Ѓаволски Ѕид

Од Википедија — слободната енциклопедија
Прејди на прегледникот Прејди на пребарувањето
Ѓаволски Ѕид
Devils Wall FYROM.jpg
Ѓаволскиот Ѕид одблиску
МестоАџибегово, Општина Лозово
ОбластОвче Поле, Македонија
Координати41°44′52″ N; 22°00′54″ E / 41.7477° N; 22.015° E / 41.7477; 22.015Координати: 41°44′52″ N; 22°00′54″ E / 41.7477° N; 22.015° E / 41.7477; 22.015
Надм. вис.237 м
Видмегалитна образба
Должина500 м
Ширина2 м
Историја
Материјалкамен

Ѓаволски Ѕид — природна карпеста појава во Овчеполието, на југозападните падини на планината Богословец и десниот брег на реката Брегалница.[1] Лежи на околу 3 км југоисточно од Аџибегово, крај неговата атарска граница.

Опис и особености[уреди | уреди извор]

Широк поглед на Ѓаволскиот Ѕид.

Импозантната образба е со забележителна должина од 500 м, но траги од карпестото образување се забележуваат во должина од 5 км во западен правец. Средната височина на карпата се движи меѓу 10 и 12 м, а ширината ѝ достига до 2 м; тежината на некои од карпестите блокови, кои сочинуваат своевидна карпа, изнесува до 4 тони.

Постои научен спор во однос на потеклото на Ѓаволскиот Ѕид. Најзастапено е мислењето дека станува збор за природна карпеста појава, но постојат и доста мислења дека станува збор за древна мегалитска градба. Во 1970 г. југословенскиот археолог Милутин Гарашанин утврдил присуство на врзивен материјал со црвена боја меѓу некои од блоковите. Останува загатката како е изградена таква градба, имајќи предвид дека теренот на кој се наоѓа е стрмен и тешко достапен.[2]

Предание[уреди | уреди извор]

Жителите на околните села го зачувале преданието дека ѓаволот се обложил со Господ дека може да ја прегради Брегалница за една ноќ и да го потопи Овче Поле. Така, почнал да ја ја гради оваа карпа како брана, но во текот на ноќта, Господ пратил еде петел да му го осуети планот. Петелот пропеал, со тоа предвреме означувајќи ја зората, по што ѓаволот го снемало од мака.

Ѓаволскиоѕ Ѕид претставува популарно одредиште за дивите копачи, кои веруваат дека под него има километри тунели, во кои има скриено неизмерно богатство, а влезот во нив е затворен со голема камена плоча во близина на карпата. Овие верувања се поткрепени и од фактот, што во близина на ѕидот се наоѓа и загадочниот Македонски (Овчеполски) геоглиф.[3][4]

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]

  • „Македонски раритет - Ѓаволски Ѕид“. MakPress. 27 јули 2017.
  • Милевски, Ивица (21 ноември 2011). „За Ѓаволскиот Ѕид, но од научна точка!“. Портал ИГЕО.
  • Ѓорѓиевска, Александра (23 јануари 2020). „ЃАВОЛСКИ ЅИД – природен феномен или дело на надземни сили!“. TourGuide.
  • Кучи, Валмир. „Ѓаволски ѕид“. Балкон3.