Нели Фуртадо

Од Википедија — слободната енциклопедија
Нели Фуртадо
Фуртадо во 2010 година
Животописни податоци
Родено имеНели Ким Фуртадо
Роден(а)2 декември 1978(1978-12-02)(45 г.)
Викторија, Канада
Жанровипоп-музика, фолк, Р&Б, Латино поп, хип-хоп, денс поп, етно музика
ЗанимањаПејачка, текстописец, глумица
ИнструментиВокали, пијано, клавијатура, гитара, бас гитара, укелеле, тромбон
Период на активност1996–денес
ИздавачиDreamWorks, Geffen, Mosley, Interscope, Universal Music Latino
Мреж. местоnellyfurtado.com

Нели Ким Фуртадо (англиски: Nelly Kim Furtado; родена на 2 декември 1978) — канадска пејачка, текстописец и глумица. Има продадено над 20 милиони албуми ширум светот и повеќе од 20 милиони синглови, со тоа достигнувајќи бројка од 40 милиони продадени снимки на светско ниво. Фуртадо за првпат ја достигнала славата со нејзиниот деби албум, Whoa, Nelly!, од кој произлегле два успешни синглови, „I'm Like a Bird“ и „Turn Off the Light“. „I'm Like A Bird“ ја освоила наградата Џуно за Сингл на годината во 2001 и Греми награда за најдобра женска поп изведба. Во 2003, Фуртадо го издала албумот Folklore, од кој произлегле три интернационални синглови — „Powerless (Say What You Want)“, „Try“ и „Força“. Три години подоцна го издала албумот Loose, којшто постигнал големи успеси на светско ниво. На овој албум се наоѓале четири број еден хитови: „Promiscuous“, „Maneater“, „Say It Right“ и „All Good Things (Come to an End)“. По пауза од три години, таа го издала нејзиниот прв шпански албум, Mi Plan, со тоа освојувајќи ја латинската Греми награда за Најдобар женски поп албум. Во 2012, Фуртадо ги издала нејзиниот четврти албум на англиски јазик, The Spirit Indestructible.[1][2] Работата на Фуртадо била наградена со бројни награди и признанија, вклучувајќи две Греми награди, 10 Џуно награди како и ѕвезда на канадската Патека на славните. Фуртадо била наградена со признанието „Командант на Редот на принцот Хенри„ на 28 февруари 2014 година, во Торонто, од страна на претседателот на Португалската република.[3][4][5]

Дискографија[уреди | уреди извор]

Наводи[уреди | уреди извор]

  1. "The Spirit Indestructible (Deluxe Version)" von Nelly Furtado“ (германски). iTunes. Посетено на 2012-09-18.
  2. „The Spirit Indestructible (Deluxe Version) by Nelly Furtado“. iTunes. December 2, 1978. Посетено на 2012-09-18.
  3. „архивски примерок“. Архивирано од изворникот на 2015-05-11. Посетено на 2014-03-04.
  4. „архивски примерок“. Архивирано од изворникот на 2014-09-13. Посетено на 2014-03-04.
  5. „архивски примерок“. Архивирано од изворникот на 2014-03-02. Посетено на 2014-03-04.

Надворешни врски[уреди | уреди извор]