Лилија во долината (француски: Le Lys dans la Vallée) ― роман од 1835 година за љубовта и општеството на францускиот романсиер и драматургОноре де Балзак (1799–1850). Тоа се однесува на емотивно енергичната, но никогаш неисполнета наклонетост меѓу Феликс де Ванденес и Анриет де Морсаф. Тоа е дел од неговиот серијал романи (или Roman-fleuve) познати како Човечка комедија (Comédie humaine), која го пародира и прикажува француското општество во периодот на Бурбонската реставрација и Јулската монархија (1815–1848). Во својот роман тој го споменува и замокот Азе ле Ридо, кој може да биде посетен и денес.
Анриет де Морсоф била по примерот на блиската пријателка на Балзак, Лора Антоанет де Берни (моминско Инер), жена 22 години постара од него, која многу ја охрабрила неговата рана кариера.[1] Г-ѓа де Берни умрела кратко откако го прочитал завршениот роман[2] — во кој умира и Анриет.
