
Омот од ДВД
РежисерВладимир Плавевски
ПродуцентЗоран Ристевски
Ѓорге Билбиловски-Шефче
СценаристВладимир Плавевски
НастапуваатСанела Емин
Љупчо Бојковски
Даница Ѓеоргиевска
Александар Микиќ
Мејди Алидеми-Жак
Мустафа Јашар
Кирил Андоновски
Бајрам Северџан
Жанрхумористична сатира
МузикаЈошко Бошковски
Премиера2007 година
ДржаваМакедонија Македонија
Јазикмакедонски, албански, турски, српски, бошњачки, ромски и влашки

Мултиплеј е хумористично-сатиричен македонски ТВ филм од 2007 година. Сценарист и режисер на филмот е Владимир Плавевски. Филмот е поддржан од Советот за Радиодифузија на Република Македонија

Кратка содржина[уреди | уреди извор]

Во нова зграда, чиј чувар е влавот Панде, се вселуват македонците Трпе и Победа, албанците Беким и Флора, Турците Мустафа и Наџија, србинот Жика, бошњакот Сафет и ромката Рефиџе. За вселувањето тие прават заедничка веселба и частење. Но, нивната зграда е само во бетонска изведба и сите станари се изненадени бидејќи имаат решенија за вселување. Преку Министерството за урбанизам сознаваат дека становите им се вселиви. Чуварот Панде ги известува оти инвеститорот и изведувачот исчезнале. Бидејќи немаат каде, сите се населуваат во зградата и тогаш почнуваат нивните заедички проблеми бидејќи се одвоени со ѕидови од најлон. Победа и Флора се бремени и мораат да одржуваат вежби за породилно дишење. На Рефиџе и доаѓа важен гостин и таа од сите позајмува кафе, шеќер, вода, џезве, филџани, плин и запалка за да го почести важниот гостин. Но, плинот експлодира и гостинот го исфрла низ прозорецот. Станарите се организират да го откопаат од песокот но тој доаѓа кај нив. Тој е американецот Џон кој е преставник на трансамериканско-балкански конзорциум и финансиски им помага во изградба на зградата под услов тие да не ги продаваат становите. Во новата зграда настануваат проблеми меѓу станарите кои сакат проширување. Зградата е без малтер и фасада, водата тече и избива струен курцшлус. Рефиџе има нов гостин за кој повторно позајмува кафе, шеќер, вода, џезве, шолји и плин од соседите но плинот повторно пука и новиот гостин, покриен со чаршав, ги престрашува станарите. Европеецот Карло, преставник на европскиот конзорциум за поправка на балканските фасади, им нуди средства за средување на фасадата на зградата под услов да не ја напуштаат. Во комплетно средена зграда Победа и Флора се породуваат а на Рефиџе и се враќа сопругот Рамче од Индија.

Улоги[уреди | уреди извор]

Посебна забелешка[уреди | уреди извор]

Во овој филм се застапени сите национални заедници во Р. Македонија – мажи и жена македонци – Трпе и Победа, маж и жена албанци – Беким и Флора, маж и жена турци – Мустафа и Наџија, србин Жика, бошњак Сафет, ромката Рефиџе и влавот Панде. Споредни улоги има американецот Џон, европеецот Карло и изгубениот маж на Рефиџе – Рамче.

Главна сценаристичка идеја[уреди | уреди извор]

Главната идеа на авторот сака да покаже дека во услови на живеење поставени во недовршена конструкција можат да живеат повеќе мултиетнички семејства помогнати од меѓународната заедница како морално-материјална поткрепа на нивната заедничка егзистенција и просперитет.

Споредна сценаристичка идеа[уреди | уреди извор]

Да ги отслика етничките заедници преку нивните локализми и навики во хумористично-сатиричен стил покажувајќи дека и нивната различност е еден од главните услови за нивното заедничко живеење.

Драматуршка поставеност[уреди | уреди извор]

Хумористично-сатиричниот стил и наглите пресврти во драматургијата ги потенцираат различностите на карактерите на личностите кои произлегуваат од нивната етничка одреденост, ја покажат апсурноста на нивната политичка оптовареност и потребата од меѓународна условеност.

Посебна забелешка[уреди | уреди извор]

Артистите во одредени делови од драмата зборуваат на својот мајчин јазик ( македонски, албански, турски, српски, бошњачки, ромски и влашки) и според овој предуслов при кастингот на артистите треба да се внимава улогите да бидат поделени на артисти од соодветните националности.

Надворешни врски[уреди | уреди извор]