Шега (новела)

Од Википедија — слободната енциклопедија
Прејди на: содржини, барај
Шега  
The joke kundera book cover.jpg
првото издание на чешки
Автор Милан Кундера
Наслов на
оригиналот
Žert
Преведувач Маргарета Карајанова
Јазик чешки
Издавач Табернакул
Страници 376 страни, 120mm x 200mm, полутврда подврска
ISBN 978-9989-171-51-2

Шега (чешки: Žert) — прв роман на Милан Кундера, објавен во 1967 година и единствен негов роман во кој авторот не е единствениот раскажувач. Дејството во романот се одвива од крајот на Втората светска војна па сѐ до настаните пред Прашката пролет, кон крајот на 60-тите години во тогашна Чехословачка.[1] Шега се вбројува во 100. книги на векот според Ле Монд. Романот послужил како инспирација за филм, а се споменува и во неколку песни од поп-изведувачи. Книгата била три пати преведена на англиски, поради тоа што Кундера не бил задоволен од првите два преводи.[2]

Содржина[уреди | уреди извор]

Приказната е раскажана од четири наратори: Јан Лудвик, Хелена Земанкова, Костка, и Јарослав. Дејството започнува со сеќавање на Лудвик за шегата што ја кажал како младинец на чешката комунистичка партија во раните 1950-ти и која му ја променила животната приказна. За време на летниот одмор, Јан испратил разгледница до симпатијата, пресериозна и некомуникативна соученичка и член на партијата, во која иронично го величел Лав Троцки со цел да ја насмее и расположи. Девојката не ја сфатила шегата и ја покажала разгледницата на водството на партискиот подмладок, кои го исклучиле Лудвик од партијата и го испратиле да отслужи казнен воен рок работејќи во рудник извесно време.

И покрај загубените години, Лудвик станал успешен научник, но бил огорчен поради постапката на неговите партиски другари. Можност за одмазда добил кога ја запознал Хелена, сопруга на Павел Земанек, кој бил главниот иницијатор за исклучување на Лудвик од партијата. Лудвик ја завел Хелена, но бил вџашен кога Земанек рамнодушно ја прифатил врската помеѓу Јан и Хелена.

Наводи[уреди | уреди извор]

  1. Издание на „Табернакул“
  2. Author's Preface to 1982 Harper & Row edition