Бог

Од Википедија — слободната енциклопедија
Прејди на: содржини, барај

Бог — еден од поимите со кои се опишува совршено, натчовек|натчовечко и натприродно битие, за коешто луѓето кои веруваат во него, исто така веруваат и дека е создавател на универзумот. Некои религии кога говорат за Бог, него го опишуваат припишувајќи му и некои антропоморфни особини, додека други пак сметаат дека е невозможно и навредливо да се замислува Бог претставен во физичка форма. Некои сметаат дека Бог е олицетворение на целокупното добро, додека пак други сметаат дека Бог е нешто повеќе од обичните сфаќања за моралноста кои ги има човекот. Кај многу политеистички верувања постојат и полови разлики меѓу Боговите, па така имаме и женски Богови, т.е. божици. Скоро во сите сфаќања човекот е претставен како понизен, потчинет и зависен од Богот.

Во некои митологии Боговите се претставени покрај како антропоморфни, и како зооморфни (во вид на животно) или пак аморфни (без материјална форма). Претставата за изгледот на Боговите е показател за развојот и видот на соодветната религија. Така, на пример, за религиите поврзани со тотемизмот, покарактеристични се зооморфните Богови, а за анимистичките религии, Боговите се антропоморфни.

Верувањето во еден Бог се нарекува монотеизам. Монотеистички религии се христијанството, јудаизмот и исламот. Христијаните го нарекуваат Бог, едноставно Бог или Господ, а муслиманите Алах. И едните и другите веруваат дека Бог, т.е. Алах е создател на светот и човекот. Верувањето во повеќе Богови се нарекува - политеизам. Во политеизмот сите богови и божици имаат свои, посебни важни функции. Постои и примотеизам. Примотеизмот всушност е политеистичка религија, со тоа што се зема еден Бог како врховен и особено важен за светот и за човечките битија, а останативе Богови се сметаат како помалку битни и потчинети на врховниот Бог.

Бог како тема во уметноста и во популарната култура[уреди | уреди извор]

Бог, воопшто, или некој конкретен бог, се јавува како тема во бројни дела од уметноста и популарната култура, како:

Наводи[уреди | уреди извор]

  1. Johan Volfgang Gete, Pesme. Beograd: Rad, 1964, стр. 56-58.
  2. Johan Volfgang Gete, Pesme. Beograd: Rad, 1964, стр. 61-62.
  3. Johan Volfgang Gete, Pesme. Beograd: Rad, 1964, стр. 102-104.
  4. Hajnrih Hajne, Pesme. Beograd: Rad, 1964, стр. 94-96.
  5. Hajnrih Hajne, Pesme. Beograd: Rad, 1964, стр. 80-83.
  6. Рајнер Марија Рилке, Искуство тишине. Београд: Paideia, 2014, стр. 82.
  7. Јован Дучић, Сабрана дела II, Песме љубави и смрти. Београд: Народна просвета (без дата), стр. 82-87.
  8. Desanka Maksimović, Izabrane pesme (peto dopunjeno izdanje). Beograd: BIGZ, 1985, стр. 186.
  9. The Mission UK - Gods Own Medicine 1986 - YouTube (пристапено на 7.2.2016)
  10. U2 - In God's Country - YouTube (пристапено на 7.2.2016)
  11. Nelly Furtado - In God's Hands - YouTube (пристапено на 7.2.2016)

Поврзано[уреди | уреди извор]