Црква „Св. Ѓорѓи“ - Вевчани

Од Википедија — слободната енциклопедија
Прејди на прегледникот Прејди на пребарувањето
Coat of arms of the Macedonian Orthodox Church.png
Macedonian cross.svg
Свети Ѓорѓи
Црква Св.Ѓорѓија - Вевчани.JPG

Поглед на црквата „Св. Ѓорѓи“ на влезот во Вевчани

Македонска православна црква
Епархија Дебарско-кичевска
Архијерејско намесништво Струшко
Парохија Вевчанска
Местоположба
Координати 41°15′03.5″N 20°37′54.8″E / 41.250972° СГШ; 20.631889° ИГД / 41.250972; 20.631889Координати: 41°15′03.5″N 20°37′54.8″E / 41.250972° СГШ; 20.631889° ИГД / 41.250972; 20.631889
Населено место Вевчани
Општина Струга
Држава Македонија
Општи податоци
Покровител Свети Ѓорѓи
Изградба 2013
Рушење 1913
Архитектонски опис
Портал „МПЦ“

Свети Ѓорѓи — најнова црква во селото Вевчани. Црквата е возобновена на местото на стар манастир кој постоел во минатото. Се наоѓа на самиот влез веднаш до портата на Општина Вевчани и непосредно до крстосницата со регионалниот пат Струга-Дебар недалеку од првите куќи на селото Велешта.

Историја и возобновување[уреди | уреди извор]

Црквата „Свети Великомаченик Ѓорѓија“ се возобновува по точно 100 години на темелите на некогашниот манастир Свети Ѓорѓија кој бил целосно разрушен во Охридско-дебарското востание од 1913 година.[1] Обновата е на иницијатива на градоначалникот на Општина Вевчани според кого тоа е многу значајно не само за вевчанци туку и за целиот дримколски крај бидејќи тука се одвивало испраќањето на печалбарите.[1] Темелите за изградбата на црквата биле поставени на 6 мај 2013[1] година во присуство на премиерот Никола Груевски и митрополитот Тимотеј Дебарско-кичевски, како и на претседателот на Собранието Трајко Вељаноски.[2]

Градба[уреди | уреди извор]

Црковниот храм е висок 15 метри, со внатрешна површина од 100 м2 и погледнат од горе наликува на православен крст. На ѕидањето работеле осуммина искусни вевчански мајстори кои рачно го обработувале најквалитетниот камен за фасадата[1]. Според проектот за изградба, црквата треба да претставува атрактивен објект за верниците и посетителите[1]. Храмот се гради со средства од локалните жители и други донации и ќе чини околу 300 илјади евра[1]. За фрескоживописот во црквата ќе се ангажираат најквалитетните уметници[1].

Поради местоположбата на која е изградена црквата се појавил спор помеѓу Општина Струга и Општина Вевчани, за кој тогашниот министер за локална самоуправа Тахир Хани потврдил дека црквата и портата се наоѓаат на територијата на Општина Вевчани[3]. Земјиштето каде што се гради црквата порано и припаѓало на државата, но според локалниот парохиски свештеник Зоран Попоски, направена е замена за црковен имот од 9 хектари земја каде што постоел разрушениот манастир посветен на Светиот великомаченик Ѓорѓи, според тапијата од 1925 година[1].

Галерија[уреди | уреди извор]

Наводи[уреди | уреди извор]

  1. 1,0 1,1 1,2 1,3 1,4 1,5 1,6 1,7 Ристоска, Александра (1 октомври 2013). „Најквалитетен камен за црквата „Св. Великомаченик Ѓорѓија“ во Вевчани“ (македонски). МИА. конс. 5 мај 2016. 
  2. „Вевчани доби порта, а се обнови и црква“ (македонски). Дневник. 6 мај 2013. конс. 5 мај 2016. 
  3. „Хани до Села: Портата и црквата се на територија на Вевчани“ (македонски). МКД:мк. 21 октомври 2013. конс. 5 мај 2016. 

Надворешни врски[уреди | уреди извор]