Прејди на содржината

Нели Фуртадо

Од Википедија — слободната енциклопедија
Нели Фуртадо
Фуртадо во 2010 година
Животописни податоци
Родено имеНели Ким Фуртадо
Роден(а)2 декември 1978(1978-12-02) (46 г.)
Викторија, Канада
Жанровипоп-музика, фолк, Р&Б, Латино поп, хип-хоп, денс поп, етно музика
ЗанимањаПејачка, текстописец, глумица
ИнструментиВокали, пијано, клавијатура, гитара, бас гитара, укелеле, тромбон
Период на активност1996–денес
ИздавачиDreamWorks, Geffen, Mosley, Interscope, Universal Music Latino
Мреж. местоnellyfurtado.com

Нели Ким Фуртадо (англиски: Nelly Kim Furtado; родена на 2 декември 1978) — канадска пејачка, текстописец и глумица. Со продадени над 45 милиони музички записи, меѓу кои и 35 милиони албуми,[1] Фуртадо се вбројува меѓу најуспешните канадски музичари. Музичките критичари ја пофалиле за нејзината музичка разновидност и за експериментирањето со жанровите.[2][3][4][5]

Фуртадо стекнала популарност со нејзиниот прв албум, Whoa, Nelly! (2000) од кој произлегле два успешни сингла: „I'm Like a Bird“ и „Turn Off the Light“. Во 2001 година, за песната „I'm Like A Bird“ освоила Џуно награда за Сингл на годината и Греми награда за најдобра женска поп-изведба. Во 2003 година Фуртадо го издала албумот Folklore, од кој биле објавени сингловите: „Powerless (Say What You Want)“, „Try“ и „Força“. Сингловите имале умерен успех во Европа, но албумот се смета за неуспешен во споредба со нејзиниот прв албум.

Третиот албум од Фуртадо, Loose (2006), бил голем светски хит и со продадени над 10 милиони примероци станал нејзин најпродаван албум и еден од најпродаваните албуми во 2000-тите.[6][7] Од овој албум биле објавени четири сингла кои се искачиле на врвот на топ-листите во многу земји: „Promiscuous“, „Maneater“, „Say It Right“ и „All Good Things (Come to an End)“. Дуетот на Фуртадо со Џејмс Морисон, „Broken Strings“, исто така се искачил на врвот на топ-листите во Европа во 2008 година.[8]

Во 2009 година, Фуртадо го издала нејзиниот прв албум на шпански јазик, Mi Plan. За албумот добила Латино-греми награда за „Најдобар поп-албум од пејачка“. Во 2012, Фуртадо ги издала нејзиниот петти албум, The Spirit Indestructible.[9][10] Фуртадо ја прекинала соработката со нејзиниот менаџмент и станала независен изведувач, а нејзиниот инди-поп албум, The Ride, го издала во 2017 година под нејзината сопствена издавачка куќа Nelstar Entertainment. Нејзиниот седми албум, 7, бил објавен на 20 септември 2024 година.

Во текот на нејзината кариера Фуртадо добила многу награди и признанија, вклучувајќи една Греми награда (од седум номинации), една Латино-греми награда, 10 Џуно награди, една Британска музичка награда, една награда „Билборд“, една Европска музичка награда од Ем-ти-ви, една Светска музичка награда и три „Much“ музички видеонагради. Фуртадо има своја ѕвезда на канадската Патека на славните. Фуртадо била наградена со признанието „Командант на Редот на принцот Хенри„ на 28 февруари 2014 година, во Торонто, од страна на претседателот на Португалската република.[11][12][13]

Рани години

[уреди | уреди извор]

Фуртадо била родена на 2 декември 1978 година во Викторија, Британска Колумбија, Канада. Нејзините родители имале португалско потекло и потекнувале од островот Сао Мигел на Азорските Острови;[14] се преселиле во Канада кон крајот на 1960-тите.[15] Нели името го добила по советската гимнастичарка Нели Ким.[16] На четиригодишна возраст, почнала да настапува и да пее на португалски јазик.[14][17] Првиот јавен настап Фуртадо го имала во црква кога пеела дует со нејзината мајка на Денот на Португалија. Почнала учи да свири на тромбон и на укулеле на деветгодишна возраст, а во подоцнежните години учела да свири на гитара и на клавијатури. На 12-годишна возраст почнала да пишува песни,[16] а како тинејџерка настапувала во португалски марширачки бенд.[15]

Дискографија

[уреди | уреди извор]
Главна статија: Дискографија на Нели Фуртадо
  • Whoa, Nelly! (2000)
  • Folklore (2003)
  • Loose (2006)
  • Mi Plan (2009)
  • The Spirit Indestructible (2012)
  • The Ride (2017)
  • 7 (2024)

Наводи

[уреди | уреди извор]
  1. ↑ „Nelly Furtado and Dom Dolla Release Eat Your Man“. Sony Music Canada – The official Sony Music Canada website. 2023-06-02. Посетено на 2023-09-08.
  2. ↑ Nichols, Natalie (August 23, 2000). „Nelly Furtado Takes the Reins, Debuts With Talent, Versatility“. Los Angeles Times. Посетено на January 27, 2023.
  3. ↑ Kaplan, Ilana (January 30, 2017). „The Best Songs You Missed Last Week: Ásgeir, Nelly Furtado, More“. The Observer. Посетено на January 27, 2023.
  4. ↑ Murphy, Lauren (March 30, 2017). „Nelly Furtado: The Ride – breathlessly beat-driven tunes“. The Irish Times. Посетено на January 27, 2023.
  5. ↑ Lester, Paul (September 15, 2009). „Nelly Furtado Mi Plan Review“. BBC News. Посетено на February 7, 2023.
  6. ↑ „Spanish album an unexpected 'Plan' for Furtado“. Kuwait Times. August 30, 2009. Архивирано од изворникот на March 9, 2012. Посетено на May 10, 2022.
  7. ↑ Qilson, Jen (August 1, 2008). „Five Rings To Rule Them All“. Billboard. стр. 24. Посетено на May 10, 2022.
  8. ↑ Fraser McAlpine (December 2, 2008). „Chart Blog: James Morrison ft. Nelly Furtado – 'Broken Strings'“. BBC. Посетено на December 31, 2011.
  9. ↑ „"The Spirit Indestructible (Deluxe Version)" von Nelly Furtado“ (германски). iTunes. Посетено на 2012-09-18.
  10. ↑ „The Spirit Indestructible (Deluxe Version) by Nelly Furtado“. iTunes. December 2, 1978. Посетено на 2012-09-18.
  11. ↑ „архивски примерок“. Архивирано од изворникот на 2015-05-11. Посетено на 2014-03-04.
  12. ↑ „архивски примерок“. Архивирано од изворникот на 2014-09-13. Посетено на 2014-03-04.
  13. ↑ „архивски примерок“. Архивирано од изворникот на 2014-03-02. Посетено на 2014-03-04.
  14. ↑ 14,0 14,1 Nelly Furtado Interview Архивирано на {{{2}}}. at DailyMusicGuide.com
  15. ↑ 15,0 15,1 Празен навод (help)
  16. ↑ 16,0 16,1 „Exclusive LAUNCH Artist Chat“. Yahoo! Music. Архивирано од изворникот на December 17, 2006. Посетено на May 28, 2006.
  17. ↑ „Entrevista: Nelly Furtado“. netparque.pt. Архивирано од изворникот на March 14, 2008. Посетено на November 3, 2007.

Надворешни врски

[уреди | уреди извор]
Нормативна контрола
Преземено од „https://mk.wikipedia.org/w/index.php?title=Нели_Фуртадо&oldid=5303874“